ဆရာကြီးဒေါက်တာ ဦးမြင့်လွင်ပြောတဲ့ kitosen ဆေးကို ဘယ်မှာဝယ်ယူနိုင်ပါသလည်းဗျ။
ပုံထဲကလိုဖြစ်နေလို့ယာစပါးပါရောဂါလားပိုးလားဗျဖြေပေးပါဦး
ပုံပါစပါးပင်သည် ပိုတက်ဆီယမ် (K) ချို့တဲ့ခြင်း ဖြစ်ပါတယ်။ပိုတက်ဆီယမ် ချို့တဲ့တာ သေချာတယ်ဆိုရင်တော့ တစ်ဧကကို ပိုတက်ရှ် (MOP) မြေသြဇာ ၆ ပိဿာကနေ ၁၀ ပိဿာခန့်အထိ မြေပြင်မှာ ကျွေးပေးရမှာဖြစ်ပြီး၊ အပင်က ချက်ချင်းစုပ်ယူနိုင်ဖို့ ပိုတက်ဆီယမ်ပါဝင်မှုမြင့်မားတဲ့ ရွက်ဖျန်းမြေသြဇာ (ဥပမာ - ၁၃:၀:၄၆) ကိုလည်း ပက်ဖြန်းပေးသင့်ပါတယ်ခင်ဗျာ။ ပိုတက်ရှ် (MOP)မရပါက 15:15:15 ကွန်ပေါင်းမြေဩဇာအသုံးပြုနိုင်ပါတယ်ခင်ဗျာ။ မြေဩဇာကျွေးရာတွင် အပင်မှ အဟာရစုပ်ယူနိုင်ရန်အတွက် ရေရှိဖို့တော့လိုပါမယ်ခင်ဗျာ။
ဧရာပဒေသာရက်၄၀သား၁၆ပတ်လည်နဲ့ပုလဲကျွေးပြီးတာ၁၁ရက်ရှိပါပြီမြေနိမ့်တဲ့နေရာကပင်ပွားနည်းနေသေးလို့၅၀ရက်လောက်ကို၁၅ပတ်လည်ပဲကျွေးသင့်လားခဗျပုလဲမရောပဲအဆင်ပြေမလားခဗျ
ဧရာပဒေသာစပါး ဒုတိယအကြိမ် မြေသြဇာကျွေးရာတွင် ၁၅:၁၅:၁၅ ကွန်ပေါင်းမြေသြဇာ တစ်မျိုးတည်းကိုသာ သီးသန့်ကျွေးရန် လိုအပ်ပြီး ပုလဲ (ယူရီးယား) ထပ်မံရောစပ်ရန် မလိုပါဘူး။ ပထမအကြိမ်တွင် ၁၆:၁၆:၁၆ နှင့် ပုလဲတွဲကျွေးထားသဖြင့် နိုက်ထရိုဂျင်ဓာတ် ပြည့်ဝနေပြီဖြစ်ကာ နိုက်ထရိုဂျင် ထပ်များပါက အပင်လဲခြင်းနှင့် ပိုးမွှားကျခြင်းတို့ ဖြစ်နိုင်ပါတယ်။ စပါးပင်ပွားနည်းသော ပြဿနာအတွက် စိတ်မပူဘဲ လက်ရှိတွင် ၁၅:၁၅:၁၅ ဖြင့် အပင်သန်မာအောင်လုပ်ပြီး၊ နောက်ထပ် သက်တမ်း ၇၀-၇၅ ရက် (အနှံသန္ဓေတည်ချိန်) ရောက်မှသာ ပုလဲနှင့် ပိုတက်စီယမ်မြေသြဇာကို တွဲဖက်၍ တတိယအကြိမ်အဖြစ် အားဖြည့်ကျွေးပေးသင့်ပါတယ်။
ကျေးဇူးပါဆရာ
အိမ်လုပ် ငါးအမိုင်နိုကို စပါးခင်းတွင် ဆေး ဘယ်လောက်ထည့်ရမလဲ
