နို့စားနွားမွေးထားပါတယ်။ နွားတွေကို အစာကျွေးပေမယ့် ပိန်နေပါတယ်။ နွားအစာကျွေးစနစ်၊ လတစ်လခြင်း ကာကွယ်ဆေးထိုး စနစ်များကို ပြောပြပေးစေလိုပါသည်။ ကျေးဇူးတင်ပါတယ်ခဗျာ

ကျွေးတဲ့အစာရဲ့ စွမ်းအင်ဓာတ်နဲ့ အသားဓာတ်ပါဝင်မှုကိုတွက်ချက်ပေးဖို့အတွက် ဘယ်အစာကို ပိဿာဘယ်လောက်ကျွေးတယ်ဆိုတာ ပြောပြပေးပါ။ ဖွဲနုနဲ့ဆန်ကွဲနု အရောက ဘယ်လောက်အချိုးပါလဲ။ ပဲတီစိမ်းမှုန့် ကရေစိမ်ကျွေးသေးလား။

နို့စားနွားများကို နေဗီယာမြက်၊ကောက်ရိုး၊ ဝါစိနဖက်၊ ပဲတီစိမ်းမှုန့်နှင့် ပွိုင့်(ဖွဲ၊ဆန်ကွဲနု) ရောပြီးကျွေးပါတယ်။ အသားဓာတ်အနေနဲ့ ဘယ်လို အစာမျိုးကျွေးဖို့ လိုအပ်ပါသလဲ ခဗျာ။

နွားမွေးမြူနည်းပညာထဲက ကျန်းမာရေးထဲမှာပါပါတယ်။

နွားမွေးမြူနည်းပညာထဲက အခြေခံအာဟာရမှာဖတ်ကြည့်ပါ။ မရှင်းသည်ကိုပြန်မေးနိုင်ပါတယ်။

နောက်တခုက ရေ ပါ။ နွားနို့ထဲမှာ ရေက ၈၇% ခန့် ပါဝင်ဖွဲ့စည်းထားတာပါ။ ၁ ပိဿာမှာ ၈၇ ကျပ်သားခန့်နှုန်းပေါ့။ ဒါကြောင့် ရေကို ကြိုက်တဲ့အချိန်သောက်နိုင်စေရန်ထားပေးခြင်းဖြင့် နို့ထွက်နှုန်းတိုးလာမယ်။ အစာစားနှုန်းတိုးလာမယ်။ အချင်းကျန်တာမျိုးနည်းလာမယ်။

(၂) အသားဓာတ် သည် ကိုယ်တွင်းအင်္ဂါတွေဖွံ့ဖြိုးဖို့ ကျန်းမာပြီး ခန္ဓာကိုယ်ကြီးထွားဖို့ ပိန်နေရင် ဝစေဖို့ နို့သားတက်စေဖို့ စသည်တို့အတွက်လိုအပ်သည်။ အသားဓာတ်လိုတာထက်များရင်တော့ ခန္ဓာကိုယ်က လိုသလောက်ပဲယူပြီး ကျန်တာ ဆီးထဲပါသွားမှာပါ။ အသားဓာတ်ကျွေးတာများလွန်းရင် ဆီးမှာ ပုံမှန်မဟုတ်တဲ့ အနံရနေပါလိမ့်မယ်။

အစာကျွေးပေမယ့် ပိန်နေတယ်ဆိုတာက ကျွေးတဲ့အစာသည် နွားအတွက် လိုအပ်သည့် အာဟာရ (စွမ်းအင်ဓာတ်။ အသားဓာတ်) လုံလောက်မှုမရှိလို့ပါ။ (၁) စွမ်းအင်ဓာတ်သည် ခန္ဓာကိုယ်သက်ရှင်လှုပ်ရှားရန် နို့ထွက်စေရန် သားအောင်စေရန် ကျန်းမာစေရန် စသည်တို့အတွက်လိုအပ်ပါတယ်။ ### စွမ်းအင်ဓာတ်ချို့တဲ့ရင် နည်းရင် အစားအသောက်ပျက်မယ်။ နို့ထွက်နှုန်းကျမယ်။ သားအောင်နှုန်းကျမယ်။ မလုံလောက်တော့ လိုအပ်တဲ့ စွမ်းအင်ကို အဆီကနေဖြိုခွဲယူတဲ့အတွက် ကိုယ်တွင်းအဆီတွေခမ်းလာမယ်။ ပိန်မယ်။ လဲမယ်။ ### စွမ်းအင်ဓာတ်လိုတာထက်များရင် နွားက အဆီတက်လာမယ် ဝလာမယ်။ ပိန်ရင်လည်းသားမအောင်နိုင်သလို ဝလွန်းရင်လည်းသားမအောင်နိုင်ပါဘူး။ နို့ထွက်ကျပါမယ်။ ##နွားတွေ လဲကျတဲ့နေရာမှာ ဝတဲ့နွားတွေလည်း လဲတာရှိပါတယ်။ ကယ်စီယမ်ဓာတ်ချို့တဲ့ရင် ဝ ပြီး လဲပါတယ်။ ဒါက ကယ်စီယမ်ပေးရင်ရပါတယ်။ စွမ်းအင်ဓာတ်ချို့တဲ့တာကျတော့ ပိန်ပြီး လဲပါတယ်။ ဥပမာပြောရရင် အာဟာရလုံလုံလောက်လောက်မရလို့ ပင်ပန်းနေတဲ့သူကို အလုပ်ကြမ်းခိုင်းနေသလိုပဲ။ အားမရှိပါဘူးဆိုသလိုပေါ့။ နွားကလည်း သဘာဝအရကို သူပိန်နေလည်း နို့ထုတ်ပေးနေမှာပဲ။ နည်းတာပဲရှိမယ်။ ခန္ဓာကိုယ်က ဖြစ်သလိုလုပ်ပြီး ထုတ်ပေးနေရတာပဲ။### ဒါကြောင့် လိုအပ်တဲ့ အသားဓာတ်ပြည့်မီအောင် အစာမှာပါဝင်တဲ့ အာဟာရတန်ဖိုးကို သိဖ်ု့ တွက်ချက်ကျွေးဖို့လိုပါတယ်။ အထူးသဖြင့် နွားကလေးမွေးပြီး နို့ပေးကာလ ၃ ၄လအတွင်းသည် နွားမအတွက် စွမ်းအင်ဓာတ်ပြည့်ဝဖို့လိုပါတယ်။ နို့အမြင့်ဆုံးပေးနေရချိန် မွေးပြီးစမို့ အစားကောင်းကောင်မစားနိုင်သေးချိန် ကိုယ်ဝန်ဆောင်ပြီး ခန္ဓာကိုယ်ကို ပြန်လည်ပြုပြင်နေရချိန်တွေဖြစ်လို့ပါ။