ငရုတ်ပင်တွေသေနေလို့ဗျ ဘယ်လိုလုပ်ရမလဲဆရာတို့

@မြတ်ကို ငရုတ်ခါးရိရောဂါ (Damping-off) ကျတာပါ၊ ဒီ ရောဂါသည် Rhizoctonia မှိုပိုးကြောင့်ဖြစ်သော မြေဆောင်ရောဂါ ဖြစ်သည့်အတွက် ကုသရန် အလွန်ခက်ခဲပြီး ရေရှည်အတွက် မြေပြင်ခြင်းစနစ် ကောင်းမွန်ရန် အလွန်အရေးကြီးပါတယ်။ လက်ရှိကျရောက်မှုကို အရေးပေါ်ထိန်းချုပ်ရန် Hymexazol (သို့မဟုတ်) Fosetyl-aluminium ဆေးတစ်မျိုးမျိုးဖြင့် အပင်ခြေနှင့်မြေကြီး စိုရွှဲသွားအောင် ဦးစွာဖျန်းပေးပြီး၊ ၅ ရက်ခန့် ခြားပြီးအပင်အပေါ်ပိုင်းဆီသို့ Azoxystrobin ဆေးကို သီးသန့် ထပ်မံဖျန်းပေးရပါမယ်။ ဤရောဂါသည် မြေဆီလွှာအတွင်း အောင်းနေတတ်သဖြင့် နောင်ရာသီများတွင် မြေကိုသေချာ နေလှန်းခြင်း၊မြေချဉ်ပါက ထုံးထည့်ခြင်းနှင့် ရေနုတ်မြောင်းစနစ်ကောင်းမွန်အောင် မြေပြင်ရန် လိုအပ်ပါတယ်။ ထို့အပြင် မြေဆောင်မှိုများကို သဘာဝအတိုင်းနှိမ်နင်းရန် ထရိုင်ကိုဒါးမား (Trichoderma) အကျိုးပြုမှိုကို မြေပြင်ချိန်တွင် မဖြစ်မနေ ထည့်သွင်းရမည်ဖြစ်ပါတယ်