အိမ်ခေါင်းရင်း (အရှေ့ဖက်) မှာ ပေ (၁၂၀×၄၀) မြေကွက်လွတ်လေးမှာ ပုံမှန်ဝင်ငွေရအောင် ဘာတွေ စိုက်လို့ရသလဲ အကြံပေးပါအုံးရှင့်။ တောင်သူမဟုတ်တော့ အရင်က မစိုက်ဖူးလို့ပါရှင်။ အုပ်စု ၁- တောစံပယ်၊ ဇွန်၊ ရွှေပန်းငွေပန်း အုပ်စု ၂- ငရုတ်၊ ဆူးပုတ်၊ ကင်ပွန်းချဉ် စိုက်ချင်မိတဲ့ အပင်လေးတွေပါရှင့်။ ဘယ်ဟာက ပိုအဆင်ပြေနိုင်လောက်မလဲ။ တခြားကောင်းမဲ့ဟာလေးတွေကိုလဲ အကြံပြုစေချင်ပါတယ်ရှင့်။ မှတ်ချက်: ရေပေါ၊ (ပြောင်း၊ ပဲစင်းငုံ၊ ဂျင်း၊ ခရမ်းချဉ်၊ နေကြာ၊ ငရုတ်...) စိုက်လို့ရတဲ့ မြေမျိုးပါရှင့်။ ရှမ်း/တောင်ကြီးမြို့နယ် ထဲကပါရှင့်။

ဆူးပုပ်နဲ့ ကင်ပွန်းချဉ်ကို ခြံစည်းရိုးမှာ စိုက်ပါ။ ၃-၄ ပေလောက်ထိပဲထားပြီး ကိုင်းဖြတ်ပေးပါ။ အဲဒါဆို ခူးရလည်း လွယ်ပါယ်။ ( မြင်ခြံက တောင်သူတစ်ယောက် သူ့ ၂ဧက အကွက်အကို မန်ကျည်းပင်ကို စည်းရိုးအဖြစ်စိုက်တာ လစဉ်ဝင်ငွေ သိန်းချီပြီး ပုံမှန်ရနေပါတယ်) အလယ်မှာတော့ ရွှေပန်းငွေပန်းလို ရေရှည်ရနေမယ့် ပန်းအမျိုးအစားက ကောင်းပါတယ်ဗျ။ ရေသေချာပေး သဘာဝမြေသြဇာထည့်ပေးနေရင် တောက်လျှောက်ဝင်ငွေရနေနိုင်ပါတယ်။ နောက်တစ်ခုအကြံပြုလိုတာက စိုက်ခင်း စိုက်ခင်းကြားတွေမှာ စပါးလင်၊ ချစ်တီးပန်းနှင့် ပင်စိမ်းလို အပင်လေးတွေကို ကြို့ကြားထည့်ပေးပါဗျ။ သူတို့က ပိုးမွှာရောဂါတွေကို ဟန့်တားပေးနိုင်တဲ့ ဂုဏ်သတ္တိရှိတာမို့ အိမ်စားလည်းရ ကိုယ့်အပင်တွေလည်း ပိုးသတ်ဆေးလိုအပ်ချက်တွေကို လျော့ချပေးပါလိမ့်မယ်ဗျ။