နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 160 အပင်အာဟာရ 294 စိုက်ပျိုးနည်း 395 ပိုးမွှားရောဂါ 443 စိုက်ပျိုးစီးပွား 54 ခေတ်သစ်စိုက်ပျိုးရေး 48 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 838

ချင်း (ဂျင်း) စိုက်ပျိုးခြင်းနည်းလမ်းများ (၂)

အစိမ်းရောင်လမ်း • 08/12/2022

ချင်း(ဂျင်း) စိုက်ပျိုးခြင်းနည်းလမ်းများထဲက မြေပြင်ခြင်း၊ စိုက်သင့်သည့် ပင်ကြား တန်းကြား အနေအထားနှင့် မျိုးတက်နှုန်းထား၊ ရေသွင်းပေးရမည့်အချိန်များအကြောင်းနှင့် မြေဆီလွှာကောင်းမွန်အောင် ပြုပြင်ဆောင်ရွက်ပေးခြင်းအကြောင်းများကို အပိုင်း(၁)တွင် ဖော်ပြခဲ့ပြီးဖြစ်ပါသည်။ အောက်ပါလင့်တွင် ဝင်ရောက်ဖတ်ရှုနိုင်ပါသည်။

https://greenwaymyanmar.com/posts/Ginger_Farming

နောက်ထပ်လိုအပ်ချက်များအကြောင်းကို ယခု အပိုင်း(၂)တွင် ဆက်လက်ဖော်ပြပေးသွားပါမည်။

(င) မြေဆွခြင်း/ ဘောင်တင်ခြင်း

မိုးရွာခြင်း (သို့) ရေသွင်းခြင်းများကြောင့် ဖြစ်ပေါ်လာသောမြေဆီလွှာမာကြောခြင်းကို ပြုပြင်ရန်အတွက် မြေဆွခြင်းကို မဖြစ်မနေပြုလုပ်ပေးရမည်။

ထိုသို့ပြုလုပ်ပေးခြင်းဖြင့် ပေါင်းပင်ကြီးထွားမှုကို ထိန်းချုပ်ပေးခြင်း၊ မြေဆီလွှာအစိုဓာတ်ကို ထိန်းထားပေးခြင်း၊ မြေဩဇာများကို မြေဆီလွှာနှင့် နှံ့စပ်စွာရောစပ်စေခြင်း၊ ပင်ပွားအရေအတွက်များခြင်း၊ ဂျင်းတက်များကို ကောင်းစွာကြီးထွားစေနိုင်ခြင်း၊ အမြစ်ကြီးထွားမှုအတွက် လုံလောက်သော လေဝင်လေထွက်ကောင်းခြင်း၊ အမြစ်များကို အင်းဆက်ပိုးမွှားများဖျက်ဆီးခြင်းမှ ကာကွယ်ပေးခြင်း စသော အကျိုးများရရှိမည်။

မြေဆွခြင်းကို ပေါင်းရှင်းခြင်း၊ မြေဖုံးခြင်းတို့ ပြုလုပ်ချိန်တွင် တစ်ခါတည်းပြုလုပ်နိုင်သည်။ မြေသြဇာ ကျွေးပြီးချိန်တိုင်းတွင်လည်း ပြုလုပ်ရမည်။ ပထမအကြိမ် မြေဆွ/ ဘောင်တင်ခြင်းကို စိုက်ပျိုးပြီး ၄၅ မှ ၉၀ ရက် အတွင်းပြုလုပ်ပြီး ဒုတိယအကြိမ် ဘောင်တင်ခြင်းကို စိုက်ပြီး ၁၃၅ ရက်တွင် ပြုလုပ်ရမည်။ နောက်ဆုံးအကြိမ် မြေဆွ/ ဘောင်တင်ချိန်တွင် ဘောင်၏အမြင့်မှာ ၁ ပေခွဲ ဖြစ်ရ မည်။ ဘောင်တင်ရာတွင် အသုံးပြုသော ပစ္စည်းကိရိယာများနှင့် ဂျင်းတက်များကို မထိခိုက်စေရန် ဂရုစိုက်ရမည်။

