ငါးရံခြောက်တစ်ပိဿာ ၂ သိန်းကျော်အထိစျေးရှိနေ

AMIA • 07/01/2026

ပြည်တွင်း ငါးခြောက်စျေးကွက်မှာ ငါးရံ့ခြောက်က စျေးတန်းအမြင့်ဆုံးနဲ့ တစ်ပိဿာ ၂၀၀၀၀၀ ကျပ် အထက်ထိ စျေးနှုန်းရှိနေတယ်လို့ ငါးခြောက်ရောင်းဝယ်ရေး လုပ်ကိုင်သူတွေဆီကနေ သိရပါတယ်။

အရိုးလွတ်အရေခွံမပါတဲ့အ သားသီးသန့်ငါးရံ့ခြောက်ရဲ့ ပိဿာချိန်စျေးနှုန်းမှာ တစ်ပိဿာကို ၂၀၀၀၀၀ ကျပ်ရှိပြီး လက်လီပြန်လည်ရောင်း ချတဲ့စျေးနှုန်းမှာမူ ၂၀၀၀၀၀ ကျပ်အထက် စျေးတန်း ရှိနေတာဖြစ်တယ်လို့ သိရပါတယ်။

ငါးရံ့ခြောက်ပြား (အရိုး ၊အသား ၊ အရေခွံ ပါရှိတဲ့ပိဿာချိန် စျေးနှုန်းကတော့ ငါးရံ့အကောင် အကြီးအသေး အရွယ်အစားပေါ်မှုတည်ပြီး တစ်ပိဿာကို ၁၁၀၀၀၀ ကျပ်မှ ၁၃၀၀၀၀ ကျပ်အထိ ရှိတယ်လို့ သိရပါတယ်။

" ငါးရံကို အရိုးမထုတ် အရေခွံမခွာဘဲ ကျောခွဲလှမ်းထားတဲ့ အကောင်လိုက်က ပိုရောင်းရတယ်။ အသားသီးသန့်လည်း ဝယ်သူတော့ ရှိပါတယ်။ ငါးရံ့ကနေ လှမ်းလိုက်ရင် အလေးချိန် လျော့တယ်လေ။ အဲဒါကြောင့် ငါးရံ့ခြောက်စျေးက မြင့်နေတာ။ ငါးရံ့အရှင်ဆို တစ်ပိဿာမှ ၁၅၀၀၀ ပဲရှိတာ" လို့ ငါးခြောက်ရောင်းဝယ်ရေးလုပ်ကိုင်နေသူ ကိုမြင့်ကပြောပါတယ်။

ငါးရံ့ခြောက်စျေးနှုန်းမှာနေရာဒေသအပေါ်လိုက်ပြီး စျေးနှုန်းလည်း ကွာခြားမှုရှိနေပြီး ငါးရံ့ခြောက်က ဧရာဝတီတိုင်း၊ ပဲခူးတိုင်းဒေသကြီးမှအဓိကထွက်ရှိတာဖြစ်ပါတယ်။

ငါးခြောက်စျေးကွက်မှာ ငါးကျီးခြောက် တစ်ပိဿာ ကို ၁၇၀၀၀၀ ကျပ်၊ ငါးမြွေထိုး ၈၅၀၀၀၊ အာပြဲခြောက် ရှယ်က ၈၅၀၀၀၊ ငါးနီတူခေါင်းပြတ် ၅၀၀၀၀ ၊ ငါးကွင်းရှပ် ၅၀၀၀၀ ကျပ်၊ ငါးလိပ်ကျောက် ၄၅၀၀၀ ၊ ငါးပုတ်သင် ၃၆၀၀၀၊ ငါးအုန်းရွှေဝါ ( ဖိုးထွန်းမျှင်) ၄၀၀၀၀ ၊ ငါးတံခွန် ၂၈၀၀၀ ကျပ်နဲ့ စျေးနှုန်း အသီးသီးရှိတယ်လို့သိရပါတယ်။

ငါးခြောက်တွေထဲမှာဆိုရင် တစ်ပိဿာကို ၂၀၀၀၀ ကျပ်မှ ၅၀၀၀၀ ဝန်းကျင်အတွင်းရှိတဲ့ ငါးခြောက်အမျိုးစားတွေကိုသာ ဝယ်ယူစားသုံးမှု နှုန်းများတယ်လို့ သိရပါတယ်။

