စ​တော်ဘယ်ရီ မျိုးယူချိန်နှင့် မျိုးယူပုံ အဆင့်ဆင့်​လေး သိပါရ​စေခင်ဗျာ

ဆရာသမားများ ​ဆွေး​နွေး​ပေးပါဦးဗျ

ကျွန်​တော်သိထားတာက အသီးသီးပြီးမှ မျိုးယူ(mother plant)​ပေါ့။ ၂လ​လောက်ကြာမှ အဲ့ဒီmother plantကတဆင့် မျိုးပြန်ယူပြီး စိုက်ခင်းထဲစိုက်။ ကျွန်​တော်သိတာ မှားနိုင်ပါတယ်။ အခု အပင်၄၀၀​လောက်စိုက်ထားတာ သီး​နေပါပြီ။ ​နောက်နှစ်အတွက် မျိုးပွားချင်လို့ပါ

https://www.youtube.com/watch?v=Ka7hy-aspHc&t=300s ဒီလင့်လေးကိုထိပြီးလေ့လာလိုက်ပါ။ အစေ့ကနေ မျိုးယူပုံလေးပါခင်ဗျာ။

စတော်ဘယ်ရီကို အစေ့မ မျိုးယူရနိုင်သလို ကိုင်းပြက်ကနေလည်းမျိုးယူနိုင်ပါတယ်ခင်ဗျာ။ အစေ့ကဆိုရင်တော့ ကိုင်းပြက်က မျိုးယူတာထက် ပိုကြာနို်ငပါတယ်ခင်ဗျာ။

မသီးခင်ယူရင် ပိုကောင်းပါတယ် တစ်ချို့ကလဲ အိုတာပိုကြိုက်တယ် သီးပြီးမှ ယူကြပါတယ်

အသီးသီးပြီးမှ မျိုးယူရတာလားဗျ

အပင်သားတက် (Runner) ရယူခြင်း       စတော်ဘယ်ရီသီးမှ အစေ့ထုတ်ယူ၍ အပင်ဖောက်ကာ မျိုးပွားနိုင်သော်လည်း ကျယ်ကျယ်ပြန့်ပြန့်စိုက်ပျိုးရန် အတွက်မူ ပင်မကြီးမှ ထွက်လာသော မြစ်လျှောက် ပင်စည်များ အဆစ်နားမှ အပင် သားတက်များ(Runner) ထွက်လာရာမှ အမြစ် တွယ်လာပြီးနောက် သားတက်များကို ဖြတ်တောက်မွေးမြူ၍ ရွေ့ပြောင်း စိုက်ပျိုးလေ့ ရှိပါသည်။ ပျိုးပင်ဘဝတွင် အအေးဓာတ် လွမ်းခြုံပေးခြင်း ခံရပြီး ဖြစ်သည့်အတွက် မြေပြန့်ဒေသများတွင် စိုက်ပျိုးပါကလည်း ပုံမှန်သီးပွင့်မှု ရရှိစေနိုင်ပါသည်။ စတော်ဘယ်ရီအားလုံး ဆွတ်ခူးပြီးပါက မိခင်ပင်အားလုံးကိုတောင်ပေါ်ဒေသသို့ပြန်လည်ပြောင်းရွေ့ စိုက်ပျိုးရန် လိုအပ်ပါသည်။ ၅။ အစေ့မှ မျိုးပွားခြင်း       ကောင်းစွာ ရင့်မည့်ပြီးသော စတော်ဘယ်ရီသီးများအား ဆွတ်ခူးပြီး သင့်တော်သော ပုံးတစ်ခုတွင် အချဉ်ဖောက်၍ ပျော်သည် အထိထားရမည်။ အသီးဖတ် အကျိအချွဲများနှင့် အစေ့များ သီးခြားစီ ကွဲပြားချိန်တွင် ရေဖြင့် အကြိမ်ကြိမ် ဆေး၍ မျိုးစေ့များ ထုတ်ယူ ရရှိနိုင်ပါသည်။ မျိုးစေ့များ ကောင်းမွန်စွာခြောက်သွေ့အောင် အခန်းထဲတွင် ခုနှစ်ရက်ခန့်ထားပြီးမှ ပျိုးထောင်ရပါမည်။       ရရှိသော မျိုးစေ့များအား ပျိုးသေတ္တာတွင် ပွက်ပွက်ဆူသောရေနွေးဖြင့် လောင်းပြီး ပိုးသန့်ထားသော မြေဆွေးများ ထည့်၍ လက်မဝက် ပတ်လည်အကွက်များ အရာပေးကာ အလယ်တွင် အစေ့ချ ပျိုးထောင်နိုင်ပါသည်။ အလွန်သေးငယ်သော မျိုးစေ့များဖြစ်၍ အပင်ပေါက်ချိန်တွင် မှိုရောဂါမကျ ရောက်စေရန် အတွက် ပိုးသတ်ထားသောရေဖြင့် အစိုဓာတ် လိုအပ်မူပေါ် မူတည်၍ အနည်းငယ်စီသာ ပတ်ဖျန်းပေးရပါမည်။ အညှောက်ပေါက်ပြီး မျိုးသက် ၄၅−၅၀ ရက်ခန့်တွင် ရွေ့ပြောင်း စိုက်ပျိုးနိုင်ပါသည်။       မိုးအကုန် ဆောင်းအကူး အောက်တိုဘာနှင့် နိုဝင်ဘာလများတွင် အပင်သားတက်များ ပြောင်းရွေ့ စိုက်ပျိုးလေ့ ရှိပြီး စိုက်ဘောင်များပေါ်တွင် ပင်ကြား တန်းကြား ၂×၁ ပေ ထားရှိ စိုက်ပျိုးပါက တစ်ဧကလျှင် မျိုးပင် ၁၅၀ဝဝ မှ ၂၀ဝဝဝ ထိ လိုအပ်ပါသည်။