ဇီးပင်တွင်ပုံပါအတိုင်းဖြစ်နေပါသည် ။၎င်း ကိုရောဂါဟုခေါ်ပါသလား? ဘယ်လိုကာကွယ်ရမလဲ?အပင် အသီးတို့ကိုထိခိုက်နိုင်ပါသလား?ကျေးဇူးပြု၍ဖြေကြားပေးစေလိုပါတယ်... ...

black knot disease ပါ မှိုရောဂါ ဖြစ်ပါတယ် မိုးများတဲ့အခါ စိုထိုင်းဆများတဲ့အခါ ဇီးပင်တွေမှာ ဖြစ်ပါတယ် မှိုစပိုးက လေအားဖြင့် ပျံ့နှံပြီး အပင်တစ်ပင်နှင့် တစ်ပင်ကို ထိခိုက်နိုင်ပါတယ် အသီးအထွက်နဲ့အပင်ကို ထိခိုက်နိုင်ပါတယ် အပင်ရဲ့ မှို ရောဂါကျနေတဲ့ အပိုင်းကို ရောဂါကျနေရာနဲ့ ၂ လက်မအကွာက ဖြတ်ပေးပါ။ ရောဂါကျ အပိုင်းအားလုံး ဖယ်ရှားပြီး ဖယ်ရှားထားတဲ့အစိတ်အပိုင်းတွေကို မီးရှို့ ဖျက်ဆီးပါ။ အပင် လေဝင်လေထွက်ကောင်းစေရန် အပင်အတွင်းကို ဝင်နေတဲ့ ကိုင်းတွေ ဖြတ်ပေးပါ။ ပြီးရင် မှိုသတ်ဆေးဖြန်းပါ။ ထိသေမှိုသတ်ဆေးကို အညွှန်းပါအတိုင်းဖြန်းပါ။ သတိပြုရန်မှာ ဆေးဖြန်းချိန် လေငြိမ်သောအချိန် ဖြစ်ရပါမယ်။ ဒီရောဂါကျတဲ့အခင်းမှာ နောက်နှစ် ဒီအချိန်မှာ ထပ်ပြီးရောဂါကျပါတယ်။ ဒါကြောင့် ရောဂါကျတဲ့ လ ရက်မှတ်ထားပြီး နောက်နှစ်မှာ မကျစေဖို့ စနစ်တကျ ကိုင်းဖြတ်ခြင်းကို မိုးမဝင်ခင်ပြုလုပ်ပြီး အပင်တွေကို ဘော်ဒိုဆေးရည်သုတ်လိမ်းကာကွယ်သင့်ပါတယ်။

အစေးကလေးတွေကနေစဖြစ်တာပါ

မမြင်ဖူးဘူး။ ဘယ်လိုပေါ်လာတာလဲ