" ငါးခြောက်က စျေးတအား တက်နေတော့ သိပ်တော့မစားဖြစ်ဘူး။ တစ်ခါတစ်ရံပေါ့ ။ ဒီဘက်မှာ ငါးအုန်းရွှေဝါ အစားများတယ်။ လက်လီ ဝယ်စားရတာ တော့ ၄၆၀၀၀ စျေးရှိတယ်။ ငါးပုတ်သင်စားကြတယ်။ ငါးတံခွန်စားတယ်"လို့စားသုံးသူတစ်ဦးကပြောပါတယ်။

ယခုနှစ်မှာ ငါးခြောက်အထွက်နှုန်း လျော့ကျမှုရှိတဲ့အပြင် လမ်းပန်းဆက်သွယ်ရေး အခက်အခဲတွေကြောင့် သယ်ယူ ပို့ဆောင်စရိတ်တွေ မြင့်တက်လာတဲ့ အတွက်လည်း ငါးခြောက် အမျိုးအစားအလိုက် စျေးနှုန်းမြင့်တက်လာတာဖြစ်တယ်လို့သိရပါတယ်။

ငါးခြောက်ကတော့ ရခိုင်ပြည်နယ်နဲ့ ဧရာဝတီတိုင်းဒေသကြီးတို့က အများဆုံးထွက်ရှိပြီး အဆိုပါဒေသကမှ အခြားပြည်နယ်နဲ့ တိုင်းဒေသကြီးတွေကို ပြန်လည်ဖြန့်ချီရောင်းချတာ ဖြစ်တယ်လို့ သိရပါတယ်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

Topic 1

သားငါးဈေးနှုန်းများ

ဆက်စပ်ဆောင်းပါးများ

မွေးမြူရေးသတင်း

ကြက်တွေနာပြီး သေလို့ ဒေသကြက်တစ်ပိုင်တစ်နိုင်မွေးမြူသူတွေ အခက်ကြုံ

AMIA

မွေးမြူရေးသတင်း

ကချင်ပြည်နယ်၊ မြစ်ကြီးနားမြို့ရှိ ရပ်ကွက်အချို့တွင် နွားများ အဖုအကြိတ်ပေါက်ကာ သေဆုံးသည်အထိဖြစ်နေ

AMIA

မွေးမြူရေးသတင်း

ကြက်ဥဈေးနှုန်း မြင့်တက်ပြီး ပစ္စည်းပြတ်လပ်နေ

AMIA

ဆက်စပ်မေးခွန်းများ

ဆိတ်ကို1ဧကရှိတဲ့ခြံမှာဆိတ်တင်းဂုတ်နဲ့မွေးမှာပါအစာကိုခြံလှောင်စနစ်နဲ့ကျွေးပီအိပ်ချိန်စားချိန်ပဲတင်းဂုတ်ပေါ်ထားပြီးကျန်တဲ့အချိန်ကိုစည်းရိုးပက်ကာထားတဲ့ခြံထဲလွတ်ထားမယ်ဆိုအဆင်ပြေနိုင်လား‌ဗျ

ဂျွန်ကိုလှိုင် • ဖြေကြားချက် 0 ခု

ဆရာများခဗျ မိုးနှမ်းစိုက်ပျိုတော့မှာဖြစ်လို့ အထွက်နှုန်း၊အသီနှုန်နဲ့ရောဂါပိုးမွှား ဒဏ်ခံနိုင်အောင် ဘယ်လိုစိုက်ပျိုးသင့်လဲသိချင်လို့ နည်းလမ်ကောင်းလေးတွေ ပေးကြပါအုံးဗျ

ကိုမျိုးသူ • ဖြေကြားချက် 2 ခု

ဘာစမာတီမျိုးစပါးဘယ်မာရနိုင်လဲ

မောင်ကျော်လင်းဟန် • ဖြေကြားချက် 0 ခု

ပျိုးပင်ပုံပါတိုင်းဖြစ်သွားလို့ပါဆေးလောင်တာလားမှိုရောဂါလားခင်ဗျအပင်ကြီးဆေးဖြန်းရင်းဆေးပိုဖြန်းလိုက်မိတယ်မန်ကိုဇက်6ဇွန်း ပရိုပါ50စီစီ ဘယ်လိုပြင်သင့်လည်းဆရာခင်ဗျပျိုးပင်ငယ်လေးပါ

ခင်ဇော်ဝင်း • ဖြေကြားချက် 2 ခု

၃လမြေပဲအတွက် အမိုင်နိုအက်စစ် ဘယ်ချိန်တွေမှာသုံးသင့်လဲ?

Messi • ဖြေကြားချက် 1 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