နွားမပေါက်ကာစလေးကိုဘယ်နှရက်သားထိနို့တိုက်ရျ် ...ဘယ်နှရက်သားတွင်နို့ဖြတ်သင့်ပါသလဲ နို့စိ့ုနေစဉ်ရက်ပိုင်းတွေအတွင်းဘယ်နှရက်သားကစပြီးအစာနု(နှမ်းဖက်..မြေပဲဖက်..ပဲမှုန့်..ဆန်ကွဲ..ဖွဲနု)မြက်စတာတွေကို...ဘယ်လိုအချိန်အဆနဲ့ရက်အလိုက်မည်သို့တိုးကျွေးသွားရပါမည်လဲ နို့ဖြတ်ပြီးပြီးချင်းအဟာရပြည့်အစာတွေကိုကျွေးရပါမည်လား... နွားရဲ့ငယ်စဉ်ကလေးဘဝကဘယ်နှလသားထိပါလဲ အသက်လတ်အရွယ်နဲ့အသက်ကြီးအရွယ်ကဘယ်လိုအပိုင်းအခြားပါလဲ

နွားကလေးအသက် ၁ပတ်ခန့်မှစ၍ နို့ဖြတ်တဲ့အရွယ် ၃လထိ အသားဓာတ်လိုအပ်ချက်က 18% နှုန်းပါ။ နွားကလေး ၁ပတ်သားက ငယ်သေးတော့ မြက်မကျွေးသေးဘဲ အစာနု(deheus, cp တို့လိုနွားကလေးအစာတောင့်ပါ)ကျွေးရမှာပါ။

MJME ဆိုတာ အင်အားဓာတ်/ စွမ်းအင်ဓာတ်ပါ။ အထက်ကဖြေတဲ့ 18% ဆိုတာ အသားဓာတ်ပါ။

အစာနု18ရာနှုန်းဆိုတာက...ဥပမာ...မြေပဲဖက်ဆိုလျှင်...တစ်ကီလို(60)ကျပ်သားခန့်မှာ12mjme...နီးပါးဆိုတော့...မြေပဲဖက်ကြီး2kilogramနီးပါးကျွေးရမှာလား...မြက်တို့မကျွေးရဘူးလား

နွားငယ်ကို မွေးစမှ ၄ ရက်သားအထိ နို့ဦးရည်ကို သောက်နိုင်သရွေ့တိုက်ပေးရပါမည်။ (တစ်ရက် ၄ လီတာခန့်)။ ၅ ရက်သားမှ အသက် ၃ လအထိ တစ်ရက်လျှင် နွားနို့ ၅ လီတာကို ၂ ကြိမ်ခွဲ၍ တိုက်ကျွေးရပါမည်။ အသက် ၃ လ (သို့) ကိုယ်အလေးချိန် ၉၀ ကီလိုဂရမ်တွင် နို့ဖြတ်နိုင်ပါသည်။ အသက် ၁ ပတ် ခန့်မှစ၍ အရည်အသွေးကောင်းသည့်အစာနု (အသားဓာတ် ၁၈% ထက်မနည်း) ကို စားနိုင်သရွေ့တဖြည်းဖြည်းတိုးကျွေးနိုင်သည်။ မြက်ခြောက် (သို့) မြက်စိမ်းကို အသက် ၁၄ သားမှစ၍ကျွေးနိုင်သည်။ ရေကို အသက် ၄ ရက်သားမှစ၍ အချိန်မရွေးသောက်နိုင်အောင်ထားရှိပေးရပါမည်။ အသက်အပိုင်းအခြားသတ်မှတ်ရာတွင်- မွေးစမှ ၃ လအထိ - နွားကလေး (calf) ၃ လ မှ ၁၂ လ အထိ - နွားမတမ်း (heifer) ၁၂ လ မှ ကလေးမမွေးမီအထိ - သားစပ်နိုင်သည့်နွားမ (yearling) သားမွေးပြီးနောက် - နွားမကြီး (cow) ဟု အသက်အရွယ်အလိုက် သတ်မှတ်ကြပါသည်။