အေဇိုတက်မှိုသတ်ဆေးဝယ်လာတာ ဒိတ်၆လလောက်သက်တမ်းကျော်နေလို့ဖျန်းလို့ရသေးလား အနိသေရှိသေးလားဖျန်းရင် မတ်ပဲကိုထိခိုက်နိုင်လား

သက်တမ်း (၆) လခန့် ကုန်ဆုံးနေသော အေဇိုတက် (Azoxystrobin) မှိုသတ်ဆေးသည် သိုလှောင်မှုမမှန်ကန်ရင် မူလဆေးအာနိသင် သိသိသာသာ လျော့နည်းသွားနိုင်သည့်အပြင်၊ အချိန်ကြာလာသည်နှင့်အမျှ ဆေး၏ ဓာတုဗေဒဖွဲ့စည်းပုံ ပျက်စီးပြီး အပင်အတွက် အဆိပ်အတောက်ဖြစ်စေသော ဒြပ်ပေါင်းများအဖြစ် ပြောင်းလဲသွားတတ်ပါတယ်။ ထို့ကြောင့် ယင်းဆေးကို မတ်ပဲပင်တွင် သုံးစွဲပါက မှိုရောဂါကို ထိရောက်စွာ မနှိမ်နင်းနိုင်ရုံသာမက၊ အရွက်များ ဝါခြင်းနှင့် အပင်နာခြင်း စသည့် ဆေးလောင်ခြင်း (Phytotoxicity) အန္တရာယ်ကို ပြင်းထန်စွာ ခံရနိုင်ခြေ ရှိပါတယ်။ စိုက်ခင်း ပျက်စီးဆုံးရှုံးမှုကို ကာကွယ်ရန်အတွက် အဆိုပါ သက်တမ်းလွန်ဆေးကို လုံးဝ မသုံးစွဲဘဲ၊ သက်တမ်းရှိသော ဆေးအသစ်ကိုသာ လဲလှယ်ဝယ်ယူ အသုံးပြုရန် အကြံပြုချင်ပါတယ်။အကယ်၍ ထိုဆေးဗူးသည် လေလုံအောင် ပိတ်ထားဆဲဖြစ်ပြီး၊ နေရောင်ခြည် တိုက်ရိုက်မကျရောက်သော၊ အေးမြပြီး ခြောက်သွေ့သော နေရာတွင် သေချာသိုလှောင်ထားခဲ့ခြင်း ဖြစ်ပါက ဆေးအာနိသင် အနည်းငယ် ကျန်ရှိနေနိုင်သေးပါတယ်။ သို့သော် လေထဲမှ စိုထိုင်းဆနှင့် ထိတွေ့ထားလျှင် သို့မဟုတ် အပူဒဏ်ခံထားရလျှင် ဆေးဓာတ် လုံးဝပျက်ပြယ်သွားနိုင်ပါတယ်။ဆေးဆိုင်မှာသွားပြီး ပြန်လဲလှယ်လို့ရရင်တော့ လဲလှယ်ပေးပါ သို့မဟုတ် အလကား ဖြစ်မှာစိုးရိမ်၍ဖျန်းပက်ချင်ပါကလည်း အေဇိုတက်သီးသန့်ကို ဧရိယာအနည်းငယ်စမ်းသပ်ဖျန်းပေးပါ၊ အပင်မလောင်ဘူးဆိုရင် စိတ်ချစွာဖျန်းပက်အသုံးပြုနိုင်ပါတယ်ခင်ဗျာ။