အာဆီယံသပြေကိုဘယ်လိုစိုက်ပျိုးရမလဲ

၁။ အာဆီယံသပြေစိုက်မယ်ဆိုရင် ပထမဦးဆုံးထယ်ရေးကောင်းကောင်းပြင်ဆင်ရပါတယ်။ ပြီးမှကြိုး တန်းပြီး တစ်ပင်နဲ့တစ်ပင်ကို (၂)တောင်လောက်ခြားပြီးရင် အတန်းလိုက်စိုက်ရပါတယ်။ ဘောင် (၂)ဘောင် အပင်တန်း တစ်တန်းစီ အကွာအဝေးကို (၃)တောင်ခန့်ခွာထားရပါတယ်။ ကြားပေါင်း လိုက်တဲ့အခါ လွယ်ကူအောင် ပြုလုပ်ထားကြတာဖြစ်ပါတယ်။ အာဆီယံသပြေက အကြမ်းခံပါတယ်။ ရေဝပ်ဒဏ်လည်း ခံနိုင်ပါတယ်။ ၂။ တစ်ဧကကို အာဆီယံသပြေပျိုးပင် (၈၀၀၀-၉၀၀၀)အထိ ထည့်သွင်းစိုက်ပျိုးကြပါတယ်။ မိုးဝေးရင် ရေကို တစ်လ (၂)ကြိမ် လောင်းပေးရတယ်။ အာဆီယံသပြေက စိုက်ပျိုးပြီး တစ်နှစ်ခွဲလောက်ကစတင်ပြီး ပန်းဖြတ်ရပါတယ်။ တစ်ခါစိုက်ပြီးတာနဲ့ ပေါင်းရှင်း၊ရေတင်ပေး၊မြေသြဇာကျွေးပေးနေရုံနဲ့ အလွယ်တကူ စိုက်ပျိုးနိုင်ပါတယ်။ အပင်ကိုပိုးသတ်ဆေးနဲ့ အပင်အားဆေးပက်ဖျန်းရင်ပိုကောင်းပြီး ပိုကျမှုနည်းပါတယ်။ ၃။ တစ်ခါဖြတ်ပြီးတာနဲ့ (၂)လလောက်အတက်မွေးရပါတယ်။ အာဆီယံသပြေကို အချိန်မလွန်ခင် ဖြတ်လှီး ကြရပါတယ်။ ပန်းခက်တစ်တောင်နီးနီးရှိတဲ့အချိန် ပန်းရောင်၊အနီရောင်အညွန့်တွေ လှိုင်လှိုင်ဝေနေတဲ့ အချိန်မှာ ဖြတ်ကြရပါတယ်။ အညွန့်လှိုင်နေတဲ့အချိန်မဖြတ်ရင် အရွက်တွေရင့်ပြီး စိမ်းသွားတတ်ပါ တယ်။ Source - ကြေးမုံသတင်းစာ Credit - ဆောင်းပါး မူရင်းရေးသားသူ