စမတ်ဖုန်းနဲ့ ကျန်းမာရေး

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေး ပြန်လည်ရောက်ရှိလာပြန်ပါပြီ ခင်ဗျ။

ဒီတစ်ခါမှာတော့ မိုဘိုင်းဖုန်းတွေကနေ မိမိရဲ့ ကျန်းမာရေးကိုထိခိုက်နိုင်လား ဆိုတာ မျှဝေပေးသွားမှာ ဖြစ်ပါတယ်။

မိုဘိုင်းဖုန်းတွေကနေ ဓာတ်ရောင်ခြည် ဖြာထွက်တယ်ဆိုတာကိုတော့ ဗဟုသုတအနေနဲ့ ကြားဖူးကြမယ် ထင်ပါတယ် ခင်ဗျ။ ဟုတ်ပါတယ် ခင်ဗျ မိုဘိုင်းဖုန်းတွေဟာ ရေရှည်အသုံးပြုမှုမှာ လူသားတွေရဲ့ ကျန်းမာရေးကို ထိခိုက်စေနိုင်ပါတယ်။ မိုဘိုင်းဖုန်းတွေကနေ ထွက်တဲ့ ဓာတ်ရောင်ခြည်ဟာ လူတွေကို ကင်ဆာ ဖြစ်နိုင်ကြောင်းသိရပါတယ်။

လေ့လာမှုများအရ ဦးနှောက် အမြှေးပါးရောင်ရောဂါနဲ့ ကင်ဆာရောဂါများ ဖြစ်ပွားနိုင်ချေရှိတယ်လို့သိရပါတယ်။ ဖုန်းကို အလွန်အကျွံ စွဲစွဲလမ်းလမ်း သုံးနေမယ်ဆိုရင်တော့ မှတ်ဥာဏ်လျော့နည်းလာခြင်း၊ အကြားအာရုံနဲ့ မျက်စိပြဿနာများ ဖြစ်လာနိုင်ပါတယ်။ ဖုန်းနဲ့ အချိန်ကြာမြင့်စွာ နီးနီးကပ်ကပ်နေခြင်းဟာ ဦးနှောက်ရဲ့ ကျန်းမာရေးကိုလည်း ထိခိုက်စေနိုင်ပါတယ်။

ဒါကြောင့် ဖုန်းအသုံးမပြုတဲ့ အချိန်မျိုးမှာ မိမိနဲ့ဝေးတဲ့ နေရာမှာထားတာမျိုး၊ အိတ်ထဲထည့်ထားတာမျိုး လုပ်ထားသင့်ပါတယ်။ အချိန်ကြာမြင့်စွာ ဖုန်းပြောတာမျိုးကိုလည်း ရှောင်ရှားသင့်ပါတယ်။ ဖုန်းဟာ မိမိ မသုံးရင်တောင်မှ သံလိုက်လှိုင်းတွေ ထုတ်လွှတ်နေတာကြောင့် အိပ်ယာထဲထည့်အိပ်တာမျိုး၊ ခေါင်းအုံး အောက်မှာ ထားတာမျိုးလည်း မလုပ်သင့်ပါဘူး ခင်ဗျ။ ဖုန်းပြောတဲ့ အခါမျိုးမှာ နားကြပ်အသုံးပြုမယ်ဆိုရင် နားနဲ့ကပ်ပြီးနားထောင်ရတာမျိုးတွေ မရှိတဲ့အတွက် ဓာတ်ရောင်ခြည်သင့်တာကိုလည်း ကာကွယ်နိုင်ပါတယ်။ တောင်သူ ဦးလေး ဒေါ်လေးတို့ ဖုန်းအသုံးပြုရာမှာ အဆင်ပြေကြပါစေ ခင်ဗျ။

Trend Myanmar

ယခင်တစ်ပတ်က ဖော်ပြခဲ့တဲ့ ဆောင်းပါးလေး ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

သတိပြုရမည့် Email (အီးမေးလ်) အတုများ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။