စပါးခင်းတွင် အိမ်တွင်းပြုလုပ် ငါးအမိုင်နိုအက်စစ် (FAA) ကို ရွက်ဖြန်းအားဆေးအဖြစ် အသုံးပြုရာ၌ အခြေခံအချိုးအစားမှာ ဆေးရည် (၁) ဆ လျှင် ရေ (၁၀၀၀) ဆ (1:1000 Ratio) ဖြစ်ပါတယ်။ ထို့ကြောင့် ရေ ၂၀ လီတာဝင် ဆေးဖျန်းပုံးတစ်ပုံးလျှင် ငါးအမိုင်နိုအက်စစ်ရည် ၂၀စီစီ(ဟင်းစားဇွန်း ၂ ဇွန်းခန့်) နှုန်းဖြင့် အတိအကျ ရောစပ်အသုံးပြုရပါမယ်။ ဤသဘာဝအားဆေးသည် နိုက်ထရိုဂျင်ဓာတ် ကြွယ်ဝသဖြင့် စပါးပင်ပိုင်းကြီးထွားမှုနှင့် အပင်ပွားနှုန်းကို အထူးကောင်းမွန်စေသော်လည်း နှုန်းထားထက် ပိုမိုသုံးစွဲပါက အရွက်လောင်ခြင်းနှင့် ပိုးမွှားကျရောက်ခြင်းတို့ကို ဖြစ်စေနိုင်သဖြင့် မနက်စောစော သို့မဟုတ် ညနေခင်း နေအေးချိန်များတွင်သာ (၇) ရက်မှ (၁၀) ရက်တစ်ကြိမ် စနစ်တကျ ပက်ဖျန်းပေးသင့်ပါတယ်ခင်ဗျာ။
ဖျန်းမှာလား ကတွတ်ပေါက်ကနေ ထည့်မှာလား? ဆေးဖျန်းတစ်ပုံကို လက်ဖက်ရည်ပန်းကန် ၁ ခွက်ထည့်တယ်။
နေကြာရောဂါနမူနာ၅ခုလောက်ပို့ပေးလိူ့ရမလားဗျ ဓာတ်ခွဲခန်းမှာစမ်းသပ်ပြီးအပင်ရောဂါကိုရှာချင်လို့ပါဗျ
တောင်သူတွေကို ပို့ပေးစေချင်တာလားဗျ? ဒါမှမဟုတ် တောင်သူတွေဆီသွားယူမှာလား? တောင်သူက ဘယ်လိုဆက်သွယ်ရမှာလဲ?
နှမ်းမှာကျတဲ့ရောဂါနမူနာ၅ခုလောက်ကူညီပေးလို့းမလားဗျ ဓာတ်ခွဲခန်းမှာစမ်းသပ်ပြီးရောဂါရှာချင်လို့ပါဗျ
တောင်သူတွေကို ပို့ပေးစေချင်တာလားဗျ? ဒါမှမဟုတ် တောင်သူတွေဆီသွားယူမှာလား? တောင်သူက ဘယ်လိုဆက်သွယ်ရမှာလဲ?
စပါးမှာကျတဲ့ရောဂါနမူနာ၅ခုလောက်ကိုကူညီပေးလို့ရမလားဗျ အပင်ရောဂါအတွက်ဓာတ်ခွဲခန်းမှာစမ်းသပ်ချင်လို့ပါဗျ
တောင်သူတွေကို ပို့ပေးစေချင်တာလားဗျ? ဒါမှမဟုတ် တောင်သူတွေဆီသွားယူမှာလား? တောင်သူက ဘယ်လိုဆက်သွယ်ရမှာလဲ?
