စပါးခင်း ဘာရောဂါကျနေတာလဲဗျ ဘာဆေးပက်ရမလဲ

စပါးရွက်များတွင် အဝါရောင်အနားသတ်ရှိသော အညိုစက်များတွေ့ရခြင်းမှာ ရေလှောင်ကြာ၍ အမြစ်များအောက်စီဂျင်ပြတ်လပ်ကာ ပိုတက်စီယမ်အာဟာရဓာတ်ချို့တဲ့ခြင်း နှင့် ရွက်ညိုပြောက်မှိုရောဂါ တွဲဖက်ကျရောက်နေခြင်းပါ။သို့ပေမယ့်လည်း အရွက်အဖျားခြောက်သည့်ပုံစံကြည့်ရတာကလည်း ဘက်တီးရီးယားရွက်ခြောက်ရောဂါ (BLB) ဟုတ်မဟုတ်ကိုလည်း ဆက်လက်စောင့်ကြည့်ရန် လိုအပ်သေးတယ်။ ဤအခြေအနေကို ကုစားရန် စိုက်ခင်းအတွင်းရှိ ရေဟောင်းများကို ချက်ချင်းထုတ်ပစ်ပြီး လေဝင်လေထွက်ကောင်းအောင် ရေသွင်းရေထုတ်လုပ်ပေးရပါမယ်။ ထို့နောက် အပင်ရောဂါခံနိုင်ရည်တက်လာစေရန် ပိုတက်ရှ် (MOP) မြေဩဇာ သို့မဟုတ် ပိုတက်စီယမ်ပါဝင်မှုမြင့်မားသော ရွက်ဖျန်းမြေဩဇာကို ကျွေး/ဖျန်းပေးရပါမယ်။ တစ်ချိန်တည်းတွင် ရောဂါကိုဆိုးရွားစေတတ်သော ပုလဲ (နိုက်ထရိုဂျင်) ကျွေးခြင်းကို ခေတ္တရပ်ဆိုင်းထားရမည်ဖြစ်ပြီး၊ ရွက်ညိုပြောက်ရောဂါနှင့် ဘက်တီးရီးယား ရွက်ခြောက် ရောဂါ ဆိုရင်လည်း တခါတည်းကာ ကွယ်န်ိုင်စေရန် Copper Oxychloride ကဲ့သို့သော မှိုသတ်ဆေးကို ပက်ဖျန်းပေးသင့်ပါတယ်ခင်ဗျယ၊ ဆက်လက်စောင့်ကြည့်စစ်ဆေးပေးပါခင်ဗျာ