နှင်းပန်းပွင့်တွေက ခါးမှာ ပုတ်သလို ဖြစ်ပီး အပွင့်တွေက ပုံပါအတိုင်းဖြစ်နေလို့ပါဆရ...

421

လွန်ခဲ့သော ၁၉ မိနစ် က · ယင်းမာပင်

နွားချေးအစို+ဖွဲ့နု+ကျောက်မှုန့်(ဂျစ်ပဆမ်) +ပဲမှုန့်+တင်လဲရည်+တဆေးတို့နဲ့ အချည်ဖောက်အရည် ပြုလုပ်လို့ရပါသလား ရခဲ့ရင် အသုံးပြုရမယ့်ပစ္စည်းပါဝင်မှုအချိုးအစားသိပါရစေ

အပင်အာဟာရ ကြက်သွန်နီ

323,917 လွန်ခဲ့သော ၉ မိနစ် က

ဒီနည်း အသုံးလုပ်မယ်ဆိုရင် ကျောက်မှုန့်မလိုပါဘူးဗျ။ ဓာတ်မြေသြဇာစရိတ် သက်သာစေမည့် အိန္ဒိယနိုင်ငံကျော် "ဂျီဗာမရုသမ်" (Jeevamrutham) ပြုလုပ်အသုံးပြုနည်း ခေါင်းစဉ်ဖတ်ပြီး လိုက်လုပ်ကြည့်ပါဗျ။

164

လွန်ခဲ့သော ၅၇ မိနစ် က · မအူပင်

နှင်းပန်းပွင့်တွေက ခါးမှာ ပုတ်သလို ဖြစ်ပီး အပွင့်တွေက ပုံပါအတိုင်းဖြစ်နေလို့ပါဆရာ။ ဘာကြောင့်ဖြစ်တာလဲရှင့် ဘာဆေးဖြန်ရင်ရလဲဆရာ

စိုက်ပျိုးစီးပွား အိမ်တွင်းအလှစိုက်ပင်

345,963 လွန်ခဲ့သော ၂၆ မိနစ် က

နှင်းပန်းအဖူးများ ခါးမှပုပ်ပြီး ပုံပျက်သွားရခြင်းမှာ စိုစွတ်ဆွတ်ပြီး လေဝင်လေထွက် ညံ့ဖျင်းသော ပတ်ဝန်းကျင်ကြောင့် ဖြစ်ပွားတတ်သည့် ဘိုထရိုက်တစ် (Botrytis) သို့မဟုတ် ဖိုက်သော်သရာ (Phytophthora) မှိုရောဂါ ကြောင့် ဖြစ်တာပါ။ ရောဂါကို ထိရောက်စွာ ကုသနိုင်ရန်အတွက် ပုပ်နေသော အဖူးနှင့် အရွက်များကို ချက်ချင်း ဖြတ်တောက် ဖျက်ဆီးပစ်ရမည် ဖြစ်ပြီး၊ ကာဗင်ဒါဇင် (Carbendazim) သို့မဟုတ် သိုင်အိုဖနိတ်မီသိုင်း (Thiophanate-methyl) သို့မဟုတ် Azoxystrobin ကဲ့သို့သော ပင်လုံးပျံ့ မှိုသတ်ဆေးတစ်မျိုးမျိုးကို (၅) ရက်မှ (၇) ရက်ခြား တစ်ကြိမ် နှံ့စပ်အောင် ပက်ဖျန်းပေးရပါမယ်။( အရွက်နှင့် အပင်ခြေအထိ သေချာနှံ့စပ်အောင် ပက်ဖျန်းပေးပါ။ ထို့ပြင် အစိုဓာတ်လွန်ကဲမှုကို လျှော့ချရန်အတွက် ရေလောင်းရာတွင် အပင်အပေါ်မှ ပက်မလောင်းဘဲ အပင်ခြေကိုသာ လောင်းပေးရပါမယ်။ ဆေးဖျန်းရာတွင် နေပူရှိန်ပြင်းသော အချိန်ကို ရှောင်ကြဉ်ပြီး ညနေစောင်း သို့မဟုတ် မနက်စောစောတွင် ဖျန်းပေးပါ။ညနေပိုင်း ရေလောင်းခြင်းကို ရှောင်ပါ (ညဘက် အစိုဓာတ်တင်ကျန်ပါက မှိုပွားလွယ်သည်)။ အပင်များကို စိပ်လွန်းစွာ မစိုက်ဘဲ လေဝင်လေထွက် ကောင်းအောင် ဆောင်ရွက်ပေးပါ။ လုံလောက်သော နေရောင်ခြည် ရရှိပါစေ။

323,917 လွန်ခဲ့သော ၃၆ မိနစ် က

အစိုဓာတ်လွန်များနေတဲ့ကာလမို့ ပင်စည်ပုပ်ရောဂါဖြစ်နေတာ ဖြစ်နိုင်ပါတယ်။ အဲဒီလိုဖြစ်နေတဲ့အပင်တွေကို ကတ်ကြေးနဲ့ ဖြတ်ထုတ်ပစ်ပါ။ မန်ကိုဇက် (Mancozeb)၊ ကာဘင်ဒါဇင် (Carbendazim) သို့မဟုတ် ကောပါးအခြေခံ မှိုသတ်ဆေး (Copper Fungicide) တစ်မျိုးမျိုးကို အညွှန်းအတိုင်းဖျန်းပေးပါ။ ပင်စည်အခြေတွေထိအောင် ဆေးရောက်အောင် ဖျန်းပေးပါ။ ရေဝပ်မခံပါနဲ့။ လေဝင်လေထွက်ကောင်းအောင် အောက်ခြေရှင်း၊ ပေါင်းရှင်းပေးပါ။