(စ) မြေဖုံးခြင်း

မြေဖုံးခြင်းသည် ပေါင်းပင်ပေါက်ရောက်မှုကို လျော့နည်းစေပြီး မြေဆီလွှာအစိုဓာတ်ကို ထိန်းသိမ်းပေးသည့်အပြင် မြေဆီလွှာအတွက် အော်ဂဲနစ်ပစ္စည်းများကိုလည်း ထောက်ပံ့ပေးသည်။ မြေဖုံးခြင်းကို စိုက်ပျိုးပြီး ၄ ပတ်မှ ၆ ပတ်တွင် ပြုလုပ်ပေးရမည်။

စီးပွားဖြစ် ဂျင်းစိုက်ပျိုး ထုတ်လုပ်ရာတွင် ကောက်ရိုး၊ စပါးခွံနှင့် အခြားသောသစ်စိမ်းမြေဩဇာများကို တစ်ဧကလျှင် ၅ တန်နှုန်းသုံးကာ မြေဖုံးပေးသင့်သည်။

ထို့နောက် ဓာတ်မြေသြဇာကျွေးပြီးချိန်တိုင်း တစ်ဧကလျှင် ၂ တန်နှုန်းဖြင့် ထပ်ကာထပ်ကာ မြေဖုံးပေးရမည်။ မြေဖုံးရာတွင် မိမိအသုံးပြုသည့် ပစ္စည်းရရှိနိုင်မှုပေါ်မူတည်၍ အသုံးပြုမည့်ပမာဏကို ချိန်ဆအသုံးပြုနိုင်သည်။ မြေဖုံးရာတွင် အသုံးပြုသည့်ပစ္စည်းများသည် ပိုးမွှားများ၊ ရောဂါများ၊ ဓာတုပစ္စည်းများနှင့် ပေါင်းပင်များ ကင်းစင်နေရမည်။ ရေဝပ်သောမြေနှင့် ရွှံ့စေးပါဝင်မှုမြင့်မားသောမြေများတွင် မြေဖုံးခြင်းကို ရှောင်ကြဉ်သင့်သည်။

(ဆ) ပေါင်းမြက်နှိမ်နင်းခြင်း

ဂျင်းပင်သည် ကနဦးကြီးထွားနှုန်း နှေးကွေးသောကြောင့် ပေါင်းပင်များ လျင်မြန်စွာကြီးထွားမှုကို ဖြစ်စေနိုင်သည်။ ပေါင်းမြက်နှိမ်နင်းရာတွင် လူလုပ်အားဖြင့်သော်လည်းကောင်း၊ စက်ကိရိယာငယ်များ သုံး၍သော်လည်းကောင်း နှိမ်နင်းနိုင်သည်။

ပေါင်းပင်ကြီးထွားမှုပေါ် မူတည်၍ ပေါင်းရှင်းခြင်းကို ၂ ကြိမ် မှ ၃ ကြိမ် ပြုလုပ်သင့်သည်။
မြေဖုံးခြင်းသည် ပေါင်းပင်ကြီးထွားမှုကို ဟန့်တားပေးနိုင်သည့်အပြင် သီးနှံဖြစ်ထွန်းမှု၊ ကြီးထွားမှုနှင့် အထွက်နှုန်းတို့ကို တိုးစေ သည်။
အနက်ရောင်ပလတ်စတစ်များဖုံးအုပ်ခြင်းသည်လည်း ပေါင်းပင်များကို နှိမ်နင်းရာတွင် ထိရောက်မှုရှိသည်။
စိုက်ပျိုးပြီး ၄၅ ရက် (၁ လခွဲ) အကြာတွင် ပထမအကြိမ်ပေါင်းရှင်းပြီး ဒုတိယအကြိမ်ပေါင်းရှင်းခြင်းကို စိုက်ပျိုး ပြီး ၁၂၀-၁၃၅ ရက် (၄ လ မှ ၄ လခွဲ) အကြာတွင် ပြုလုပ်ရမည်။
ဓာတုပေါင်းသတ်ဆေးများ အသုံးပြု၍ နှိမ်နင်းနိုင်သော်လည်း လူ နှင့် မြေ၊ ရေ ပတ်ဝန်းကျင်ကို ဆိုးကျိုးသက်ရောက်စေနိုင်သဖြင့် အထူးသတိပြုသင့်ပါသည်။
အသုံးများသော ဓာတုပေါင်းသတ်ဆေးများမှာ အာထရာဇင်း (Atrazine)၊ ဂလိုင်ဖိုဆိတ် (Glyphosate) တို့ ဖြစ်သည်။
ပေါင်းသတ်ဆေးဖျန်းပြီးပါက မြေကြီးကို သစ်စိမ်းမြေဩဇာ (သို့) ကောက်ရိုးတို့ဖြင့် ဖုံးအုပ်ထားရမည်။

