ကြက်သွန်နီအတွက် ဓာတ်မြေဩဇာကို U-AS TSP SOP တို့ကို သုံးဖို့ရည်ရွယ်ထားပါတယ် ၁ဧကအတွက် ဘယ်လောက် ကီလိုပမာဏနဲ့ ဘယ်အ...

Question

ကြက်သွန်နီအတွက် ဓာတ်မြေဩဇာကို
U-AS
TSP
SOP တို့ကို သုံးဖို့ရည်ရွယ်ထားပါတယ်
၁ဧကအတွက် ဘယ်လောက် ကီလိုပမာဏနဲ့ ဘယ်အချိန်တွေမှာ သုံးရမလဲ
အကယ်၍ ဂျစ်ပဆမ်ပါသုံးမယ်ဆို S များသွားနိုင်လား သိပါရစေဆရာ

သော်ဇင် · Accepted Answer

@Khing Hein ယူရီးယားအစား နိုက်ထရိုဂျင် ၃၃% သာပါသော UAS ကို သုံးမည်ဆိုပါက ၁ ဧကအတွက် UAS ၁၄၀ ကီလိုဂရမ် (၃ အိတ်နီးပါး) လိုအပ်မည်ဖြစ်ပြီး ၎င်းကို ၃ ကြိမ် (ပြောင်းစိုက်ချိန် ၄၅ ကီလို၊ ၃-၄ ပတ်တွင် ၄၅ ကီလို၊ ၆-၇ ပတ်တွင် ၅၀ ကီလို) ခွဲကျွေးရပါမယ်။ မြေခံအဖြစ် မြေပြင်ချိန်တွင် T-Super ၁၀၀ ကီလိုဂရမ် နှင့် SOP ၅၀ ကီလိုဂရမ် ကို အကုန်ထည့်ရပါမယ်။ UAS ထဲတွင် ဆာလဖာဓာတ် (၁၇ ကီလိုခန့်) တပါတည်း မြေဩဇာထဲ ပါဝင်လာပြီးသား ဖြစ်သဖြင့် ဤအခြေအနေတွင် ဂျစ်ဆမ် (Gypsum) ကို ၄၀-၅၀ ကီလိုဂရမ် (၁ အိတ်) ခန့်သာ လျှော့ချထည့်သွင်းရန် လိုအပ်ပါတယ်။ သို့မှသာ ဆာလဖာဓာတ် အလွန်အမင်း မများဘဲ ကယ်လ်ဆီယမ်နှင့် ဆာလဖာ အချိုးအစား မျှတကာ ကြက်သွန်နီဥ အရည်အသွေး ကောင်းမွန်ပြီး သိုလှောင်မှုသက်တမ်း ပိုမိုကြာရှည်ခံမည် ဖြစ်ပါတယ်။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ

Khing Hein · Answer

@သော်ဇင် UAS ဆိုတာက 33-0-0-12Sကို ပြောတာပါဆရာ

သော်ဇင် · Answer

@Khing Hein ကြက်သွန်နီတစ်ဧကအတွက် မြေခံအဖြစ် မြေပြင်ချိန်တွင် T-Super ၁၀၀ ကီလိုဂရမ် (၂ အိတ်)၊ SOP ၅၀ ကီလိုဂရမ် (၁ အိတ်) နှင့် Gypsum ၈၀-၁၀၀ ကီလိုဂရမ်တို့ကို အကုန်ထည့်သွင်းရပါမယ်။နှုန်ထားများက စံနမူနာခန့်မှန်းချက်ပါကခင်ဗျာ၊ မြေဆီလွှာဓာတ်ခွဲ အဖြေစစ်နိုင်မှ ပမာဏအတိအကျတွက်ပေးလို့ရမှာပါ။ အပင်ကြီးထွားမှုအတွက် Urea ၁၀၀ ကီလိုဂရမ် (၂ အိတ်) ကိုမူ ၃ ကြိမ် ခွဲကျွေးရမည်ဖြစ်ပြီး၊ ပထမတစ်ပုံကို ရွှေ့ပြောင်းစိုက်ချိန်၊ ဒုတိယတစ်ပုံကို ၃-၄ ပတ်အကြာနှင့် တတိယတစ်ပုံကို ၆-၇ ပတ်အကြာ ဥမဆင်းမီတွင် ထည့်ပေးရပါမယ်။ SOP နှင့် ဂျစ်ဆမ် (Gypsum) ကို တွဲသုံးသော်လည်း ဆာလဖာ (S) ပမာဏ လွန်ကဲခြင်း မရှိနိုင် သေးပါဘူး။ အကြောင်းမှာ ကြက်သွန်နီသည် ဆာလဖာဓာတ်ကို အလွန်နှစ်သက်သော သီးနှံဖြစ်ပြီး ဂျစ်ဆမ်တွင် ပါဝင်သော ကယ်လ်ဆီယမ်ဓာတ်က ဥခွံလှပစေကာ သိုလှောင်မှုသက်တမ်းကို ပိုမိုကြာရှည် ခံစေသောကြောင့် ဖြစ်ပါတယ်။ တောင်သူဦးကြီးကို မေးရမှာက U-ASဆိုတာ Ureaကို ဆိုလိုချင်တာလား ယူရီးယားမသုံးဘဲ Ammonium Sulphate ကို သုံးမှာလား၊ Ammonium Sulphate သုံးမှာဆိုရင်တော့ Sလွန်ကဲနိုင်ပါတယ်ခင်ဗျာ။

ဖြေကြားချက် ၃ ခု