650

လွန်ခဲ့သော ၂ နာရီ က · မအူပင်

Trichoderma ကိုမတ်ပဲအတွက်သုံးချင်လို့အဆင့်အဆင့်သုံးရမယ့်နည်းလမ်းသိချင်လို့ပါဆရာသူ့ရဲ့အကျိုးပြုပုံလေးလည်းသိချင်လို့ပါဆရာ

စိုက်ပျိုးနည်း မတ်ပဲ

345,963 လွန်ခဲ့သော ၁ နာရီ က

မတ်ပဲစိုက်ပျိုးရာတွင် ထရိုင်ကိုဒါးမား (Trichoderma) အကျိုးပြုမှိုကို အဆင့်ဆင့် စနစ်တကျ အသုံးပြုခြင်းဖြင့် ပဲပင်ဝါးညှိုးသေခြင်းနှင့် အမြစ်ပုပ်/ပင်စည်ပုပ် ရောဂါများကို ကာကွယ်နိုင်ပါတယ်။ အသုံးပြုရာတွင် မြေပြင်ချိန်၌ သဘာဝမြေဩဇာနှင့်ရော၍ မြေခံထည့်ခြင်း၊ စိုက်ပျိုးခါနီးတွင် မျိုးစေ့လူးနယ်ခြင်းနှင့် အပင်ပေါက်ပြီး သက်တမ်းအလိုက် အပင်ခြေသို့ ရေဖြင့်‌ ရောစပ်ဖျန်းပေးခြင်းဟူ၍ အဆင့်ဆင့် ဆောင်ရွက်လို့ရပါတယ်။ ဤမှိုသည် ရောဂါမှိုများကို ရှာဖွေဖျက်ဆီးရုံသာမက အမြစ်စနစ်ကို အားကောင်းစေကာ ပဲအထွက်နှုန်းကို တိုးတက်စေပါတယ်။ သို့သော် ၎င်းသည် သက်ရှိမှိုဖြစ်၍ ဓာတုမှိုသတ်ဆေးများနှင့် တွဲဖက်သုံးစွဲခြင်းကို လုံးဝရှောင်ကြဉ်ရပါမယ်။

493

လွန်ခဲ့သော ၃ နာရီ က · ပြည်

ကျောက်စိမ်းပဒေသာပါ ဘာဖစ်နေတာလည်းမသိဘူး နွားသေး ဖြန်းရမလား ဘယ်လောက်ထည့်ရမလည်း

အပင်အာဟာရ စပါး

345,963 လွန်ခဲ့သော ၃ နာရီ က

ပုံပါ ကျောက်စိမ်းပဒေသာစပါးခင်းသည် နိုက်ထရိုဂျင် (အာဟာရ) ဓာတ် အလွန်အမင်း ချို့တဲ့နေပြီး အရွက်များ ဝါကြန့်နေခြင်း ဖြစ်ပါတယ်။ တောင်သူမေးမြန်းထားသော နွားသေး (နွားကျင်ငယ်ရေ) မှာ နိုက်ထရိုဂျင် ပါဝင်သော်လည်း ယခုကဲ့သို့ အပြင်းအထန် ချို့တဲ့နေချိန်တွင် အရွက်ဖြန်းရုံဖြင့် လုံလောက်သော အာဟာရကို ချက်ချင်းမရနိုင်ပါဘူး။ ထို့ကြောင့် အပင်များ အမြန်ဆုံး ပြန်လည်နာလန်ထူပြီး အစိမ်းရောင်တောက်လာစေရန်အတွက် တစ်ဧကလျှင် ယူရီးယား (ပုလဲ) မြေဩဇာ အိတ်ဝက် (၂၅ ကီလိုဂရမ်ခန့်) ကို မြေအစိုဓာတ်ရှိချိန်တွင် ချက်ချင်း ပက်ကျဲကျွေးရပါမယ်။ ၎င်းအပြင် အာဟာရစုပ်ယူမှု ပိုမိုမြန်ဆန်စေရန် ဇင့်ဆာလဖိတ် သို့မဟုတ် ပုလဲ မကျွေးချင်ပါကအမိုနီယမ်ဆာလဖိတ်ကို တွဲဖက်ကျွေးခြင်းခြင်းဖြင့် အရွက်များ ဝါခြင်းကို အမြန်ဆုံး သက်သာပျောက်ကင်းစေနိုင်ပါတယ်။ အကောင်းဆုံးကတော့ ပုလဲနှင့်ကွန်ပေါင်းမြေဩဇာတစ်မျိုးမျိုးကိုထည့်သွင်းပေးပါခင်ဗျာ၊ ‌အဟာရချို့တံလွန်းရင် နောက်ဆိုမှိုရောဂါကျရောက်ခြင်းပါခံရပါလိမ့်မယ်ခင်ဗျာ၊ အရင်ကဘာမြေဩဇာတွေကျွေးပေးပြီးပြီလဲ၊ နောက်ဆုံးမြေဩဇာကျွေးပြီးတာရောရက်ပေါင်းဘယ်လောက်ကြာပြီလဲခင်ဗျာ

