#ကျမတို့ဘက်ကတောင်သူတော်တော်များများက‌လယ်ယာမှာစပါးစိုက်ကြတာများပါတယ်။ မိုးစပါး၊နွေစပါးစိုက်ကြတော့လယ်မြေကမြေဆီလွှာပိုပျက်စီးလာပြီးအထွက်နှုန်းလဲကျဆင်းလာသလိုမြေဩဇာကုန်ကျစရိတ်လဲများပါတယ်။ #ဟိုးအရင်ကမိုးရာသီမှာစပါးစိုက်ပြီး၊နွေမှာမတ်ပဲစိုက်ကြပါတယ်။ခုနောက်ပိုင်းတော့မတ်ပဲလဲအထွက်နှုန်းမကောင်းကုန်ကျစရိတ်များပြီးဈေးမရတဲ့အတွက်စပါးပဲအဓိကစိုက်ကြတော့ပါတယ်။ #အဲဒါကြောင့် ကျမအနေနဲ့နွေရာသီမှာစပါးမစိုက်ပဲတခြားသီးနှံတစ်မျိုးပြောင်းစိုက်ချင်ပါတယ်။ #ခုလောလောဆယ်တော့နေကြာစိုက်ဖို့စိတ်ကူးထားပါတယ်။တစ်ခါမှတော့ နေကြာမစိုက်ဘူးပါဘူး။‌ေနကြာစိုက်ပျိုးနည်းအသေးစိတ်ကိုပြောပြပေးစေချင်ပါတယ်။ #လယ်မြေမှာစပါးအပြင်တခြားဘယ်သီးနှံတွေစိုက်ပျိုးသင့်လဲအကြုံပြုပေးစေချင်ပါတယ်။

Naw Eh Dah Htoo ပြောသလိုဘဲစပါးပြီးစပါးစိုက်​ကြတယ်.မြေသြဇာတွေပိုသုံးလာတယ်။ဒါကြောင့်မြေဆီလွှာတွေပျက်စီးလာတယ်.သီးနှံအရည်အသွေးတွေစံချိန်မမှီတော့ဘူး.အထွက်တွေကျဆင်းလာတယ်။အဲဒီတော့သီးနှံပြောင်းစိုက်လည်းဖြစ်နေဦးမှာဘဲ။အဓိကအချက်က မြေဆီလွှာပြန်ကောင်းလာအောင်ပြုပြင်ပေးသင့်ပါတယ်။မြေသြဇာအလွန်အကျွံသုံးစွဲခြင်းမပြုဘဲစိုက်ပျိုးရေးအလေ့အကျင့်ကောင်းတွေနဲ့စိုက်ပျိုးရတော့မှာပါ။သဘာဝမြေသြဇာတွေ..သစ်စိမ်းမြေသြဇာတွေ (ပိုက်ဆံလျှော်..ပဲတစ်မျိုးမျိုး) နှစ်စဥ်သုံးစွဲကြမယ်ဆိုရင် တဖြေးဖြေးနဲ့ မြေဆီလွှာတွေကောင်းမွန်လာမှာပါ။မြေဆီလွှာပြုပြင်ရာမှာနေ့ချင်းညချင်းတော့ပြန်မကောင်းလာနိုင်ပါ.အချိန်ပေးရပါမယ်.သီးနှံကတော့ ကိုယ့်မြေဒေသ ရာသီဥတုနဲ့ကိုက်ညီတဲ့..စျေးကွက်ခိုင်မာတဲ့ သီးနှံကိုစိုက်ပျိုးသင့်ပါတယ်။