နွေနှမ်းစိုက်ချင်လို့ပါ ဘယ်လိုနှမ်းမျိုးနဲ့ ဘယ်လမှာစိုက်သင့်လဲဆိုတာသိပါရစေ စစ်ကိုင်းတိုင်းအထက်ပိုင်း ဟုမ်းမလင်းမြို့နယ်ကပါခင်ဗျာ. လေးစားစွာဖြင့်။

ဆင်းရတနာ(၁၄)စိုက်လို့ရပါသလားရွှေဘို ဝက်လက်

ဆင်းရတနာ(၃)အရောင်ကနက်ပြောင်နေတာကြောင့်ဝယ်သူကြိုက်ပါတယ်.ဒါပေမဲ့နှမ်းနက်တွေကစျေးသိတ်မကွာလှပါဘူး။စံနစ်တကျစိုက်မယ်/ရိတ်သိမ်းမယ်,ပြီးတော့ရိက်ပြီးရင် နှမ်းပင်ကိုတစ်ညဘဲပုံမယ်..နေ၃ရက်လောက်လှန်းမယ်...ခါမယ်..ဆိုရင်အရည်အသွေးကောင်းပါတယ်။နှမ်းပုံ တာကိုတစ်ညထက်မပိုသင့်ပါ။၂ညထက်ပိုပြီးပုံထားမယ်ဆိုရင်အက်စစ်ဓာတ်များလာပြီးအရည်အသွေးညံ့တတ်ပါတယ်။

ဈေးကွက်မှဘယ်နှမ်းကဈေးပို ပါသလဲဆရာ နှမ်းနက်ကိုပါဆရာ

သက်တမ်းက ၈၅ရက်..ရက်၉၀ပါ။

ရိတ်သိမ်းဖို့ဘယ်နှစ်လကြားပါသလဲဆရာ

နွေနှမ်းကို ဖေဖေါ်ဝါရီလကုန်နဲ့မတ်လမှာစိုက်လေ့ရှိပါတယ်။နွေနှမ်းကတော့မိုးရေမျှော်ကိုးပြီးစိုက်တာ မဟုတ်တာကြောင့် ရေသွင်းစိုက်ပျိုးနိုင်မှသာအဆင်ပြေနိုင်မှာပါ။ပင်ပိုင်းကြီးထွားမှုကာလရယ်,ပန်းပွင့်ချိန်ရယ်,သီးတောင့်ဖြစ်တည်ချိန်တွေမှာ ရေလိုအပ်ပါတယ်။ဟုမ္မလင်းမှာ အခုအေးတုန်းဘဲလား.အအေးဓာတ်လျော့သွားပြီဆိုရင်, မြေဆီလွှာအပူချိန်၂၀ ဒီဂရီစင်တီဂရိတ်ကျော်ပြီဆိုရင်စိုက်နိုင်ပါပြီ။ အေးလွန်းရင်အပင်ပေါက်ညံ့ပါတယ်။ ဒါကြောင့်မတ်လဆန်းမှာစိုက်သင့်ပါတယ်။ဆင်းရတနာ(၃) နှမ်းနက်မျိုးကတော့နေရာဒေသတော်တော်များများမှာဖြစ်ထွန်းပါတယ်။ဆင်းရတနာ (၄)လည်းဖြစ်ထွန်းပါတယ်.သူကအဖြူမျိုးပါ။နှမ်းကို ပင်ကြား၁၅လက္မထားစိုက်ရပါမယ်။နှမ်းကရေဝပ်တာမကြိုက်ပေမဲ့အစိုဓာတ်တော့လိုအပ်ပါတယ်။ဒါကြောင့်ရေသွင်းနှမ်းက မိုးကြိုနှမ်း,ဆောင်းနှမ်းထက် အထွက်ပိုပါတယ်။