မတ်ပဲရေနစ်သွားတာ 4-5 ရက်ဖြစ်သွားပြီ ဆရာ ရေနည်းနည်းတော့ကျန်နေသေးတယ် ရေကုန်သွားရင်ဘာဆေး အရင်သုံးသင့်သလဲခင်ဗျ။မှိုဆေးအရင်သုံးရမလား မြေဩဇာပတ်လို့ရပါသလားခင်ဗျ။

@ကိုနိုင်လင်းထက် မတ်ပဲခင်း ရေကုန်သွားသည်နှင့် မှိုဆေးကို အရင်ဆုံး ပက်ဖျန်းအသုံးပြုသင့်ပါတယ်။ အပင်သက်တမ်း ၃၃ ရက်ရှိပြီး ၄-၅ ရက်ခန့် ရေနစ်ထားသောကြောင့် အမြစ်ပုပ်ရောဂါနှင့် ပင်ခြေပုပ်ရောဂါများ အလွယ်တကူ ဝင်ရောက်နိုင်ပါတယ်။ ထို့ကြောင့် စိုက်ခင်းထဲရှိ လက်ကျန်ရေများကို အမြန်ဖောက်ထုတ်ပြီး ကာဘင်ဒါဇင် (Carbendazim) သို့မဟုတ် Metalaxy သို့မဟုတ် Foestyl Al သို့မဟုတ် Hymexazol ပါဝင်သော မှိုဆေးတစ်မျိုးမျိုးကို အပင်ခြေနှင်အပင်အပေါ်ပိုင်းပျံ့နှံ့စွာဦးစွာဖျန်းပေးပါ။ ရေနစ်ထားသဖြင့် အမြစ်များ အားနည်းနေချိန်ဖြစ်၍ မြေဩဇာကို ချက်ချင်းမပက်သင့်သေးဘဲ မှိုဆေးဖျန်းပြီး ၅ ရက်မှ ၇ ရက်ခန့်အကြာ အပင်နာလန်ထူလာမှသာ မြေဩဇာကျွေးသင့်ပါတယ်။ ကြားကာလတွင် အပင်အားပြန်ပြည့်စေရန် ရွက်ဖျန်းအားဆေး (အမိုင်နိုအက်စစ်Amino Acid သို့မဟုတ်ပင်လယ်ရေမှော် (Seaweed) ) ကို ဖျန်းပေးနိုင်ပါတယ်။ မြေဩဇာကျွေးမယ်ဆိုရင် ဂျစ်ဆမ်ကျွေးပေးနိုင်ပါတယ်ခင်ဗျာ။ဤအဖြေဖြင့်ပြေလည်သည်သတ်မှတ်ပေးနိုင်ပါတယ်ခင်ဗျာ