ဖြေလည်သော အဖြေရရှိပြီး

493

လွန်ခဲ့သော ၁၄ နာရီ က · ပြည်

မြေပဲ ရက်၂၀ရှိပီ နွားသေး ဆေးဖြန်းပုံး တပုံးကို နှစ်လီတာ ထည့်ဖြန်းလို့ရပါသလား ဘယ်လောက်ထည့်ရမလည်း ဘာတေနဲ့ရောဖြန်းရင် ပိုကောင်းပါသလည်း ဆရာ

အပင်အာဟာရ မြေပဲ

1,115,956 လွန်ခဲ့သော ၅ နာရီ က

ဤအဖြေဖြင့် ပြေလည်

ရက်20သားကို၊နွားသေး 2လီတာ/ဆေးတပုံး နုန်းဖျန်းရင်၊အပင်လောင်နိုင်ပါတယ်။ (ရာသီဥတု၊အပူချိန်မြင့်နေတဲ့ကာလ မို့၊ပိုဆိုးနိုင်ပါတယ်) ဆေးတပုံး ၅၀၀စီစီ ဖျန်းရင်သင့်တော်ပါတယ်။

345,963 လွန်ခဲ့သော ၇ နာရီ က

ဤအဖြေဖြင့် ပြေလည်

မြေပဲသက်တမ်း ၂၀ ရက်သားတွင် နိုက်ထရိုဂျင်ဓာတ် ကြွယ်ဝသော နွားကျင်ငယ်ရေကို သဘာဝအားဆေးအဖြစ် အသုံးပြုနိုင်ပါတယ်။ ဆေးဖျန်းပုံးတစ်ပုံး (၁၆-၂၀ လီတာ) လျှင် နို့ဆီဘူး ၂ ဘူးမှ ၃ ဘူးခန့် (၂၅၀-၃၅၀ စီစီ) အချိုးအစားဖြင့် ရေနှင့်ရောစပ်၍ ဖျန်းပေးရပါမယ်။ နွားကျင်ငယ်ရေကို တိုက်ရိုက်မသုံးရဘဲ၊ လေလုံသောပုံးထဲတွင် အနည်းဆုံး ၇ ရက်မှ ၁၀ ရက်ခန့် အချဉ်ဖောက် သိုလှောင်ပြီးမှသာ အပေါ်အရည်ကြည်ကို စစ်ယူသုံးစွဲရပါမယ်။ နေပြင်းချိန်တွင် အရွက်လောင်တတ်သဖြင့် မနက်စောစော သို့မဟုတ် ညနေစောင်း နေအေးချိန်တွင်သာ ဖျန်းပေးရမှာပါ။ နှစ်လီတာထည့်ဖျန်းရင်အပင်လောင်မှာပါ။အနည်းဆုံးနို့ဆီဗူး၂ဗူးကစပြီး စမ်းသပ်ဖျန်းကြည့်ရမှာပါ

650

လွန်ခဲ့သော ၁၅ နာရီ က · မအူပင်

ခရမ်းချဉ်ပျိုးတာ5ရက်ရှိပြီအမင်မပေါက်လာသေးလို့ဆရာ/မျှားနီတံဆိပ်

စိုက်ပျိုးနည်း ခရမ်းချဉ်

345,963 လွန်ခဲ့သော ၁၅ နာရီ က

ခရမ်းချဉ်စေ့များသည် ပုံမှန်အားဖြင့် အပင်ပေါက်ရန် အပူချိန်နှင့် စိုထိုင်းဆပေါ်မူတည်၍ ၅ ရက်မှ ၁၀ ရက်အထိ (အခြေအနေမပေးပါက ၁၄ ရက်အထိ) ကြာမြင့်တတ်သဖြင့် လက်ရှိ ၅ ရက်ဆိုသည့်ကာလမှာ စိတ်ပူရန်မလိုသေးဘဲ နောက်ထပ်ရက်အနည်းငယ် ထပ်မံစောင့်ဆိုင်းပေးရပါမယ်။ အပင်ပေါက်နှုန်း ကောင်းမွန်စေရန်အတွက် ပျိုးမြေကို ခြောက်မသွားစေဘဲ အမြဲစိုစွတ်နေအောင် ဂရုစိုက်ပေးရမည်ဖြစ်ပြီး၊ အစေ့ကို အလွန်နက်ရှိုင်းစွာ မြှုပ်နှံမိပါကလည်း အပင်ပေါက်ရန် ကြာမြင့်တတ်သဖြင့် အစေ့အထက်တွင် မြေသား ၀.၅ စင်တီမီတာခန့်သာ ဖုံးအုပ်ထားသင့်ပါတယ်။