မတ်ပဲဈေးအခြေနေလေးသုံသပ်ပေးကြပါအုန်း ဆက်တက်နိုင်လား ကျသွားနိုင်လားဆိုတာကို
Facebook က ကူးလာတာ။ ⬆️ ဒီနှစ်ထဲမှာ မှတ်မိသလောက် မတ်ပဲဈေးက သုံးကြိမ် တက်ထားပါတယ်။ ပဲသစ်ပေါ်ချိန်မှာ ပထမအကြိမ်၊ သင်္ကြန် မတိုင်ခင် ဒုတိယအကြိမ်နဲ့ ဇွန်၊ ဇူလိုင်မှာ တတိယအကြိမ်ဆိုပြီး သုံးကြိမ် တက်ထားပြီး မတ်ပဲဈေး အကျကနေ ပြန်တက်တိုင်းမှာ မြင့်သထက် မြင့်လာတာမျိုးပဲ တွေ့ရပါတယ်။ 🔺 (အခု သတင်းအချက်အလက်ကို 𝙈𝙖𝙧𝙠𝙚𝙩 𝘽𝙚𝙖𝙩 က ရှာဖွေ တင်ပြပါတယ်။ ⛔ ပြန်ကူးတင်ခွင့် မပြုပါ။ ရှဲပေးနိုင်ပါတယ်။) 👉 ဈေးတစ်ကြိမ် တက်ပြီးရင် နောက်တစ်ခါ ပြန်မတက်တော့ဘူးလို့ ထင်ရလောက်အောင် စိတ်ပျက်၊ လက်လျှော့ချင်စရာ ကောင်းလောက်အောင် ဈေးတန်းဝေ့လည်နေပြီးတော့မှ မထင်မှတ်တဲ့အချိန်မှာ ဝေါခနဲ၊ ဝုန်းခနဲ ဈေးတက်လာပြန်ပါတယ်။ ↗️ 👉 အခုတစ်ကြိမ်မှာလည်း မတ်ပဲဈေးဟာ ဇူလိုင်လထဲမှာ အမြင့်ဆုံး ရောက်ပြီးတဲ့နောက် ဈေးပြန်ကျလာပြီး သီတင်းပတ်အတော်ကြာ ဈေးတန်းလည်နေရာကနေ အခုဆိုရင် ဈေးအကျဘက်ကိုတောင် ရောက်လာပါတယ်။ 📈📉🤔 ✅ လက်ရှိမှာ မတ်ပဲဈေး ကျဆင်းလာတာ မှန်ပေမဲ့ ဟိုးအရင်လတွေက Raw သုံးတင်းကို သုံးထိပ်စီးတောင် မကွဲဘဲ နယ်တစ်တင်းဈေးလည်း ကျပ်တစ်သိန်း ရဖို့တောင် မနည်း ဆုတောင်းယူခဲ့ရတဲ့ အခြေအနေနဲ့ ယှဉ်ရင် အခုပေါက်ဈေးတွေက မဆိုးသေးဘူးလို့ ဆိုရမှာပါ။👍 📢 မြန်မာမတ်ပဲဈေးကွက်ဟာ အိန္ဒိယပေါ်မှာ မူတည်နေတယ် ဆိုပေမဲ့ ဒီကြားထဲမှာလည်း ဈေးကစားသူတွေရဲ့လက်ထဲမှာ အတက်အကျ ဖြစ်နိုင်တာကြောင့် မတတ်သာတော့ဘဲ ဈေးတိုးပေးတဲ့ကာလအထိ ဆက်လက် စောင့်စားရမယ့်သဘော ရှိနေပါတယ်။ 📊 ပြီးခဲ့တဲ့နှစ်တွေကို ပြန်ကြည့်ရင် မတ်ပဲ၊ ပဲစဉ်းငုံတွေဟာ မိုးတွင်းကာလတလျှောက်မှာ ဈေးတက်တာ သိပ်မတွေ့ရဘဲ မိုးနှောင်းနဲ့ မိုးလွန်ကာလတွေ ရောက်မှသာ တက်ဈေး ဖြစ်လာတာ တွေ့ရတာကြောင့် Risk ယူပြီး စောင့်နိုင်သူတွေအဖို့ ဆက်စောင့်နိုင်ပြီး Risk မယူရဲ ၊ မယူနိုင်လို့ ဒီနေရာမှာပဲ ဖြတ်တော့မယ် ဆိုရင်လည်း မိမိသဘောသာ ဖြစ်ပါကြောင်း အသိပေးလိုက်ပါတယ်။ 📢 🎯 မှတ်ချက် - အိန္ဒိယဘက်က မတ်ပဲ စိုက်ပျိုးထွက်ရှိမှု၊ တင်သွင်းမှု စတဲ့ သတင်းတွေကို ကျနော်တို့ 𝙈𝙖𝙧𝙠𝙚𝙩 𝘽𝙚𝙖𝙩 ကနေ အလျင်မပြတ် တင်ဆက်နေမှာဖြစ်လို့ စောင့်ကြည့်ဖို့ကိုလည်း မှာချင်ပါတယ်။ #မတ်ပဲ #မတ်ပဲဈေးကွက် #ပဲဈေးကွက် #Market_Beat See less
