ပဲပင်ပေါက်ပြီး5ရက်သားမိုးမိသွားတာနိမ့်တဲနေရာရေမြုပ်သွားတယ်အများအားဖြင့်မြင့်တဲနေရာပဲကျန်တယ်အဲဒါဒီအတိုင်းထားသင့်သလားပြန်ထွန်စိုက်သင့်လားစရိတ်ကလဲများတော့အကြံပေးပါဉီး

@UTheinAung ကုန်းမြင့်ပိုင်းက အပင်အများစု (တစ်ခင်းလုံးရဲ့ ၆၀% အထက်) ကောင်းကောင်းကျန်နေသေးရင် စရိတ်ထပ်မကုန်အောင် တစ်ကွင်းလုံး ပြန်ထွန်စိုက်စရာ မလိုပါဘူးခင်ဗျာ။ ရေမြုပ်ပျက်စီးသွားတဲ့ အနိမ့်ပိုင်း ကွက်လပ်လေးတွေကိုသာ အစိုဓာတ်ရှိတုန်း မျိုးစေ့အသစ် ပြန်လည်ဖာထေးစိုက်ပျိုးသင့်ပါတယ်။ လက်ရှိကျန်တဲ့ အပင်လေးတွေက ၅ ရက်သားပဲ ရှိသေးတာမို့ အမြစ်ပုပ်ရောဂါနဲ့ ခါးရိရောဂါ ဝင်လွယ်ပါတယ်။ ဒါကြောင့် ရေထုတ်မြောင်း အမြန်ဖောက်ပေးပြီး မှိုသတ်ဆေး (ဥပမာ- Carbendazim သို့မဟုတ် Foestyl Al သို့မဟုတ် Hymexazol သို့မဟုတ် Thiophanate methyl) တစ်မျိုးမျိုးအပင်ခြေဖျန်းပါ။အမြစ်ထွက်အားကောင်းစေမယ့် ရွက်ဖျန်းအားဆေး တစ်မျိုးမျိုးကိုလည်း ဖျန်းပေးပါ။