ဖြေလည်သော အဖြေရရှိပြီး

လွန်ခဲ့သော ၁၆ နာရီ က · မင်းလှ

မြေ ph level တိုင်းတာရန် တိုင်းစက်အပြင် အခြား မည်သည့်နည်းလမ်းဖြင့် တိုင်းတာလို့ရနိုင်ပါလဲ ခင်ဗျ

မြေဆီလွှာ မတ်ပဲ

1,115,956 လွန်ခဲ့သော ၄ နာရီ က

ဤအဖြေဖြင့် ပြေလည်

လစ်တမတ် စက္ကူကို အသုံးပြုတိုင်းနည်း။ မုန့်ဖုတ်ဆိုဒါ၊ဗီနီကာ များနှင့် တိုင်းနည်း။ ဂေါ်ဖီထုပ်အနီ ရောင် အရည်ဖြင့် တိုင်းတာ နည်းများ ရှိပါတယ်။

345,963 လွန်ခဲ့သော ၁၅ နာရီ က

ဤအဖြေဖြင့် ပြေလည်

မြေဆီလွှာ၏ pH level (အချဉ်အငန်ဓာတ်) ကို တိုင်းတာရန် စက်မရှိပါက အိမ်သုံးပစ္စည်းများဖြစ်သော ဗာနီဂါရှာလကာရည် (Vinegar) နှင့် မုန့်ဖုတ်ဆိုဒါ (Baking Soda) တို့ကို အသုံးပြု၍ အကြမ်းဖျင်း စမ်းသပ်နိုင်ပါတယ်။ မြေနမူနာထဲသို့ ဗာနီဂါထည့်၍ အမြှုပ်ထလာပါက အယ်လ်ကာလီဓာတ်ကဲသောမြေ (Alkaline) မြေငံဖြစ်ပြီး၊ မုန့်ဖုတ်ဆိုဒါထည့်၍ အမြှုပ်ထလာပါက အချဉ်ဓာတ်ကဲသောမြေ (Acidic) မြေချဉ်ဖြစ်ကာ၊ တစ်ခုမှ အမြှုပ်ထမလာပါက သီးနှံအတွက် အကောင်းဆုံးဖြစ်သော ဓာတ်ပြယ်မြေ (Neutral) ဖြစ်ပါတယ်။

ဖြေလည်သော အဖြေရရှိပြီး

လွန်ခဲ့သော ၁၇ နာရီ က · ရွာငံ

မျှားနီ တောင်ပေါ်သား(979)မျိုးဟာ အပင်တစ်ပင်ရဲ့ သက်တန်းတစ်လျှောက်လုံးမှာ အမြင့်ဆုံး ပိဿာချိန် ဘယ်လောက်ထိ ထွက်နိုင်ပါသလဲဗျ စိုက်ဖူးတဲ့ဆရာကြီးများ ပြန်ဖြေပေးကြပါခင်ဗျား။ ကျနော်က အခုမှစစိုက်မှာမို့လို့ပါဗျ။

စိုက်ပျိုး ဗဟုသုတ ခရမ်းချဉ်

345,963 လွန်ခဲ့သော ၁၇ နာရီ က

ဤအဖြေဖြင့် ပြေလည်

မျှားနီ တောင်ပေါ်သား (၉၇၉) ခရမ်းချဉ် မျိုးစေ့သည် အထွက်နှုန်း အလွန်ကောင်းမွန်သော ပတ်ဝန်းကျင်ဒဏ်ခံ F1 Hybrid စပ်မျိုးဗီဇ ဖြစ်ပါတယ်။ မြေပြင်လက်တွေ့ စိုက်ပျိုးမှု အခြေအနေများအရ တစ်ပင်လျှင် ပျမ်းမျှ ၃ ပိဿာမှ ၅ ပိဿာ ထွက်ရှိလေ့ရှိပြီး၊ ရာသီဥတုပေး၍ မြေဩဇာကျွေးမွေးမှု၊ ကိုင်းချိုင်စင်တင်မှုနှင့် ရေသွင်းရေထုတ်ကို စနစ်တကျ အထူးဂရုစိုက် ထိန်းကျောင်းနိုင်ပါက အပင်တစ်ပင်၏ သက်တမ်းတစ်လျှောက် အမြင့်ဆုံး ၇ ပိဿာမှ ၁၀ ပိဿာအထိ စံချိန်တင် ထွက်ရှိနိုင်စွမ်း ရှိပါတယ်။ အိတ်ပါ အညွှန်းအရလည်း အပင်ပေါက်နှုန်း ၈၅% နှင့်အထက် ရှိ၍ အရည်အသွေး စိတ်ချရသော မျိုးကောင်းမျိုးသန့် ဖြစ်ပါတယ်။