ဘက်တီးရီးယားလား စောပင်နာကျလားမခွဲခြားတတ်လို့ပါ ဘာမိူသတ်ဆေးဖျန်းရမလဲညွန်းပေးပါအုံးဗျ
စောပင်နာကျပါ။ အမဲစက်တွေရဲ့ အလယ်မှာ အရစ်ကွင်းတွေ ထနေပါတယ်။ ဒီကာလမှာ မိုးများလာပြီး စိုထိုင်းစ တက်လာလို့လည်း ပါပါတယ်။ အစိမ်းရောင်လမ်းက စိုက်ပျိုးမိုးလေဝသကို စစ်ပြီး မိုးဆက်တိုက်ရွာနေမယ် စိုထိုင်းစကလည်း ရောဂါကျရောက်နိုင်ခြေ လိုင်းထက် ဆက်တိုက်မြင့်နေမယ်ဆိုရင် သတိထားစောင့်ကြည့်သင်ပါတယ်။ စောပင်နာကျရောဂါအကြောင်းကို ဒီခေါင်းစဉ်နှိပ်ပြီး ဖတ်နိုင်ပါတယ်။ ခရမ်းချဉ်စိုက်ပျိုး၍ အထွက်နှုန်းတိုးစေဖို့ စောပင်နာကျရောဂါကာကွယ်စို့
ဆရာတို့ရေကျွန်တော်စပါးပင်ဒီလိုတွေဖြစ်နေလို့မှိုလားပိုးလားဗျအပင်နှုတ်ကြည့်တော့အမြစ်မှာပျပိုးလိုအကောင်တွေတွေ့တယ်ပိုးကြောင့်ဝါတာလားဗျဘာပိုးလဲပြောပေးပါအုံး
ဟိုနားတဝိုက်ဒီနားတဝိုက်ဝါနေတာပုံထဲကလိုအပင်ရဲ့အမြစ်ထဲမှာလဲပျပိုးလိုဖြတ်ပိုးလိုအကောင်တွေတွေ့တယ်တော်တော်များများဝါနေပီ
မန်ဒါလီဘဲ
မြေပဲခင်း အောက်ရွက်နေဝါနေလို့ ဘယ်လိုမှိုသတ်ဆေးသုံးပြုရမလဲဗျ မှိုသတ်ဆေးဖျန်းပြီး အားဆေး ဘယ်နှစ်ရက်ခြားမှဖျန်းသင့်လဲ?
ပုံပါမြေပဲပင်တွင် ဖြစ်ပွားနေသော လက္ခဏာမှာ မှိုပိုးကြောင့်ဖြစ်သည့် 'စောပင်နာကျရောဂါ' (Early Leaf Spot) ဖြစ်ပါတယ်။ ရောဂါသက်သာစေရန် ဟက်ဆာကိုနာဇိုး (Hexaconazole) သို့မဟုတ် Azoxystrobin + Difenoconazole ကဲ့သို့သော မှိုသတ်ဆေးတစ်မျိုးမျိုးကို ရွေးချယ်၍ ရောဂါပြင်းထန်မှုအပေါ် မူတည်ကာ ၇ ရက်မှ ၁၀ ရက်ခြားတစ်ကြိမ် (အနည်းဆုံး ၂ ကြိမ်) ဖျန်းပေးရပါမည်။ ရောဂါကူးစက်ပျံ့နှံ့မှုရပ်တန့်သွားပါကအပင်သန်စွမ်းမှု ပြန်လည်ကောင်းမွန်စေရန်အတွက် အမိုင်နိုအက်ဆစ်ပါဝင်သော အားဆေးကို ၁၀ ရက်မှ ၁၄ ရက်ခြားတစ်ကြိမ် နှုန်းဖြင့် သမအောင် ရောစပ်ဖျန်းပေးနိုင်ပါတယ်။
