မင်ဂလာပါ ကျွန်တော်က ပဲခူးတိုင်းအနောက်ခြမ်းကလယ်သမားတဦးပါ။ လယ်ထဲမှာ ရတနာတိုးစပါးမျိုးစိုက်တာ ဖုံးလုံးနေပါပြီ။ဘေးလယ်ကွင်းက ဆင်းသုခမျိုးစိုက်ပြီး ယခုဖြုတ်ပိုးကျလို့ ဆေးဖြန်းနေရပါတယ်။ကျွန်တော့်စပါးပင်တွေကိုတော့လောလောဆယ်မကူးသေးဘူးဗျ။ကျွန်တော်သိချင်တာက ***ဖုံးလုံးနေချိန် မြေဆီပက်မလို့စီစဉ်ထားတာဖျက်ပြီး ပိုးသတ်ဆေးပဲ ကြိုကာကွယ်ပြီးပက်ထားရင်သင့်တော်ပါသလားခင်ဗျာ။ ***ပိုးသတ်ဆေးပက်လိုက်ရင် အပင်အားနည်းပြီး ဖုံးလုံးတာကို ထိခိုက်သွားမလား။ ***ပိုးသတ်ဆေးပက်ပြီးဘယ်လောက်ကြာမှ မြေဆီပက်ဖို့သင့်ပါသလဲဗျာ

မထိခိုက်နိုင်ပါဘူး

ဟုတ် ဖြုတ်ပိုးက ထိုင်းက သုတေသနအရ ပိုးသတ်ဆေးများများသုံးတဲ့စိုက်ခင်းတွေမှာ ပိုပြီး ဆိုးဝါးတာကို တွေ့ရပါတယ်။ ဖြုတ်က ကူးလာတာမြန်ပေမယ့် မကျသေးဘဲတော့ ကြိုဖြန်းမထားစေချင်ပါဘူး။ ကိုယ့်အခင်းထဲမှာ အကောင်စတွေ့ပြီဆိုတော့မှ ဖျန်းဖို့အကြံပြုလိုပါတယ်။ ပိုးသတ်ဆေးက အပင်ကို အားတိတ်စေတာတော့ အမှန်ပါပဲ။ ဒါကြောင့် မလိုအပ်သေးဘဲ မဖျန်းစေချင်တာပါ။ နောက် မြေဆီကတော့ ဆေးဖျန်းပြီးပြီးချင်းပက်နိုင်ပါတယ်။ ပုလဲတစ်မျိုးပဲပက်ရင်တော့ အပင်ကနုသွားတဲ့အတွက် ဖြုတ်တင်မကဘူး အခြားပိုးတွေအကြိုက်ဖြစ်မှာပါ။ ဒါကြောင့် ပုလဲတစ်မျိုးထဲမဟုတ်ဘဲ အပင်ရဲ့ ကိုယ်ခံအားပါတက်အောင် ပိုတက်ပါ ထည့်ပေးပါ။ ပုလဲကို ဒီအတိုင်းမပက်ဘဲ နွားချေး/ သဘာဝမြေသြဇာ ၃ဆနဲ့ တစ်ညနှိပ်ပြီးမှ ပက်ပေးပါဗျ။