ဖြေလည်သော အဖြေရရှိပြီး

လွန်ခဲ့သော ၁၈ နာရီ က · ကျောင်းကုန်း

ယခုလက်ရှိ ရာသီဥတုနဲ့ဆို ဘာပဲအမျိုးအစားကို ရွေးချယ်ပီးစိုက်သင့်ပါသလဲ

စိုက်ပျိုး ဗဟုသုတ မတ်ပဲ

345,963 လွန်ခဲ့သော ၁၇ နာရီ က

ဤအဖြေဖြင့် ပြေလည်

လက်ရှိ မိုးနှောင်း/ဆောင်းအကြိုကာလသည် မတ်ပဲစိုက်ပျိုးရန် အကောင်းဆုံးအချိန်ဖြစ်ပြီး မိမိဒေသ ရေမြေအခြေအနေပေါ်မူတည်၍ ပဲမျိုးများကို စနစ်တကျရွေးချယ်သင့်ပါတယ်။ ရွက်ပြောက်ဝါရောဂါဒဏ် ခံနိုင်ရည်ရှိပြီး သက်တမ်း ၈၅-၉၀ ရက်ရှိသော မတ်ပဲ (ရေဆင်း-၄)၊ TBL -9မျိုး ရွေးချယ်သင့်ပါတယ်။မြေအစိုဓာတ်ရှိစဉ် အောက်တိုဘာမှ နိုဝင်ဘာလလယ်အတွင်း အမြန်ဆုံးစိုက်ပျိုးရန် လိုအပ်ပြီး၊ မျိုးစေ့ကို မှိုသတ်ဆေးလူးနယ်၍ စိုက်ပျိုးသင့်ပါတယ်။

345,963 လွန်ခဲ့သော ၁၆ နာရီ က

မတ်ပဲ စိုက်ပျိုးနည်း

406

လွန်ခဲ့သော ၂၀ နာရီ က · ပုသိမ်

GW11ကိုတဧကဘယ်နတင်းလောက်ကျဲပတ်ရင်ကောင်းမလဲအချိုကပါးပါးကျဲရင်စပါးအရန ည်းတယ်ဆိုတာဟုပ်ပါသလားခင်ဗျား။

စိုက်ပျိုးနည်း စပါး

345,963 လွန်ခဲ့သော ၁၉ နာရီ က

GW 11 စပါးမျိုးကို ကြဲပက်စိုက်ပျိုးရာတွင် စိုက်ပျိုးသည့် စနစ်ပေါ်မူတည်၍ မျိုးစေ့နှုန်းထား ကွာခြားမှု ရှိပါတယ်။ တောင်သူအများစု သုံးစွဲကြသည့် တိုက်ရိုက်အစေ့ချစနစ် (သို့မဟုတ်) ကြဲပက်စိုက်ပျိုးခြင်း စနစ်အတွက် တစ်ဧကလျှင် မျိုးစေ့ ၁၈ ပြည် မှ ၂၀ ပြည်ခန့်စိုက်ပျိုးရန် အကောင်းဆုံး ဖြစ်ပါတယ်။ အကယ်၍ အထွက်နှုန်း ပိုမိုသေချာစေမည့် ပျိုးထောင်ကောက်စိုက်စနစ် ဖြင့် စိုက်ပျိုးမည်ဆိုပါက တစ်ဧကအတွက် ပျိုးထောင်ရန် မျိုးစေ့ ၅ ပြည် မှ ၇ ပြည်ခန့်သာ လုံလောက်စွာ လိုအပ်မည် ဖြစ်ပါတယ်။ မျိုးစေ့နှုန်းထားကို စနစ်တကျ သုံးစွဲခြင်းဖြင့် ပင်ပွားထွက်နှုန်းနှင့် အထွက်နှုန်းကို အမြင့်ဆုံး ရရှိစေနိုင်ပါတယ်။ပါးပါးကျဲရင် စပါးအထွက်နှုန်းနည်းတယ်" ဆိုသည့် အယူအဆမှာအပြည့်အဝ မမှန်ကန်ပါဘူး။ စပါးအထွက်နှုန်းသည် မျိုးစေ့အများကြီးကျဲခြင်းအပေါ် မူတည်သည်မဟုတ်ဘဲ သတ်မှတ်ထားသည့် အပင်ဦးရေသိပ်သည်းဆ မျှတမှုအပေါ်တွင်သာ မူတည်ပါတယ်။ မျိုးစေ့ကို အလွန်အကျွံ ထူထူကျဲပါက အပင်များ အာဟာရနှင့် နေရောင်ခြည် လုယူရသဖြင့် ပင်ပွားနည်းခြင်း၊ အပင်ယိုင်လဲခြင်းနှင့် ပိုးမွှားရောဂါကျရောက်ခြင်းတို့ ဖြစ်ကာ အထွက်နှုန်း ပိုမိုကျဆင်းစေတတ်ပါတယ်။ ဆန့်ကျင်ဘက်အနေဖြင့် စနစ်တကျ ပါးပါးနှင့် ညီညာစွာကျဲခြင်းကသာ အပင်တစ်ပင်ချင်းစီကို သန်မာစေပြီး၊ ပင်ပွားနှုန်းကောင်းကာ အောင်စေ့များပြားခြင်းကြောင့် အထွက်နှုန်းကို ပိုမိုမြင့်မားစေပါတယ်။အများကြီးပါးရင်တော့ အထွက်နှုန်းနည်းမှာပေါ့။

ဖြေလည်သော အဖြေရရှိပြီး

လွန်ခဲ့သော ၂၀ နာရီ က · ကော့မှုး

အဲတာဘာဖြစ်တာလဲ ဘာရောဂါလဲ ဟိုမဟုတ်ဘာပိုးကျတာလဲ ကွမ်းရွက်အောက်တေမှား အဖြူဥလေတွေ အမဲဥလေတွေ အဲလိုတေဖြစ်နေတာဘာကြောင်ဖြစ်တာ လဲ ဘာဆေးတေသုံးရင်အဆင်ပြေနိုင်မလဲ ဖြေခဲ့ပေပါအုံးဆရာတို🙏🙏🙏