ဒါ ဘာဖြစ်တာလဲဗျ အညွန့်တေမှာအ့လိုတွေ့ရလို့
ပုံပါ ခရမ်းချဉ်ပင်တွင် တွေ့ရသော လက္ခဏာမှာ ယင်ဖြူ စုပ်စားပိုးမှတစ်ဆင့် ကူးစပ်တတ်သည့် ခရမ်းချဉ် အဝါရောင်ရွက်တွန့်လိပ် ဗိုင်းရပ်စ်ရောဂါ (Tomato Yellow Leaf Curl Virus - TYLCV) ဖြစ်ပွားနေခြင်း ဖြစ်ပါတယ်။ အပင်၏ ထိပ်ဖျားအညွန့်များနှင့် အရွက်သစ်များ အပေါ်သို့ လိပ်တက်ခြင်း၊ အရွက်များ သေးငယ်ကျုံ့ဝင်ခြင်းနှင့် အပင်ကြီးထွားမှု ရပ်တန့်ကာ ခြင်းတို့မှာ ထင်ရှားသော ရောဂါလက္ခဏာများ ဖြစ်ပါတယ်။ ဗိုင်းရပ်စ်ရောဂါအတွက် တိုက်ရိုက်ကုသရန် ဆေးဝါးမရှိသဖြင့် စိုက်ပျိုးရေးသုတေသန လမ်းညွှန်ချက်များအရရောဂါရနေသောအပင်ကို ချက်ချင်းနှုတ်ယူ မီးရှို့ဖျက်ဆီးရမည်ဖြစ်ပြီး၊ ရောဂါသယ်ဆောင်သည့် ယင်ဖြူများကို ကာကွယ်ရန် အဝါရောင် ကော်စေးထောင်ချောက်များ အသုံးပြုခြင်း သို့မဟုတ် အီမီဒါကလိုပရစ် (Imidacloprid)၊ အဆီတာမီပရစ် (Acetamiprid) ကဲ့သို့သော ပင်လုံးပျံ့ပိုးသတ်ဆေးများကို စနစ်တကျ ပက်ဖျန်းသုံးစွဲလေ့ရှိပါတယ်ခင်ဗျာ
နှင်းဆီးအပင်ဖြစ်အောင်ဘယ်လိုလုပ်ရလည်း
အပင်ဖြစ်နှေးနေလို့
နှင်းဆီပင်ဖြစ်အောင်ပထမသန်မာတဲ့အောက်ခံပင်ပေါ်အဖူးမြှတ်မျိုးပွားထားသောအပင်ဖြစ်ရမယ်လေဝင်လေထွက်ကောင်းပြီ မြေသြဇာကောင်းသောမြေဖြစ်ပြီးတစ်လတခါသဘာဝမြေဆွေးကျွေးပေးပြီးnpk လည်းမှန်မှန်ကြွေးပေးပြီးထုံးဒတ္ထာဆေးမကြာခဏဖျန်းပေးရမယ်
စပါးရွှေ့စိုက်တာရက်၂၀ရှိပြီအပင်မတက်ပဲအခုလိုပုံထဲကအတိုင်းဖြစ်နေလို့ဘယ်လုပ်ရင်အကောင်းဆုံးဖြစ်နိုင်လဲ
အမြစ်နာတာ ဒါမဟုတ် ပြောင်းရွေ့ဒဏ်ကြောင့် အထနှေးတာမျိုး ဖြစ်လေ့ရှိပါတယ်။ စပါးခင်းရဲ့ ရေကို ခပ်ပါးပါးပဲ ထားပေးပါ။ အပင်အထမြန်စေရန်အတွက် ငါးအမိုင်နိုအက်စစ်လိုမျိုး ဖြန်းပေးပါ။
မတ်ပဲပဲတီစိမ်းနဲ့ပဲပုတ်ပြန်စိုက်မှာပါခင်ဗျအထွတ်တိုးအောင်ဘာတွေလုပ်ဆောင်သင့်လည်းဗျ
ဒီလိုချိန် ဆောင်းရာသီမှာ ပဲပုတ်ကိုစနစ်တကျ အထွက်နှုန်းတိုးရေး စိုက်ပျိုးနည်းလမ်းလေး မျှဝေပေးပါခဗျာ plz...
