ရွှေဘိုပေါ်ဆန်းမြေဆီကျွေးနည်းလေးသိချင်လို့ပါဗျ ရက်၊လ၊လေးပြောပေးပါလားဗျ

အသက် ၁၅ ရက်သား ရွှေဘိုပေါ်ဆန်းစပါးသည် မြေခံမြေသြဇာ မကျွေးရသေးပါက ယခုအချိန်တွင် တီစူပါ (အိတ်ဝက်) နှင့် ပိုတက်ရှ် (အိတ်လေးပုံတစ်ပုံ) ကို အမြန်ဆုံး ကျွေးပေးရပါမယ်။ အရည်အသွေးကောင်းစပါးမျိုး ဖြစ်သဖြင့် အပင်သက်တမ်း ၂၅-၃၀ ရက် (ပင်ပွားချိန်) တွင် ပုလဲမြေသြဇာ အိတ်ဝက်ခန့်ကိုသာ ထည့်သွင်းရမည်ဖြစ်ပြီး၊ သက်တမ်း ၉၅-၁၀၀ ရက် (မှို့ကပ်ချိန်) တွင် ပုလဲ (အိတ်လေးပုံတစ်ပုံ) နှင့် ပိုတက်ရှ် (အိတ်လေးပုံတစ်ပုံ) ကို နောက်ဆုံးအကြိမ် ကျွေးရပါမယ်။ ပုလဲမြေသြဇာ အလွန်အကျွံကျွေးပါက အပင်လဲခြင်းနှင့် ရောဂါကျရောက်ခြင်း ဖြစ်စေနိုင်သဖြင့် အပင်လိုအပ်ချက်သာကြည့် ကျွေးရန်နှင့် မွှေးရနံ့ကောင်းစေရန် သဘာဝမြေသြဇာ (သို့မဟုတ်) နွားချေးဆွေးဖြင့် ပေါင်းစပ်‌ ရောနှပ်ကျွေးရန် အကြံပြုအပ်ပါတယ်။ပမာဏ အနည်းအများကိုတော့မိမိဘာသာချင့်ချိန်နိုင်ပါတယ်။ မြေဩဇာကျွေးနည်းကအနှစ်ချုပ်လိုက်ရင် P‌နှင့်Kမြေဩဇာကို မြေခံမှာထည့်ရင်ထည့်၊မထည့်နိုင်ရင် စပါးပင်သက်တမ်းအစောပိုင်းမှာတည်းကထည့်ခဲ့ရပါမယ်။ ပုလဲကို အပင်အရွက်အရောင်ပေါ်မူတည်ပြီးကြည့်ကျွေး၊ Kကို မှို့ကပ်ချိန်မှာ မဖြစ်မနေ ဒုတိယအကြိမ်ထည့်ပေးရပါမယ်