စပါးကြီးထွားမှုအဆင့်ကို Vegetative Phase Reproductive Phase Ripening Phase ဆိုပြီး ၃မျိုးရှိတယ်လို့ သိထားပါတယ် Vegetative Phase မှာဖွံ့ဖြိုးမှုအဆင့်ခွဲတွေ ဘယ်နှဆင့်ရှိပါသလဲ Reproductive Phase မှာဖွံ့ဖြိုးမှုအဆင့်ခွဲတွေ ဘယ်နှဆင့်ရှိပါသလဲ Ripening Phase မှာဖွံ့ဖြိုးမှုအဆင့်ခွဲတွေ ဘယ်နှဆင့်ရှိပါသလဲ အဆင့်ခွဲ တွေအကြောင်း အသေးစိတ် ဖြေပေးပါလားဗျာ

@Sai Kaung Myat Kyaw Kyaw နိုင်ငံတကာစပါးသုတေသနအဖွဲ့ (IRRI) ၏ သတ်မှတ်ချက်အရ စပါးပင်တစ်ပင်လုံး၏ ကြီးထွားမှုဖြစ်စဉ်တွင် စုစုပေါင်း အဆင့်ခွဲ (၁၀) ဆင့် (Stage 0 မှ 9 ထိ) ရှိပါတယ်။ ပထမဦးဆုံးဖြစ်သော ပင်ပိုင်းကြီးထွားသည့်အဆင့် (Vegetative Phase) တွင် မျိုးစေ့အညှောက်ပေါက်ခြင်း၊ ပျိုးပင်ဘဝ၊ ပင်ပွားထွက်ခြင်းနှင့် ပင်စည်ရှည်ထွက် ခြင်းဟူ၍ အဆင့်ခွဲ (၄) ဆင့် ရှိပါတယ်။ ဒုတိယဖြစ်သော မျိုးပွားသည့်အဆင့် (Reproductive Phase) တွင် စပါးနှံသန္ဓေတည်၍ မှို့ကပ်ခြင်း၊ အနှံထွက်ခြင်းနှင့် ပန်းပွင့်စပ်ယှက်ခြင်း - စပါးပွင့်ကလေးများပွင့်ပြီး ဝတ်မှုံကူးစပ်ယှက်ကာ သန္ဓေအောင်သည့် အဆင့်ဖြစ်ပါတယ် (များသောအားဖြင့် မနက်ပိုင်းအချိန်တွင် အပွင့်များ ပွင့်တတ်ကြပါတယ်)ဟူ၍ အဆင့်ခွဲ (၃) ဆင့် ရှိပါတယ်။ တတိယဖြစ်သော စပါးနှံရင့်မှည့်သည့်အဆင့် တွင် နို့ရည်တည်ခြင်း၊ စပါးစေ့အတွင်းရှိ နို့ရည်များ တဖြည်းဖြည်း ခမ်းခြောက်လာပြီး မာသောအဆင့်သို့ ကူးပြောင်းလာသည့် အဆင့်နှင့် စပါးနှံဝင်းမှည့်ခြင်းဟူ၍ အဆင့်ခွဲ (၃) ဆင့် အသီးသီး ရှိကြပါတယ်ခင်ဗျာ။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