(ဇ) သီးညှပ်စိုက်ပျိုးခြင်းနှင့် အရိပ်ရပင်များ စိုက်ပျိုးခြင်း

ဂျင်းကို သီးညှပ်စိုက်ပျိုးခြင်း (သို့) သစ်တောပင်နှင့် ရောနှောစိုက်ပျိုးခြင်းဖြင့် အရည်အသွေးနှင့် အထွက်နှုန်းကို တိုးစေသည့်အပြင် အရိပ်ရသီးနှံမှ အပိုဝင်ငွေကိုလည်းရရှိစေကာ၊ ဂျင်းမျိုးတက်နှုန်းထားကိုလည်း လျှော့ချနိုင်ပါမည်။

ဂျင်းစိုက်ခင်းတွင် ပဲစင်းငုံသီးညှပ်စိုက်ခြင်းသည် ဂျင်းပင်အတွက် အရိပ်ရစေရုံသာမက ပဲမျိုးနွယ်ဝင်ဖြစ်သောကြောင့် လိုအပ်သော နိုက်ထရိုဂျင်ဓာတ်ကိုပါ ရရှိစေနိုင်သည်။ အရိပ် ၃၀ % ရရှိ စေရန် ဂျင်း ၄ တန်းလျှင် ပဲစင်းငုံ ၁ တန်းဖြင့် သီးညှပ်စိုက်ပျိုးနိုင်သည်။ အခြားအရိပ်ရစေနိုင်သော ပြောင်း၊ သရက်၊ ထောပတ်၊ ငှက်ပျော၊ သင်္ဘော၊ အုန်း၊ ကော်ဖီ စသည့် နှစ်ရှည်ပင်များနှင့် သီးနှံပင်များကိုလည်း တွဲဖက်စိုက်ပျိုးနိုင်သည်။ တောင်တန်းဒေသများတွင် သစ်တောနှင့် ရောနှောစိုက်ပျိုးခြင်းစနစ်သည် ဂျင်းအတွက် အထူးသင့်တော်ပြီးအရိပ်ရရှိစေသည့်အပြင် ရေရှည်စိုက်ပျိုးထုတ်လုပ်နိုင်ရန်အတွက် အထောက်အပံ့ဖြစ်စေသည်။

ထို့အပြင် ဂျင်းသည် မြေကြီးအတွင်းမှ အစာအာဟာရများကို အလွန်အကျွံစားသုံးသည့်အတွက် ဂျင်းတစ်မျိုးတည်းကို မြေကွက်တစ်ကွက်ပေါ်တွင် နှစ်စဉ်ဆက်တိုက် မစိုက်ပျိုးသင့်ပါ။ ထိုသို့ပြုလုပ်ပါက မြေဆီသြဇာခမ်းခြောက်ခြင်းများဖြစ်နိုင်ပြီး ဂျင်းတွင်ကျရောက်တတ်သောရောဂါများလည်း နှစ်စဉ်အလွယ်တကူကျရောက်နိုင်လာမည် ဖြစ်သည်။