ပဲပုပ်(Soybean) စိုက်ပျိုးနည်း <br> ပဲပုပ်အား အင်္ဂလိပ် ဘာသာအားဖြင့် “Soybean” သို့ “Soya bean” ဟုခေါ်သည်။ သိပ္ပံ အမည်မှာ Glycine max (L) Merrဖြစ်သည်။ “Soy” နှင့် “Soya”သည် ဂျပန် အသံထွက် shōyuမှ ဆင်းသက်လာသည်။ ပဲမျိုးနွယ်ဝင် အပင်ဖြစ်ပြီး မူရင်းပေါက်ရောက်ရာ ဒေသသည် အရှေ့အာရှ (တရုတ်၊ ဂျပန်၊ ကိုးရီးယား) ဟု ညွှန်းဆိုထားသည်။ ကမ္ဘာတွင် စိုက်ပျိုးထုတ်လုပ်မှု အများဆုံးနိုင်ငံမှာ အမေရိကန်၊ ဘရာဇီးနှင့် အာဂျင်တီးနား နိုင်ငံ တို့ဖြစ်သည်။ ကမ္ဘာ့ ပဲပုပ် အထွက်နှုန်းကောင်းသော နိုင်ငံမှာ အိမ်နီးချင်း ထိုင်းနိုင်ငံပင်ဖြစ်သည်။<br> ပဲပုပ်အား စားသောက်မှု ပုံစံ အမျိုးမျိုးဖြင့် ထုတ်လုပ် သုံးစွဲကြသည်။ ပဲပုပ်သည် အသားဓာတ် ကြွယ်ဝသည်။ ပဲပုပ်မှ ရရှိသော ဆီကို ချက်ပြုတ်ရန်အတွက် သုံးနိုင်သည်။ဟင်းသီးဟင်းရွက်ဆီ ထုတ်လုပ်ရာတွင် အရေးပါသောကြောင့် ကုလသမဂ္ဂ အစားအစာနှင့် စိုက်ပျိုးရေး အဖွဲ့ကပင် ပဲအစား ဆီထွက်သီးနှံ အဖြစ် သတ်မှတ်ထားသည်။ လယ်မြေပေါ်တွင် စပါးရိတ်သိမ်းပြီးနောက် ပဲပုပ်သီးနှံကို လက်ကျန် အစိုဓာတ်ဖြင့် အလွယ်တကူ စိုက်ပျိုးနိုင်ပါသည်။ ပဲပင်၏ အမြစ်များသည် လေထဲမှ နိုက်ထရိုဂျင်ကို ဖမ်းယူနိုင်သည်။ ဤထဲမှ အချို့သည် မြေဆီလွှာတွင် ကျန်ရစ်သည်။ ပဲပုပ်ကို စပါးနှင့် အလှည့်ကျ စိုက်ပျိုးခြင်းဖြင့် ပိုးမွှား ရောဂါ ကျရောက်ခြင်းကို သီးနှံ နှစ်မျိုးလုံးတွင် လျော့နည်းစေသည်။<br> (၁) ရာသီဥတုလိုအပ်ချက်<br> ပဲပုပ်သည်နွေးပြီး စွတ်စိုသော ရာသီဥတုကို နှစ်သက်သည်။ ၂၆နှင့်၃၂ ဒီဂရီ စင်တီဂရိတ်သည် အပင်ဖြစ်ထွန်းမှု အကောင်းဆုံးဖြစ်ပြီး ၂၀ ဒီဂရီ စင်တီဂရိတ်အောက်နှင့် ၄၀ ဒီဂရီ စင်တီဂရိတ် အထက် အပူချိန်များသည် အပင်ဖြစ်ထွန်းမှုကို အဟန့်အတား ဖြစ်စေသည်။ မြေကြီး အပူချိန်သည် ၁၆ ဒီဂရီ စင်တီဂရိတ်တွင် အညှောင့်ပေါက်ရန် အကောင်းဆုံးဖြစ်ပြီး သန်စွမ်းသော အပင်ပေါက်များဖြစ်စေသည်။ မိုးရေချိန် ၂၄ လက်မနှင့် ၆၀လက်မ အတွင်း ကောင်းစွာ ဖြစ်ထွန်းသည်။<br> (၂) မြေအမျိုးအစားနှင့်မြေပြုပြင်ခြင်း<br> မြေအမျိုးမျိုးတွင် စိုက်ပျိုးနိုင်ပြီးမြေဆွေး ပါဝင်မှုများသော၊ ဖွယ်သော မြေများတွင် ပိုမို ဖြစ်ထွန်းသည်။ မြေချဉ်ငံ ကိန်းအားဖြင့် ၅.၅ နှင့် ၇.