ပိုးမွှားရောဂါ ကွမ်း

345,963 လွန်ခဲ့သော ၁၈ နာရီ က

ဤအဖြေဖြင့် ပြေလည်

ပုံပါ ကွမ်းရွက်အောက် မျက်နှာပြင်တွင် တွေ့ရသော အဖြူစက်နှင့် အမည်းစက်ငယ်များမှာ ရောဂါ သို့မဟုတ် ပိုးမွှားကြောင့် မဟုတ်ဘဲ အပင်၏ သဘာဝဖြစ်စဉ် (Physiological Exudates) သာ ဖြစ်ပါတယ်။ ကွမ်းပင်သည် ရေဓာတ်နှင့် အာဟာရဓာတ် စုပ်ယူမှု အလွန်ကောင်းမွန်သဖြင့် လေထုစိုထိုင်းဆ မြင့်မားချိန် (အထူးသဖြင့် ညပိုင်း) တွင် ပိုလျှံသော အပင်ရည်နှင့် သကြားဓာတ်များကို အရွက်အောက်ရှိ အပေါက်ငယ်များမှတစ်ဆင့် အပြင်သို့ စစ်ထုတ်ပေးလေ့ရှိတယ်။ ထိုအရည်စက်များ ခြောက်သွေ့သွားသောအခါ အဖြူစက်များအဖြစ် ကျန်ရစ်ခဲ့ပြီး၊ ၎င်းအပေါ်သို့ ဖုန်မှုန့်များ ကပ်ငြိသွားသည့်အခါ အမည်းစက်များအဖြစ် ပြောင်းလဲ မြင်တွေ့ရခြင်း ဖြစ်တယ်။ ၎င်းသည်အ ရွက်မျက်နှာပြင်ပေါ်တွင် သကြားပွင့်ကဲ့သို့ ကပ်နေခြင်းဖြစ်၍ လက်သည်းဖြင့် အသာခြစ်ကြည့်ရုံ သို့မဟုတ် ရေဖျန်းရုံဖြင့် လွယ်ကူစွာ ကွာကျသွားနိုင်ပြီး၊ မည်သည့် ပိုးသတ်ဆေး/မှိုသတ်ဆေးမျှ ဖျန်းပေးရန် မလိုအပ်ပါဘူး။

345,963 လွန်ခဲ့သော ၁၈ နာရီ က

ဤအဖြေဖြင့် ပြေလည်

ယခုလို အစက်အပြောက်များ မဖြစ်စေရန်အတွက် အဓိကအားဖြင့် ကွမ်းခြံအတွင်း လေထုစိုထိုင်းဆနှင့် အပင်တွင်း ရေဖိအားကို ထိန်းညှိပေးရပါမယ်။ ကွမ်းခြံအတွင်း လေဝင်လေထွက်နှင့် အလင်းရောင် ကောင်းကောင်းရရှိအောင် ဆောင်ရွက်ပေးခြင်းဖြင့် အရွက်များပေါ်တွင် စိုထိုင်းဆအောင်းနေခြင်းကို လျှော့ချနိုင်ပါတယ်။ ထို့အပြင် ညပိုင်းတွင် အပင်မှ ရေငွေ့ပျံခြင်း လုပ်ငန်းစဉ် နှေးကွေးသွားတတ်သဖြင့် ညနေခင်း ရေလောင်းခြင်းကို ရှောင်ကြဉ်ပြီး နံနက်စောစောတွင်သာ ရေလောင်းပေးသင့်တယ်။ အပင်အသား နူးညံ့ပြီး အရည်ထွက် ပိုများစေသည့် ယူရီးယား (နိုက်ထရိုဂျင်) ဓာတ်မြေဩဇာကို အလွန်အကျွံ ကျွေးခြင်းမှ ရှောင်ကြဉ်ကာ အပင်ကို သန်မာစေမည့် ပိုတက်စီယမ်နှင့် ကယ်လ်စီယမ်ဓာတ်များကို မျှတစွာ ဖြည့်တင်းပေးခြင်းဖြင့် ယခုဖြစ်စဉ်ကို အထိရောက်ဆုံး ကာကွယ်နိုင်ပါတယ်။

164

လွန်ခဲ့သော ၂၃ နာရီ က · မအူပင်

ဒီနှစ်နွေစပါးအတွက် အယ်နီညိုရှိတော့ မျိုး‌စပါးအတွက်။ ဆာဖိုးသာနဲ့ Gw11 ဘယ်မျိုးထည့်ရင် ကောင်းနိုင်လဲဆရာ

စိုက်ပျိုးနည်း စပါး

164 လွန်ခဲ့သော ၁၄ နာရီ က

ကျေးဇူးပါဆရာ

345,963 လွန်ခဲ့သော ၁၅ နာရီ က

အတူတူပါဗျ၊ မျိုးအမည်က GW11ပါ ၊ အခြားစပါးမျိုးများဖြင့်မျိုးစပ်ပြီး တီထွင်ထားသည့် မျိုးဖြစ်တာကြောင့် GW11စပ်မျိုးဆိုပြီးခေါ်ဆိုသုံးနှုန်းလိုက်တာပါ၊တူတူပါပဲ