အာလူး၊ ခရမ်းချဉ်၊ ငရုတ်၊ ခရမ်းနှင့် ဂေါ်ဖီထုပ် စသည့်သီးနှံများသည် ဘက်တီးရီးယားရောဂါ အလွန်ကူးစက်လွယ်သောကြောင့် ထိုသီးနှံများနှင့် သီးညှပ်မစိုက်ပျိုးသင့်ပါ။

(Myanseed Agri Business Consultancy မှ ထုတ်ဝေသည့် ' ချင်း (ဂျင်း) စိုက်ပျိုးထုတ်လုပ်မှု ဆိုင်ရာ နည်းလမ်းကောင်းများ' စာအုပ်မှ ကူးယူဖော်ပြခြင်းဖြစ်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဦးဟာအောင်

လွန်ခဲ့သော ၂ နှစ် က

တစ်ပိသာ ဘယ်ဈေးရှိလဲ

ဆက်စပ်ဆောင်းပါးများ

စိုက်ပျိုးနည်း

အစေ့ထုတ်ပြောင်း အထွက်တိုးစေမည့် စိုက်ပျိုးနည်းပညာ

ဆင်းသီဟ

စိုက်ပျိုးနည်း

ကိုယ့်ရဲ့ဝင်ငွေရသီးနှံ ပျက်ဆီးဆုံးရှုံးမှုနည်းအောင် ထောင်ချောက်သီးနှံ နှင့် ပိုးပြေးပင်တွေကို ဘယ်လို တွဲဖက်စိုက်ပျိုးကြမလဲ

Thein Soe Min

စိုက်ပျိုးနည်း

မိုးခေါင်ရေရှားမှုကို ခံနိုင်ရည်ရှိစေမည့် စပါးစိုက်ပျိုးနည်းလမ်းများ

သော်ဇင်

ဆက်စပ်မေးခွန်းများ

စပါးယောင်ခေါ် (တက်ကွက်)အတွက်အကောင်းဆုံးဆေးလေးညွှန်းပေးပါအုံးခင်ဗျာ

Aung Zaw Oo • ဖြေကြားချက် 2 ခု

ခရမ်းပင်ကို ဒီလိုအောက်လက်ချတာ နည်းလမ်းမှန်လားခင်ဗျာ။ ကျွန်တော်စိုက်ခင်းပျက်မှာကြောက်လို့ပါ။

မောင်ပေါက်ကြီး • ဖြေကြားချက် 1 ခု

မန္တလေးအလယ်ပိုင်းသာစည်နယ်မှာစပါးကိုဘလိုစိုက်ပျိုးရင်အစင်ပြေပါသလဲခင်ဗျာပျိုးမထောင်ရသေးပါဘူးခင်ဗျာမိုးကလဲတဖျင်းသုံရွာပြီးစိုက်ပျိုးမိုးကောရပါမလားဗျာမင်းလှကန်မှာလဲရေကနဲနေတော့အကြံပြုပါအုံးခင်ဗျာ

