ငွေပန်စိုက်ချင်လို့ဗျာ နေရာကျယ်တယ် သိချင်တာက ဘယ်အချိန်စိုက်ရလဲ ဘယ်လောက်ကြာရင်ငွေပေါ်လဲ ဘယ်လိုစိုက်ရလဲ ဘယ်အဟာရကျွေးရလဲ ရေဘယ်လို ပေးရလဲ သိချင်ပါတယ်

ငွေပန်းကို များသောအားဖြင့် မိုးဦးကျကာလဖြစ်တဲ့ ဧပြီလနဲ့ မေလ တွေမှာ အများဆုံး စိုက်ပျိုးကြပါတယ်။ မျိုးပွားတဲ့အခါ မျိုးဥ (အမြစ်ဥတက်) ကို သုံးပြီး ပင်ကြား ၄ လက်မ၊ တန်းကြား ၆ လက်မ အကွာအဝေးနဲ့ စိုက်ရပါတယ်။ အပင် ၂ လသား အရွယ်မှာ အပင်ပိုင်းသန်စွမ်းဖို့ ယူရီးယားမြေဩဇာကို ရေဖျော်ပြီး ကျွေးပေးရမှာဖြစ်ပြီး နွားချေး၊ ကြက်ချေးနဲ့ NPK မြေဩဇာတွေကိုလည်း မြေပြင်စဉ်ကတည်းက မြေခံအဖြစ် ထည့်ပေးရပါမယ်။ ရေပေးသွင်းရာမှာ မြေစိုစွတ်ရုံသာ ပုံမှန် ၁ ရက်ခြား တစ်ခါ လောင်းပေးရမှာဖြစ်ပြီး ဥပုပ်ရောဂါမဖြစ်အောင် ရေမဝပ်ဖို့ သတိပြုရပါမယ်။ ငွေပန်းဟာ စိုက်ပျိုးပြီး ၆ လမှ ၇ လအကြာ မှာ စတင်ပန်းပွင့်ပြီး နေ့စဉ်ခူးဆွတ်ကာ ငွေပေါ် (ဝင်ငွေရ) နိုင်ပါတယ်။