ဖြေလည်သော အဖြေရရှိပြီး

လွန်ခဲ့သော ၁ ရက် က · ဇလွန်

ကွမ်းစိုက်ထားတာလသားအရွယ်မှာပဲသေနေတာ ၃လသားရှိပြီ ပင်ခြေနားကနေအဖြူလေးတွေအလုံးတွေကပ်နေပြီးအမြစ်ပုတ်သေနေတာ ဘာလုပ်ရမလဲဗျာ

စိုက်ပျိုး ရေ ကွမ်း

345,963 လွန်ခဲ့သော ၂၃ နာရီ က

ဤအဖြေဖြင့် ပြေလည်

ကွမ်းပင်အသက် ၃ လသားတွင် အရွက်ဝါပြီး သေခြင်း၊ ပင်ခြေ၌ မုံညင်းစေ့အရွယ် အဖြူစေ့လေးများ ကပ်နေခြင်းမှာ မြေဆောင်မှိုတစ်မျိုးကြောင့် ဖြစ်သည့် "ကွမ်းပင်ညှိုးရောဂါ (Sclerotium Wilt / Collar Rot)" ဖြစ်ပါသည်။ ဤရောဂါကို နှိမ်နင်းရန်အတွက် ရောဂါရနေသော အပင်နှင့် အမြစ်ပတ်လည်ရှိ မြေကြီးကိုပါ ဂရုတစိုက် တူးထုတ်ပြီး စိုက်ခင်းပြင်ပတွင် ဖယ်ထုတ်ရပါမယ်။ ထို့နောက် ရောဂါကျသည့် ကွမ်းပင်ညှိုးရောဂါအတွက် Azoxystrobin ကို အပင်အပေါ်ပိုင်း ဖျန်းခြင်းနှင့် Hymexazol ကို အပင်ခြေ စိုရွှဲအောင် ဖျန်းပေးခြင်း သည် အလွန်ထိရောက်သော တွဲဖက်ကုသနည်း ဖြစ်ပါတယ်။စိုက်ခင်းအတွင်း လေဝင်လေထွက်ကောင်းအောင် ပြုပြင်ခြင်းနှင့် ရေမဝပ်အောင် ရေနုတ်မြောင်းဖော်ပေးခြင်းတို့ကို ချက်ချင်း ဆောင်ရွက်ရပါမယ်။ အဓိက အစိုဓာတ်မများရန်ငရုစိုက်ပါ၊ ရောဂါနှိမ်နင်းပြီးရင် ဂျစ်ဆမ်သို့မဟုတ် ကေဟူးမစ်ကျွေးပေးပါ။

345,963 လွန်ခဲ့သော ၁၈ နာရီ က

ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

406

လွန်ခဲ့သော ၁ ရက် က · ပုသိမ်

ကျနော်ရဲ့စပါးကျဲခင်းလုပ်မည့်လယ်ကွ က်ထဲမှာမိုးဦးက။။မသေဘဲကျန်နေတဲ့မြက်ကြိမ်ပင်အကြွင်းအကျန်မျာကိုပေါင်းသက်ဆေးဖြန်းခြင်လိုးဘယ်ဆေးကိုသုံးရမလဲဗျ။

စိုက်ပျိုး ဗဟုသုတ စပါး

345,963 လွန်ခဲ့သော ၁ ရက် က

စပါးခင်းအတွင်းရှိ မြက်ကြိမ်နှင့် မြက်အကြွင်းအကျန်များကို သေစေရန် ဂလိုင်ဖိုဆိတ် (Glyphosate) ဖျန်းပြီးနောက် ၃ ရက်မှ ၇ ရက်အကြာ တွင် ထယ်ထိုးထွန်မွှေခြင်းနှင့် စပါးမျိုးစေ့ကြဲပက်ခြင်းတို့ကို စိတ်ချစွာ ပြုလုပ်နိုင်ပါတယ်။ ဂလိုင်ဖိုဆိတ်သည် ပင်လုံးပျံ့ဆေးဖြစ်၍ ပေါင်းမြက်များ၏ အမြစ်အထိ ဆေးအာနိသင်ပျံ့နှံ့ရန် အချိန်စောင့်ရခြင်းဖြစ်ပြီး၊ ဆေးသည် မြေကြီးနှင့်ထိတွေ့ပါက ဓာတ်ပြယ်လွယ်သဖြင့် ထယ်ထိုးမြေပြင်ပြီးလျှင် စပါးပင်ကို ထိခိုက်မှုမရှိဘဲ စိုက်ပျိုးနိုင်ပါတယ်။ သို့သော် အသုံးပြုသည့်ဆေးဗူးတွင် အခြားမြေကြွင်းအာနိသင်ရှိသော ပေါင်းသတ်ဆေးများ ရောစပ်မှု ရှိ၊ မရှိ ဆေးအညွှန်းကို မပျက်မကွက် စစ်ဆေးသင့်ပါတယ်။ Glyphosate သီးသန့်အပြင် အခြားပေါင်းသတ်ဆေးများမရောရပါ။

