တောင်ပပေါ်သားမျိူးပါဆရာ ခရမ်းချဉ် 3ပတ်ဘဲခူးရသးတယ် ရောဂါဆိုးဝါးဝါးကျနေလို့ပါ တခင်းလုံးတော့မဟုတ်ပါဘူး ခရမ်းချဉ်ဈေးလည်းကောင်းနေတာ့ အပင်ဆက်ထိန်းထားချင်လို့ပါ ကုလိုရနိုင်ပါသလား

ခရမ်းချဉ် ဘက်တီးရီးယား အစက်အပြောက် ရောဂါ (Bacterial Speck and Spot) ကျတာပါ၊ ဒီရောဂါအတွက် စိုက်ခင်းအတွင်း ဓာတုဆေးဖြင့် ကုသရာတွင် ကော့ပါးအခြေခံဆေး (Copper Oxychloride, Copper hydroxide) , Oxolinic acid, Kasugamycin, Bismerthiazole တစ်မျိုးမျိုးကဲ့သို့သော ဘက်တီးရီးယားသတ်ဆေးများကို ၅ ရက်မှ ၇ ရက်တစ်ကြိမ် စနစ်တကျ ဖျန်းပေးရပါမယ်။ ရောဂါထပ်မံ မပြန့်ပွားစေရန် အပင်များ စိုစွတ်နေချိန်တွင် ကိုင်တွယ်ခြင်းကို ရှောင်ကြဉ်ပြီး ရောဂါရအရွက်များကို ဆွတ်ခူးကာ စိုက်ခင်းပြင်ပ၌ မီးရှို့ဖျက်ဆီးရပါမယ်။ ရေပေးဝေရာတွင်လည်း အပင်ပေါ်မှ ရေပက်ဖျန်းခြင်းထက် အပင်ခြေမှ ရေသွင်းခြင်း ကို အသုံးပြုခြင်းက ပိုမိုထိရောက်ပါတယ်။ နောင်ရာသီအတွက် ကြိုတင်ကာကွယ်ရန် ရောဂါကင်းစင်ကြောင်း စိတ်ချရသော အသိအမှတ်ပြု ပျိုးပင်/မျိုးစေ့များကိုသာ အသုံးပြုပါ။အဆိုပါစိုက်ခင်းမြေနေရာတွင် ခရမ်းချဉ်၊ ငရုတ် ကဲ့သို့သော Solanaceae မျိုးရင်းဝင် အပင်များကို ဆက်တိုက်မစိုက်ပျိုးဘဲ ပြောင်းဖူး၊ ပဲမျိုးစုံ သို့မဟုတ် ဂေါ်ဖီထုပ် တို့နှင့် ၂ နှစ်မှ ၃ နှစ်ခန့် သီးလှည့်စိုက်ပျိုးပေးပါ။