ပြောင်းစိုက်ပျိုးနည်းကို ကြည့်တဲ့အခါမှာ စိုက်ပျိုးကာစမှာ ယူရီးယားပါတဲ့ မြေသြဇာကို ထည့်ခိုင်းတာတွေ့ပါတယ်၊ ကျ...

Question

ပြောင်းစိုက်ပျိုးနည်းကို ကြည့်တဲ့အခါမှာ စိုက်ပျိုးကာစမှာ ယူရီးယားပါတဲ့ မြေသြဇာကို ထည့်ခိုင်းတာတွေ့ပါတယ်၊ ကျနော်တို့ဘက်က ပြောင်းစိုက်တာမှာလည်း ယူရီးယားကို မြေခံအဖြစ် ထည့်သွင်းကြပါတယ်၊ ပြောင်းက ၁၅ ရက်သားလောက်မှာမှ အမြစ်ကနေ အာဟာရတွေ စုပ်ယူစားသုံးတယ်လို့လဲ ဆိုထားပြန်ပါတယ်၊ သိချင်တာက မြေခံအဖြစ် ထည့်သွင်းလိုက်တဲ့ ယူရီးယားဟာ ပြောင်းပင် အရွယ်မရောက်ခင်မှာပဲ ဆုံးရှုံးသွားပြီ မဟုတ်ပါလားခင်ဗျာ၊ သို့မဟုတ် ယူရီးယားသည် မြေမှာ ပျော်ဝင်တည်ရှိနေပြီတော့ ပြောင်း ပင်က စားသုံးလို့ ရနေပါလား၊ ၁၅ - ၂၀ ရက်ကျတော့လည်း မြေသြဇာထပ်ကျွေးရပြန်တော့ မြေခံအဖြစ် ထည့်သွင်းလိုက်တဲ့ ယူရီးယားဟာ အလဟဿဖြစ်သွားတယ် မဟုတ်ပါလားခင်ဗျာ၊ အဲဒါလေးကို သေသေချာချာ နားလည်ချင်လို့ ဖြေပေးစေချင်ပါတယ်ခင်ဗျာ။

Thein Soe Min · Answer

ဟုတ် ယူရီးယားရဲ့ သဘောက ရေမှာ ပျော်ဝင်ပါတယ်။ စပါးခင်းလိုမျိုးဆိုရင်တော့ မြေခံမှာ ထည့်ဖို့ မတိုက်တွန်းပါဘူး။ ရေအမြဲမြုပ်နေပြီး အဝင်အထွက်လည်း ရှိတာကြောင့် ထည့်တာ အလကားဖြစ်မှာပါ။ ပြောင်းခင်းက စပါးနဲ့မတူတာကြောင့် မြေခံမှာထည့်ပေးဖို့ အပင်မြစ်ကနေ စားယူနိုင်တဲ့ နေရာရောက်အောင် မြေပြင်တုန်းမှာ ထည့်ခိုင်းတာပါ။ အပင်က စားနိုင်တဲ့အချိန်ထိ အာနိသင်ရှိပါတယ်။​ နောက်ပြီး မြေကြီးပေါ်ကနေ ကျွေးတာမဟုတ်တဲ့အတွက်ကြောင့် အငွေ့ပျံပြီး ဆုံးရှုံးနိုင်ခြေလည်း နည်းပါတယ်။ ပိုပြီး အာနိသင်ရှိချင်ရင်တော့ မြေခံမှာ ပုလဲကို သူ့ချည်းမထည့်ဘဲ သဘာဝမြေသြဇာနဲ့ တစ်ညနှပ်ပြီးမှ ထည့်ပါဗျ။

ဖြေကြားချက် ၁ ခု