Min zaw Oo • ဖြေကြားချက် 3 ခု

ကျနော်တို့ဒေသက စပါးပြီးရင် ပဲ လုပ်ကြတဲ့အခါ အမြဲ ထွန်ခင်းပဲ လုပ်ကြပါတယ် onlineပေါ်မှာ လေ့လာကြည့်မိသလောက် မထွန်မယက်ပဲ စိုက်တဲ့ ခုတ်ဖုံးနည်းစနစ်က ထွန်ခင်းလုပ်တာထက် သိသိသာသာပို အထွက်ကောင်းနေတာ တွေ့မြငိနေရပါတယ် အပေါ်က မြက်တွေအုပ်ထားပြီး အစိုဓာတ် ထိန်းပေးထားတာ ထွန်ခင်းထက်အပင်အမြင့် တော်တော်သိသာတာ အယ်နီညိုလည်း ရှိတော့ ကျတော့် စိတ်ကူးလေးကို ပြောပြချင်ပါတဟ် (1) ကျတော့်တို့လဟ်တွေက အနိမ့်ပိုင်း နည်းနည်းကျတော့ ခုတ်ဖုံးလုပ်ရတာ အဆင်ပြေပါ့မလား သိချင်ပါတယ် အဆင်ပြေမဟ်ဆို ဘယ်လိုမျိုး လုပ်သင့်ပါသလဲခင်ဗျာ (2) ဒါကတော့ ပုံမှန်အတိုင်း ထွန်မယ် ပဲကြဲမဟ် ကြဲပြီးရင် ရိုးပြတ်တွေ EM ဖြန်းပြီး အပေါ်ကနေ ခပ်ပါးပါး နဲ့ ညီညီညာညာ လိုက်ဖြန့်ပြီး ဖုံးလိုက်ပါမဟ် ထွန်ခင်း ဖြစ်တဲ့ အတွက် အခုလိုလုပ်တာ ပဲ ပင်ပေါက်တာကို ထိခိုက်နိုင်ပါသလားခင်ဗျ ကျတောိ့ရဲ့ စိတ်ကူးကတော့ မြေအစိုဓာတ် ထိန်းနိုင်မယ် ဒါဆို အပင်အားလည်း ကောင်းမဟ်လို့ တွေးမိလို့ပါ လွဲမှားတာများရှိရင်လည်း ဝေဖန်ထောက်ပြပြီး အကြံညဏ်များ ပေး ပေးပါအုံးခင်ဗျာ

Paing Lay • ဖြေကြားချက် 6 ခု

မြေပဲကိုယ်ဘောင်နဲ့စိုက်ပျိုးလို့ရလားခင်ဗျာ စိုက်လို့ရရင်ပုံလေးနဲ့ဖော်ပြပေးကြပါ

Nay G • ဖြေကြားချက် 1 ခု

Farm Link Co.,Ltd

ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

နောက်ဆုံး ဆောင်းပါးများ

စိုက်ပျိုးရေးဆိုင်ရာ ရေသွင်းနည်းပညာ (အပိုင်း - ၆)

15/08/2026

ရာသီဥတုဖောက်ပြန်မှုကို အန်တုနိုင်မယ့် အစိမ်းရောင်လမ်းရဲ့ “စိုက်ပျိုးမိုးလေဝသ” လုပ်ဆောင်ချက်အသစ်

13/08/2026

ဂန္ဓမာရွက်ပြောက်ရောဂါ ကာကွယ်ကုသနည်းများ

13/08/2026

ရေခဲပြင်ဒေသက စိုက်ပျိုးစီးပွားရေး အကြောင်း

10/08/2026

တစ်ပတ်စာ ဈေးကွက်သုံးသပ်ချက်

09/08/2026

More from အစိမ်းရောင်လမ်း

အားလုံး

စိုက်ချိန်ရိတ်ချိန်ဖြေပေးရင်း .. ဖုန်းဘေလ်ကံစမ်းကြမယ်

04/08/2026

သီးနှံအထွက်နှုန်းကောင်းသော စိုက်ခင်းများအတွက် ကျန်းမာသောမြေဆီလွှာ (▶️ ဗွီဒီယို)

14/07/2026

တောင်သူ ၅ သောင်းကျော်ထံသို့ ဟင်းသီးဟင်းရွက်စိုက်ပျိုးနည်းပညာများ အစိမ်းရောင်လမ်းမှ တဆင့်မျှဝေပေးခဲ့တဲ့ မြားနီနည်းပညာပေးရေးအဖွဲ့

29/05/2026

မေလ (၁၅) - ၁၈) ရက်အတွင်း မြန်မာနိုင်ငံတစ်ဝန်း မိုးတိမ်တောင်များ ဖြစ်ထွန်းမှု အားကောင်းနေ

15/05/2026

ကျန်းမာပျော်ရွှင်ပါစေ.. အမေ

10/05/2026

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....