သံပရာနှင့်ရှောက်ကို အာမို ဓာတ်မြေသြဇာထည့်ပေးရင် ကောင်းလား ဘယ်အချိန်မှာ စထည့်ရမလဲ ဘယ်လောက်ထည့်ရမလဲ စိုက်ကျင်းထဲကိုတော့ နှောက်ချီးနှင့် မြေဆွေးနည်းနည်းဆီတော့ထည့်ထားတယ် ကျေးဇူးပြုပြီး နားလည်တတ်ကျွမ်းသော ဆရာသမားများ အလင်းပြပေးပါဦး ယခုမှ စပြီးစိုက်တဲ့အတွက် သင်ပြပေးပါဦး

သံပုရာပိုးကျတာဘာသုံးရမှာလဲဗျာ

သံပုရာနဲ့​ ရှောက် ကနှစ်ရှည်ပင်မျိုးဖြစ်တာ​ကြောင့် မြေပြင်ကတည်းကသေချာစွာလုပ်ရပါမယ်။စိုက်ကျင်းကိုပြင်ဆင်ရာမှာ ၂ပေပတ်လည်ကျင်းတူးပြီး ထွက်လာတဲမြေနဲ့ နွားချေးဆွေး ၈ပြည်..ကြက်ချေး၈ပြည်..စက်ဖွဲပြာ၁ပြည်..ဂျစ်ပဆမ်ကျောက်မှုန့်နို့ဆီဘူး ၁ဘူး..၁၅ပတ်လည်ကွန်ပေါင်းမြေသြဇာနို့ဆီဘူး၃ဘူး..ဖျူရာဒမ်၃ဂျီဆေးမှုန့်စတီးထမင်းစာဇွန်း၁ဇွန်း တို့နဲဲ့သမအောင်ရောမွှေရပါမယ်။ရောပြီးသောမြေတွေကိုကျင်းထဲပြည့်အောင်ထည့်ပြီးခြေထောက်နဲ့ဖွဖွနင်းပေးပါ။နင်းပြီးရင်ကျင်းပြည့်အောင်မြေထပ်ထည့်ပေးပါ။ပြီးရင်ရေဝအောင်လောင်းပါရေကိုတစ်ရက်ခြားလောင်းပေးပြီး ၂ပတ်ခန့်နှပ်ထားပေးပါ။(ရေလောင်းလို့မြေအိကျသွားရင်မြေထပ်ထည့်ပေးပါ)။၂ပတ်ကြာပြီးနောက်အပင်ကိုချစိုက်လို့ရပါပြီ။အပင်ပတ်ပတ်လည်ကိုခြေဖနောင့်ဖြင်နင်းပေးပါ(အမြစ်စွဲမြန်စေပါတယ်)။စိုက်ထားတဲ့အပင်နဲ့၆လက္မအကွာမှာအရှည် ၃ပေရှိတဲ့ဝါးသေးသေးကိုချွန်ပြီးစိုက်ထားပေးပါ..စိုက်ထားသောဝါးချောင်းနဲ့အပင်ငယ်ကိုကြိုးဖြင့်ချည်နှောင်ပေးထားခြင်းဖြင့်အပင်ငယ်ကိုမလှုပ်စေတော့ပါ။အပင်ခြေကိုကောက်ရိုးခြောက်/အရွက်.မြက်ခြောက်များဖုံးအုပ်ထားပေးပါ။စိုက်ပြီးနေ့စဥ်ရေလောင်းပေးမယ်ဆိုရင်၂ပတ်ခန့်အကြာမှာအရွက်နု/အညွန့်သစ်များထွက်လာပါလိမ့်မယ်။၁နှစ်အတွင်းမြေသြဇာထပ်မကျွေးရတော့ပါ။၁နှစ်ကျော်မှသာမြေသြဇာကျွေးရပါမယ်။ကျွေးတဲ့အခါမှာလည်း ၆လကိုတစ်ကြိမ်သာကျွေးရပါမယ်။၁နှစ်သားကျော်ပြီဆိုရင်ငါးအမိုင်နိုအက်စစ်ရွက်ဖျန်းအားဆေးဖျန်းပေးပါ..အပင်၃..၄ နှစ်သားအရွယ်(အစေ့စိုက်)မှာရေ၄ဂါလံနဲ့ယမ်းစိမ်း၁ဇွန်းရောပြီးပက်ဖျန်းပေးပါ။