၅ အကြား ဖြစ်သည်။ မြေချဉ်ငံကိန်းသည် ၆-၇ ကြားရှိပါက အကောင်းဆုံး ဖြစ်သည်။ မြေချဉ်ငံကိန်း ၇.၅ ထက်များသောမြေများတွင် အပင် အညှောင့်ပေါက်ခြင်း ညံ့ဖျင်းမည် ဖြစ်သည်။ မြေချဉ်ငံကိန်း ၅.၅ ထက်နည်းပါက စိုက်ခင်းအား ထုံး (မဖောက်ထုံး) ထည့်ပေးရန် လိုအပ်ပါသည်။ ရေဝပ်သောမြေများသည် အပင်ကို ဒုက္ခပေးတတ်သောကြောင့် ရေဆင်းကောင်းအောင် သေချာဆောင်ရွက်ပေးရမည်။ မြေပြင်ချိန်တွင် နွားချေး(သို့) သဘာဝမြေဆွေးများအား ၁ဧကတွင် လှည်း (၁၀)စီးနှုန်း ထည့်သွင်းပေးပါ။ မြေခံ အနေဖြင့် ယူရီးယား ၇ ပိဿာ (သို့) (၁၂)ကီလို၊ တီစူပါ (၁၅- ၂၃) ပိဿ (သို့) (၂၅-၃၈)ကီလို၊ ပိုတက်(၁၅) ပိဿ (သို့) (၂၅)ကီလို ထည့်သွင်းပါ။<br> (၃) စိုက်ပျိုးခြင်း<br> ဒေသနှင့်ကိုက်ညီသော အထွက်နှုန်းကောင်းသော မျိုးများကို အသုံးပြုပါ။ အပင်ပေါက် ၈၅ ရာခိုင်နှုန်းအထက်ရှိသော မျိုးများကို အသုံးပြုပါ။ အခြားပဲမျိုးများ ကဲ့သို့ပင် (၁)ဧကစာ မျိုးစေ့ (၁)တင်းအား ရိုင်ဇိုဘီယမ် (ရိုင်ဇိုဘီယမ်ဂျာပွန်နီကန်) နှင့် မစိုက်ပျိုးမီ လူးနယ်ပေးရမည်။ ရိုင်ဇိုဘီယမ် လူးနယ်ထားသော မျိုးများကို အရိပ်အောက်တွင် အခြောက်ခံပါ။ ထို့နောက် ၂၄နာရီ (၁ရက်) အတွင်း စိုက်ပျိုးပါ။ ပဲပုပ်အား ပင်ကြား၄လက်မနှင့် တန်းကြား၇လက်မ(သို့) ၁၅လက်မ(သို့) လက်မ၃၀ထားကာ စိုက်ပျိုးကြသည်။ တန်းကြားအား ၇လက်မ (သို့) ၁၅ လက်မထားပြီး စိုက်ပျိုး ထုတ်လုပ်မှုတွင် အထွက်နှုန်း သိသာစွာ ကွာခြားခြင်း မရှိဟု သိရသည်။ အစေ့ အရွယ်အစား၊ စိုက်ချိန်၊ စိုက်ပျိုးသည့်စနစ်၊ အပင်ပေါက်နှုန်းပေါ် မူတည်၍ မျိုးနှုန်းထားကွာခြားနိုင်သည်။ ပုံမှန် အားဖြင့် (၁)ဧကစာ အတွက် မျိုးစေ့ (၁၂)ပြည်မှ (၁၆) ပြည်ထိ အသုံးပြုကြပါသည်။ မျိုးစေ့များကိုမြေအတွင်း (၁)လက်မနှင့် (၃)လက်မကြားတွင် ချစိုက်ပါ။ (၃)လက်မ ထက် နက်ပါက အပင်ပေါက် မကောင်းနိုင်ပါ။ ပဲပုပ်အား သက်တမ်းအလိုက် သက်လျင်မျိုး ၇၅ရက်မှ ၈၄ရက်၊ သက်လတ်မျိုး ၈၅ရက်-၉၄ရက်၊ သက်ကြီးမျိုး ၉၅ရက် အထက်ဟူ၍ သတ်မှတ်ထားသည်။ ရေဆင်း ၅၊ ရေဆင်း ၆ နှင့် ရေဆင်း ၁၁ မျိုးများကို ဒေသအနှံ့အပြားတွင် စိုက်ပျိုးလျက်ရှိပါသည်။<br> ပဲပုပ်တွင် ရွက်ဖျန်းမြေသြဇာ ဖျန်းပေးပါက အထွက်နှုန်း ၁၅-၂၀ ရာခိုင်နှုန်းထိ တိုးထွက်ပါသည်။ ရွက်ဖျန်းမြေသြဇာရည်တွင် တီစူပါနှင့် ပိုတက် (P &K)ပါဝင်မှုများသော အမျိုးအစားကို