သတိပြုရမည့် Email (အီးမေးလ်) အတုများ

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေးကနေ ပြန်လည်ကြိုဆိုလိုက်ပါတယ် ခင်ဗျ။

ယခုတစ်ပတ်မှာတော့ သတိပြုရမယ့် အီးမေးလ်အတုများ အကြောင်းကို တောင်သူတွေအတွက် မျှဝေပေးသွားမှာဖြစ်ပါတယ် ခင်ဗျ။

အီးမေးလ်ရဲ့ အကြောင်းကို ယခင်က ဆောင်းပါးတွေမှာအကျယ်တဝင့် ဖော်ပြခဲ့ပြီးပြီ ဖြစ်ပါတယ်။ အီးမေးလ်တွေကနေတစ်ဆင့် ကိုယ်ရေးအချက်အလက် ခိုးယူခြင်းနဲ့ ငွေကြေးလိမ်လည်မှုတွေပြုလုပ်လာနေကြတာမို့ အီးမေးလ်အသုံးပြုနေတဲ့ တောင်သူ ဦးလေး ဒေါ်လေးတို့ရှိမယ်ဆိုရင် သတိထားနိုင်ဖို့ မျှဝေပေးလိုက်ပါတယ် ခင်ဗျ။

အီးမေးအတုတွေမှာဆိုရင် သာမန် အီးမေးလ်အစစ်ကဲ့သို့ အမှတ်အသားများ၊ တံဆိပ်များ၊ လိုဂိုများ ပါဝင်ပြီး လက်ခံမည့်သူ ယုံကြည်အောင်ပြုလုပ်ထားလေ့ရှိပါတယ်။ အဆိုပါ အီးမေးရဲ့ အောက်ခြေတွင်လည်း လက်ခံရရှိသူမှ ဒေါင်းလုဒ်ဆွဲပြီး ဖွင့်ကြည့်စေရန် လင့်ခ်တစ်ခု (သို့မဟုတ်) ဖိုင်တစ်ဖိုင်ပါလေ့ရှိပါတယ်။ ၎င်း လင့်ခ် (သို့မဟုတ်) ဖိုင် အပေါ်နှိပ်ကြည့်လိုက်ပါက malware (အဖျက်အမှောင့်ဆော့ဝဲလ်) ကူးစက်ခံရပြီး မိမိရဲ့ ကိုယ်ရေးအချက်အလက်တွေ၊ လျှို့ဝှက်နံပါတ်တွေ ခိုးယူခံရမှာ ဖြစ်ပါတယ်။

အီးမေးလ်ဖြင့် ငွေကြေးလိမ်လည်ရာတွင် ဘဏ်အယောင်ဆောင် အီးမေးလ်များဖွင့်ကာ ကိုယ်ပိုင်ဘဏ်အကောင့်ထဲသို့ ဝင်နိုင်ရန် လင့်ခ် တစ်ခုပေးထားလေ့ရှိပါတယ်။ ၎င်းလင့်ခ်ထဲသို့ဝင်ရောက်လိုက်သောအခါ အသုံးပြုသူရဲ့ နာမည်နှင့်လျှို့ဝှက်နံပါတ်များကို တိုက်ရိုက်ခိုးယူသွားခြင်း ပြုလုပ်နိုင်တာမို့ သတိပြုရမှာ ဖြစ်ပါတယ်။ ဒါကြောင့် မိမိမသိတဲ့သူဆီမှ ပေးပို့လာတဲ့ လင့်တွေ၊ ဖိုင်တွေကို နှိပ်မကြည့်ဖို့၊ မိမိရဲ့

အသိမိတ်ဆွေထံမှ ပေးပို့လာရင်လည်း သေချာအောင်အတည်ပြု မေးမြန်းပြီး စစ်ဆေးပါလို့ အကြံပြုလိုက်ရပါတယ် ခင်ဗျ။

ယခင်တစ်ပတ်က ဖော်ပြခဲ့တဲ့ ဆောင်းပါးလေး ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

Facebook ပေါ်ရှိ group နှင့် page များကို သုံးသပ်ခြင်း

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

သတိပြုရမည့် Email (အီးမေးလ်) အတုများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

သတိပြုရမည့် Email (အီးမေးလ်) အတုများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ဒေသထွက်ဇီဝထွက်ကုန်များ ကုန်သွယ်ခြင်းဆိုသည်မှာ

ICT (အိုင်စီတီ) ဆိုတာ ဘာလဲ ?

အင်တာနက်ဆိုတာ ဘာလဲဗျ?

{{ post.title }}