ကျွန်တော်နာမည် ဦးအောင်သက်ခိုင်ပါ။ လားရှိုးမြို့နယ် စဉ့်အင်ကျေးရွာမှာ သံပုရာ စိုက်ပါတယ်။ ကျွန်တော့် သံပုရာခင်း...

Question

ကျွန်တော်နာမည် ဦးအောင်သက်ခိုင်ပါ။ လားရှိုးမြို့နယ် စဉ့်အင်ကျေးရွာမှာ သံပုရာ စိုက်ပါတယ်။ ကျွန်တော့် သံပုရာခင်းမှာ ကင်ကာရောဂါဆိုးဆိုးရွားရွား ဖြစ်ပြီး တစ်ခြံလုံးပြုတ်သွားပါတယ်။ အဲဒါ နောက်တစ်ခြံအတွက် ကာကွယ်ချင်လို့ ဘယ်လိုကာကွယ်ပြီး ဖြစ်လာရင် ဘယ်လို ကုသရမလဲ သိချင်ပါတယ်ခင်ဗျ။

မင်းသူသူကို · Answer

၁) ရောဂါဖြစ်ပြီး ပျက်သွားတဲ့ ခြံနဲ့ ယခု ခြံ အသစ်နဲ့ နီးပါသလား ခင်ဗျား။ ခြံချင်းကပ်ရက် ပါလား။ (၂) အဲဒီ ခြံ အပျက်နဲ့ ခြံ အသစ် ရေ၊ မြေ ဆက်စပ် နေပါသလား။ (၃) ခြံ အသစ်က ခြံအဟောင်းရဲ့ လေ တိုက်ရာ လမ်းကြောင်း သင့်ပါသလား။ (၄) မိုးရွာရင် ခြံအဟောင်းက ရေတွေ ခြံအသစ်ထဲကို စီးဝင်နိုင်ပါသလား။ (၅) ဖြစ်နိုင်ရင် ခြံကို ဘယ်လိုနည်းနဲ့ ဘယ်လို အချိန်တွေမှာ မြေသြဇာ ကျွေးတယ်၊ အပင်ရဲ့ ကိုင်းတွေ ရှင်းတယ် ဆိုတာ ပြောပေးလို့ ရမလား။ ဒီမေးခွန်းတွေ ဖြေပေးလို့ ရှိရင်တော့ တစ်ခြား ပညာရှင်တွေကော လွယ်လွယ်ကူကူ ဝိုင်းပြီး ဖြေပေးလို့ရမှာပါ။ လောလောဆယ်တော့ အခင်းသစ်ကို ဝင်တဲ့ အခါမှာ တတ်နိုင်သမျှ အခင်းဟောင်းမှာ သုံးခဲ့တဲ့ ပစ္စည်းကရိယာတွေကို ရှောင်စေချင်ပါတယ်။ အခင်းဟောင်း နဲ့ အသစ်ကို တတ်နိုင်သမျှ အဆက်အသွယ် ဖြတ်ထားစေချင်ပါတယ်။ နောက်ပြီးတော့ အခင်းသစ်နဲ့ အဟောင်းက နီးနေရင် အခင်းသစ် ပတ်လည်မှာ လေကာပင် တွေ စိုက်ပြီး လေတိုက်နှုန်း နည်းအောင်၊ အခင်းဟောင်းကို ဖြတ်ပြီး တိုက်လာမဲ့ လေ တွေ အသစ်ထဲကို အရောက်နည်းအောင် လုပ်ပေးထားလို့ရမယ် ထင်ပါတယ်။ တစ်ခြား ပညာရှင်တွေကိုလည်း ဆက်သွယ်ပြီး မေးပေးထားပါတယ် ခင်ဗျ။

ဖြေကြားချက် ၁ ခု