အသုံးပြုသင့်ပြီး ပန်းဖြိုင်ဖြိုင်ပွင့်သည့် အချိန်ထိ ၁၅ ရက်ခြား တစ်ကြိမ်ဖျန်းပေးပါ။ အဘယ်ကြောင့်ဆိုသော် ပဲပုပ်သည် ထိုမြေသြဇာ နှစ်မျိုးကို ကောင်းစွာ တုန့်ပြန်ပြီး အထွက်နှုန်းအား တိုးစေသည်။ ထို့အပြင် ရွက်ဖျန်းမြေသြဇာ အစား ယူရီးယားနှင့် လက်ချား(ဘိုရွန်)ဖျော်ရည်ကို ပန်းဖြိုင်ဖြိုင်ပွင့်ချိန်တွင် တစ်ကြိမ်တည်း အညွှန်းပါအတိုင်း (ယူရီးယား ၄ဇွန်းခွဲနှင့် လက်ချား ၁ဇွန်းအား ရေတစ်ဂါလံနှင့်ဖျော်ပါ) အသုံးပြုပါက ကုန်ကျစရိတ် သက်သာစေရုံသာမက အထွက်နှုန်းကိုလည်း ၂၀ မှ၄၀ ထိတိုးစေနိုင်ပါသည်။<br> (၄) ရေသွင်းခြင်း<br> ပဲပုပ်သည် ပုံမှန်အားဖြင့် သီးနှံသက်တမ်း ကာလတလျှောက်တွင် ရေအနည်းဆုံး ၁၆လက်မမှ ၂၂လက်မ လိုအပ်သည်။ အလွန်ခြောက်သွေ့သော အနေအထားများတွင် ရေသွင်းပေးရမည်။ အထူးသဖြင့် အပင်ပေါက်ချိန်၊ အပင် ကြီးထွားချိန်အတောင့် စတင် ဖြစ်ပေါ်ချိန်၊အစေ့ အဆန်တည်သော အချိန်သည် အလွန် အရေးကြီးသည်။ တချို့ဒေသများတွင် သီးနှံ သက်တမ်း တလျှောက် ရေ ၆ ကြိမ်မှ ၇ ကြိမ်ထိ သွင်းပေးရသည်။<br> (၅) ပေါင်းနှိမ်နင်းခြင်း<br> စိုက်ပျိုးပြီး သက်တမ်း (၄၅)ရက်ရသည် ထိပေါင်းမြက် ကင်းစင်အောင်ဆောင်ရွက်ပါ။<br> ကျရောက်တက်သောရောဂါများနှင့် ဖျက်ပိုးများ<br> ၁။ပင်စည်ထိုး ယင်ကောင်၊ နှံစုပ် ဂျပိုး၊ သီးလုံးဖောက်ပိုး၊<br> ၂။ပင်ညှိးရောဂါ၊ ခါးရိရောဂါ၊ ရွက်ပြောက်ရောဂါ၊ သံချေးရောဂါ တို့ဖြစ်သည်။<br> (၆) ရိတ်သိမ်းခြင်း<br> ပဲပုပ်များသည် စိုက်ပျိုးသော မျိုးအပေါ် မူတည်၍ စိုက်ပျိုးပြီး ရက်ပေါင်း ၅၀-၁၄၅ အတွင်း ရင့်မှည့်ကြသည်။ အရွက်များ အဝါရောင်ပြောင်းသွားပြီး အချို့မြေသို့ကြွေကျသွားသောအခါ သီးတောင့်သည်လည်း အခြောက် မြန်လာသည်။ ရိတ်သိမ်းချိန်တွင် အစေ့ အစိုဓာတ် ရာခိုင်နှုန်းသည် ၁၅ ရာခိုင်နှုန်းလောက် အနည်းဆုံး ရှိသင့်သည်။ ရိတ်သိမ်းပြီး အပင်များကို တလင်းတွင် ၃-၄ ကြိမ်နေလှမ်းပါ။ မျိုးထားလိုပါက အစိုဓာတ် (၉-၁၀) ရာခိုင်နှုန်း ကြားထားကာ သိမ်းဆည်းနိုင်ပါသည်<br> ကိုခွန် (စိုက်ပျိုးရေး) <br>
အထူးအကြံဉာဏ်ရရှိရန် အမျိုးအစားတစ်ခု ရွေးပါ
မှန်ကန်သော အမျိုးအစားရွေးချယ်ခြင်းက သင့်ကို သင့်လျော်ဆုံး စိုက်ပျိုးရေးပညာရှင်နှင့် ချိတ်ဆက်ပေးပါသည်။
ကြိုဆိုပါသည်
ဆက်လက်အသုံးပြုရန် ဝင်ရောက်ပါ
