အမြစ်ကပုပ်ပြီးရွက်ခြောက်လာလို့ပါ ဘာလက္ခဏာလည်းသိချင်လို့ပါ သိသူများဖြေပေးကြပါအုံး

အပင်က ဒီရောဂါတိုက်ခိုက်ခံရပြီဆိုရင်ရုတ်တရက် ခြောက်လာမယ် အကွက်လိုက်ခြောက်မယ်ပေါ့။ ထိပ်ဆုံးအရွက်က စညှိုးလာတာမျိုးတွေတွေ့ရမယ်။ အမြစ်ဆွဲနှုတ်ကြည့်တဲ့အခါ အမြစ်က မြေကြီးထဲပြတ်ကျန်ခဲ့မယ် ဘေးဘက်မြစ်မွှာတွေမရှိတော့ဘဲ မဲပုပ်နေတာမျိုးတွေပေါ့ ပုပ်နေတဲ့အမြစ်က နဲနဲကြွပ်ဆတ်နေတာမျိုးတွေတွေ့ရတတ်တယ် အပင်ရင်းမှာ အမြစ်တွေကွဲနေမယ်။မှိုမျှင်နဲနဲလည်းတွေ့ရမယ်။ ဒီလိုလက္ခဏာတွေတွေ့ရရင်တော့ Rhizoctonia bataticola  ကြောင့်ဖြစ်တာပါ။ မျိုးစေ့လူးနယ်ဆေးတွေသုံးမှပဲရနိုင်ပါတယ်။ နောက်နှစ်မဖြစ်အောင်လို့ဆိုရင်တော့ ခုလိုနွေနေပူပူမှာ ထယ်နက်နက်ထိုးတာ၊သီးညှပ်စိုက်တာနဲ့ နှံစားသီးနှံတွေနဲ့ သီးလှည့်စိုက်တာတွေလုပ်ပါ။ ထရိုင်ဂိုဒါးမားမှိုနဲ့လူးနယ်စိုက်ပျိုးမယ်ဆိုရင်လည်း ဒီရောဂါကို ကာကွယ်နိုင်ပါတယ်။ အစ်ကို့ရဲ့ အပင်အခြေအနေနဲ့တိုက်ကြည့်ပါရှင့် ၊လက်လှမ်းမှီသလောက်တော့ ပြောပြလိုက်ရပါတယ်။