ရွက်လိပ်ရောဂါ အကြောင်းလေးပြောပြပေးပါလားဗျ

ကနဦးရောဂါကူးစက်မှုအနေဖြင့် အာလူးပင်ကြီးထွားနေစဉ် ပျမှတဆင့်သယ်ဆောင်လာသော ဗိုင်းရပ်စ်မှတဆင့် ရွက်လိပ်ရောဂါကိုဖြစ်စေပါတယ်။ ဒီရောဂါကူးစက်ထားသော မျိုးဥများကိုပြန်လည်စိုက်ပျိုးသောအခါ ၎င်းမျိုးမှ အပင်ကြီးထွားလာသောအခါတွင်လည်း ဒီရောဂါဖြစ်တတ်ပါတယ်။ ထိုအပင်မှတဆင့် ပျပိုးက အခြားအပင်များ ဆီသို့လည်း ဒီဗိုင်းရပ်စ်ကိုသယ်ဆောင်သွားတဲ့အတွက်အခြားအပင်တွေကိုလည်း ရောဂါကူးစက်သွားနိုင်ပါတယ်။ ရောဂါစကူးစက်ခံရတဲ့အချိန်မှာ အရွက်နုတွေရဲ့အနားကနေ အပေါ်ဘက်ကိုလိပ်သွားတဲ့လက္ခဏာကို စတွေ့ရပါ တယ်။ အဓိကအားဖြင့် အပင်ခြေရင်းနားအရွက်ကနေစပြီးတွေ့ရပါတယ်။ ရောဂါကူးစက်ခံရပြီးအရွက်တွေဟာ အနည်းငယ်အရောင်ဖျော့လာပြီး အရွက်များတွန့်လိမ်ပြီးအတွင်းဘက်တွင် ခရမ်းရောင်(သို့) နီညိုရောင်ပြောင်း ကာ လိပ်သွားတတ်ပါတယ်။ အောက်အရွက်တွေဟာ တောင့်တင်းပြီးထိခိုက်မိတဲ့အခါ အလွယ်တကူကြွေကျ သွားတာမျိုးဖြစ်တတ်ပါတယ်။ ထို့ပြင်အပင်လှီတာမျိုးလဲဖြစ်တတ်ပါတယ်။ ရောဂါဆိုးရွားလာပါက ဒီလက္ခဏာကို အပင်တပင်လုံးတွင်တွေ့နိုင်ပါတယ်။ မျိုး၊ ရေမြေရာသီဥတု၊ အပင်သက်တမ်းတို့ပေါ်မူတည်ပြီး ရောဂါလက္ခဏာ ပုံစံအချို့ကွဲပြားနိုင်ပါတယ်။