စပါး အစို့ဖောက်ကြဲခင်း တစ်လသားအရွယ်မှာ လယ်တစ်ကွက်နဲ့တစ်ကွက် အပင်တက်ပုံခြင်းမတူလို့ပါ။တစ်ချို့လယ်တွေက အပင်လှီပြီး ကျန်ခဲ့လို့ပါ။ဘယ်လိုလုပ်သင့်ပါသလဲ ခင်ဗျာ။

စပါးတိုက်ရိုက်အစေ့ချ (အစို့ ဖောက်ကြဲခင်းများတွင် သက်တမ်းတစ်လသား၌ အကွက်လိုက် အပင်လှီကျန်ခဲ့ခြင်းသည် အဓိကအားဖြင့် လယ်ကွက်မျက်နှာပြင် မညီညာခြင်း၊ ရေဝပ်ခြင်း၊ မျိုးစေ့စုပြုံကျခြင်းနှင့် မြေခံမြေသြဇာ (ဖော့စဖရပ်) အားနည်းခြင်းတို့ကြောင့် ဖြစ်တတ်ပါတယ်။ဒီပြဿနာကို ကုစားရန်အတွက် စိုက်ခင်းအတွင်း ရေကို အမြဲလှောင်မထားဘဲ စိုတစ်လှည့် ခြောက်တစ်လှည့် ရေသွင်း၊ ရေထုတ် လုပ်ပေးရန် လိုအပ်ပါတယ်။ ထို့ပြင် အပင်လှီနေသည့် နေရာများကို ပုလဲနှင့် ပိုတက်ရှ် မြေသြဇာ တွဲဖက်ကျွေးခြင်း၊ အမြစ်ပွားအားကောင်းစေမည့် အမိုင်နိုအက်ဆစ် ရွက်ဖျန်းဆေး ပက်ဖျန်းပေးခြင်းနှင့် အာဟာရလုမည့် ပေါင်းမြက်များကို စနစ်တကျ နှိမ်နင်းပေးခြင်းဖြင့် စပါးပင်များ အမြန်ပြန်လည် သန်မာလာနိုင်ပါတယ်ခင်ဗျာ။