ဒီနွားလေးကအခု၁၂လသားပါ...မြန်မာမျိုးပါ...အဟာရအပြည့်မွေးကတည်းကကျွေးပါတယ်...သူ့ကိုလ၂၀မှာစပြီးသားစပ်နွားသိုးလုပ်ပါမယ်...နုနေမလားလိ့ုထင်ပါတယ်...အာ့လိုသားစပ်ရင်ကြီးထွားနှုန်းတန့်သွားမလား...အဟာရအပြည့်ကျွေးရင်လ၂၀နဲ့စပြီးသားစပ်လိ့ု်ရနိုင်ပါသလား...

နွားများ ကြီးထွားဆဲအရွယ်တွင်ကျွေးသည့်အစာတွင် အသားဓာတ် ၁၈%၊ အင်အားဓာတ် ၈-၁၀ MJME/kg ပါသည့် အစာအခြောက်ကို ခန္ဓာကိုယ်အလေးချိန်၏ ၃-၄% ကျွေးရမည်ဖြစ်ပြီး အစိုဖြစ်ပါက ခန္ဓာကိုယ်အလေးချိန်၏ ၁၀-၁၂% ခန့် ကျွေးရပါမည်။ ကိုယ်အလေးချိန် ၃၀၀ ကီလိုဂရမ်ရှိလျှင် အစာခြောက်ဆိုပါက ၁၀ ကီလိုဂရမ်ခန့်ကျွေးရမည်ဖြစ်ပြီး အစာအစိုဖြစ်ပါက ၃၀ ကီလိုဂရမ်ခန့်ကျွေးရပါမည်။ ထိုပမာဏသည် အထက်ဖော်ပြထားသည့် အသားဓာတ်နှင့်အင်အားဓာတ်ပါဝင်ရပါမည်။ ပုံမှန်ဒေသမြက်၏ အာဟာရဓာတ်ပါဝင်မှုသည် အသားဓာတ် ၆-၈ ရာခိုင်နှုန်းနှင့် အင်အားဓာတ် ၆ MJME ခန့်သာပါဝင်တတ်သည်ကိုတွေ့ရပါသည်။ အကယ်၍ ထိုကဲ့သို့ဒေသမြက်ကိုကျွေးပါက အာဟာရဓာတ်ပြည့်မီရန် နွားတစ်ကောင်စားနိုင်သည့်ပမာဏထက် အမြောက်အများပိုကျွေးရမည်ဖြစ်သည့်အတွက် အာဟာရဓာတ်ပြည့်မီမည်မဟုတ်ပါ။ ထို့ကြောင့်ဒေသမြက်ကိုအခြေခံပြီးကျွေးပါက အာဟာရဓာတ်ပြည့်မီရန် အသားဓာတ်နှင့်အင်အားဓာတ်မြင့်မားသည့်အစာနုများဖြင့်စနစ်တကျရောနှောကျွေးသင့်ပါသည်။