မြေပဲ စိုက်ဖို့ မြေဩဇာ အနေနဲ့ ဖွဲနု ဂျစ်ဆင်အမှုန့် မီးသွေးမှုန့် ပဲဖတ်မှုန့် နွားချေးခြောက်မှုန့် တို့ကို ရောပြီး ထည့်ပေးလို့ ရပါသလား ဓာတ်မြေဩဇာမသုံးပဲ စိုက်ချင်ပါတယ် သင့်တော်မယ့် ပေါင်းစပ်ပုံနဲ့ ကျွေးသင့်တဲ့ ပမာဏနဲ့ အချိန်လေးပါ သိချင်ပါတယ် ငါးအမိုင်နိုနဲ့ EM လည်းအနည်းငယ် ပြုလုပ်ထားပါတယ်

ဓာတုဗေဒမြေဩဇာ လုံးဝမသုံးဘဲ သဘာဝအတိုင်း စိုက်ပျိုးရန် ပြင်ဆင်ထားသည့်အတွက် အလွန်ကောင်းမွန်ပါတယ်။ ပါဝင်ပစ္စည်းများကို စနစ်တကျ အသုံးပြုနိုင်ရန် တစ်ဧကလျင်နွားချေးခြောက်မှုန့်(၅) စီးမှ (၁၀) စီး (မြေခံ မြေဆီလွှာအတွက်)ပါ။ မြေပွရန်နှင့် ပိုတက်စီယမ်အတွက်ဖွဲပြာ ကို (‌၁၀) တင်းခန့်ထည့်ပါ။ နိုက်ထရိုဂျင် အပင်ကြီးထွားရန်ပဲဖတ်မှုန့်ကို(၅) ပိဿာမှ (၁၀) ပိဿာခန့်ထည့်သွင်းပါ။ မြေပဲဥ အောင်မြင်စေရန်ဂျစ်ဆမ် (Gypsum)ကို (၁) အိတ်မှ (၂) အိတ် မဖြစ်မနေလိုအပ်လို့ ထည့်သွင်းပါ။ မစိုက်ပျိုးမီ (၁၅) ရက်အလိုမှာ နွားချေး၊ ဖွဲပြာ၊ မီးသွေးမှုန့်၊ ပဲဖတ်မှုန့်တို့ကို ရောစပ်ပြီး EM ဖျော်ရည် ဖျန်း၍ အစိုဓာတ်ဖြင့် နှပ်ထားပါ။ ၎င်းနောက် မြေပြင်ချိန်တွင် မြေထဲထည့်မွှေပါ။ ဂျစ်ဆမ်ဆင်တစ်ဝက်ကို မြေပြင်ချိန်တွင် ထည့်ပါ။ ကျန်တစ်ဝက်ကို မြေပဲပန်းပွင့်ပြီး စွယ်ဆင်းချိန် တွင် အပင်ခြေ၌ မြေဖုံးရင်း ထည့်ပေးပါ။ ငါးအမိုင်နိုအက်ဆစ်ကို အပင်ပေါက်ပြီး (၁၅) ရက်သားမှစ၍ (၁၅) ရက်တစ်ကြိမ် အရွက်ဖျန်းမြေဩဇာအဖြစ် ဖျန်းပေးပါ။