406 လွန်ခဲ့သော ၁ ရက် က

ပေါင်းသက်ဆေးသုံးပြီးဘယ်နနှယ်ရက်ကြာရင်စပါးကျဲခင်းစချလို့ရလဲဆရာ။

249

လွန်ခဲ့သော ၁ ရက် က · မုံရွာ

ခရမ်းချဉ်ပင် စိမ်းညှိုးနေလို့ နှုတ်ကြည့်တာ အမြစ်ကအခေါက်ကွာနေတယ် ဘာဖြစ်တာလဲဗျ

ပိုးမွှားရောဂါ ခရမ်းချဉ်

345,963 လွန်ခဲ့သော ၁ ရက် က

ပုံပါ ခရမ်းချဉ်ပင် ညှိုးရခြင်းမှာ Ralstonia solanacearum ဘက်တီးရီးယားကြောင့် ဖြစ်ပွားသော ခရမ်းချဉ် ဘက်တီးရီးယား ပင်ညှိုးရောဂါ (Bacterial Wilt) ကျရောက်နေခြင်း ဖြစ်ပါတယ်။ ဤရောဂါသည် အပင်၏ အစာရေကြောလိုင်းကို ပိတ်ဆို့ကာ ရေနှင့် အာဟာရဓာတ် မရရှိစေဘဲ နေ့ခင်းဘက်တွင် လျင်မြန်စွာ ညှိုးကျစေပြီး၊ ပင်စည်ကို ဖြတ်၍ ရေကြည်ထဲ စိမ်ကြည့်ပါက နို့နှစ်ရောင် အချွဲများ စိမ့်ထွက်လာတတ်ပါတယ်။ ကုသရန် ခက်ခဲသော မြေဆောင်ရောဂါ ဖြစ်သဖြင့် ရောဂါရအပင်ကို အမြစ်ပါမကျန် နှုတ်ယူ မီးရှို့ဖျက်ဆီးရပါမယ်။ နောက်ရာသီများတွင် ရောဂါကင်းဝေးစေရန် စိုက်ပျိုးရေးသုံး မြေတွင် ထုံးထည့် ပြင်ဆင်ခြင်း၊ ရေသွင်းရေထုတ် ကောင်းမွန်အောင် လုပ်ဆောင်ခြင်း၊ Trichoderma ကဲ့သို့ အကျိုးပြုမှို သုံးစွဲခြင်းနှင့် ခရမ်းမျိုးနွယ်ဝင် မဟုတ်သော သီးနှံများနှင့် ၃ နှစ်ခန့် သီးလှည့်စိုက်ပျိုးခြင်းတို့ကို စနစ်တကျ လုပ်ဆောင်ရပါမယ်။ ရောဂါအစောပိုင်းအဆင့်တွင် (သို့မဟုတ်) ဘေးပတ်ဝန်းကျင်အပင်များကို ကာကွယ်ရန် ကော့ပါးအခြေခံမှိုသတ်ဆေး (Copper Oxychloride) ၊ ဘက်တီးရီးယားသတ်ဆေး (Kasugamycin သို့မဟုတ် Bismerthiazole) Oxolinic acid ကဲ့သို့သော ဆေးဝါးများကို အညွှန်းစာပါအတိုင်း နေအေးချိန်၌ တစ်ပင်လုံးနှံ့စပ်အောင်ပက်ဖျန်းပေးပါ။

323,917 လွန်ခဲ့သော ၁ ရက် က

စိမ်းညိုးက ဘက်တီးရီးယားကြောင့်ရယ် မှိုကြောင့်ရယ် ၂ မျိုးထဲက တစ်မျိုးကြောင့် ဖြစ်နိုင်တယ်။ အပင်ခြေကို ဓားနဲ့ဖြတ်ပြီး ရေထည့်ထားတဲ့ ဖန်ခွက်ထဲမှာ ထည့်ကြည့်ပါ။ အဖြူရောင်အမျှင်တွေ ဆင်းလာရင် ဘက်တီးရီးယားကြောင့်ဖြစ်ပြီး ဘာမှမမြင်ရရင်တော့ မှိုရောဂါကြောင့်ဖြစ်ပါတယ်။ မှိုအတွက်ကတော့ လောင်မှာဖျန်းတဲ့ မှိုဆေးတွေ သုံးလို့ရပါတယ်။ ဘက်တီးယားအတွက်ကတော့ ဆေးဖျန်းတာထက် ရေမဝပ်အောင်သတိထားတာ၊ ပုလဲလျော့ထည့်တာ၊ မြေချဉ်ငန်ဓာတ်ကို မြှင့်ပေးတာမျိုး လုပ်ပေးဖို့လိုပါတယ်။ ခရမ်းချဥ်အပင်ညှိုးရခြင်းအကြောင်းရင်းများနှင့် ထိန်းသိမ်းနည်းများ(၂) , ခရမ်းချဥ်အပင်ညှိုးရခြင်းအကြောင်းရင်းများနှင့် ထိန်းသိမ်းနည်းများ(၁)

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

ရေပန်းစားသော အကြောင်းအရာများ