ဘဲမွေးမြူရေးအောင်မြင်စေမည့်နည်းလမ်းကောင်းများနှင့် ပြုစုစောင့်ရှောက်နည်းများ အပိုင်း-၁

ဘဲမွေးမြူထုတ်လုပ်မည့်သူများသည် မိမိထုတ်လုပ်လိုသည့် အသား၊ ဥ တို့ကို စျေးကွက်နှင့် တွက်ချက်ရွေးချယ်၍ မျိုးရွေးချယ်ရပါမည်။

အများအားဖြင့် ဥစားဘဲများဖြစ်သော ကာကီကင်းဘဲ၊ အိန္ဒိယပြေးဘဲ၊ ဓာတ်ဘဲများ(ပြည်တွင်းမျိုး)၊ ဥစားဘဲများကို မွေးမြူကြပါသည်။ အဆိုပါ ဥစားဘဲမျိုးများသည် ဥနှုန်း ၇၀၊ ၈၀ ရာခိုင်နှုန်းအထိ ဥ ဥကြပြီး အသား ၁ ပိဿာမှ ၁ ပိဿာခွဲအထိ ရှိကြပါသည်။

အသားစားဘဲ မွေးမြူရန် ပီကင်းဘဲ၊ ချယ်ရီဘယ်ရီဘဲနှင့် မန်ဒါလီဘဲမျိုးများကို မွေးမြူရပြီး အသား ၂ ပိဿာခွဲအထိ ရှိကြပါသည်။

စီးပွားဖြစ် ဘဲမွေးမြူဖို့ မြေနေရာရွေးချယ်ခြင်းနှင့် ခြံအဆောက်အအုံ ရွေးချယ်ရာတွင် -

သဲဆန်သောမြေနေရာဖြစ်ပါက ပို၍သင့်လျော်ပါသည်။
ဆင်ခြေလျှောကုန်းမြင့်များရှိသောနေရာဖြစ်ပြီး ရေကန်၊ ချောင်းနှင့် လွှတ်ကျောင်းနိုင်သော မြက်ခင်းရှိလျှင် ပိုကောင်းပါသည်။
စီးဆင်းသောရေရှင်ဖြစ်လျှင် ပိုမိုကောင်းမွန်သည်။
မြစ်ချောင်းနံဘေးတွင် ရွေးချယ်ပါက အနက် ၂ ပေ၊ အနံ ၉ ပေခန့်ရှိရန် လိုအပ်ပါသည်။

ကန်အကျယ်အဝန်း

သဘာဝရေကန်၊ ချောင်းမရှိပါက ဘဲအကောင် ၂၀၀ ခန့်အတွက် ၁၀ ပေပတ်လည်နှင့် အနက် ၁.၅ ပေတူးပြီး ရေကန်၏နှုတ်ခမ်းများကို ဆင်ခြေလျှော ပြုလုပ်ပေးရပါမည်။
ရေကို ၂ ရက်၁ ကြိမ် လဲလှယ်ပေးရန် လိုအပ်ပါသည်။

ခြံအဆောက်အဦနှင့် အရွယ်အစား

ဘဲများ ညအခါအိပ်ရန်နှင့် မိုးရွာသွန်းမှုများသောအခါ ခိုနားနိုင်ရန်နှင့် နေပူလွန်းလျှင် နားခိုနိုင်ရန် အဆောက်အအုံ ပြုလုပ်ပေးရပါမည်။
ဘဲခြံကို အလင်းရောင်ရရန်နှင့် လေဝင်လေထွက်ကောင်းရန် စီမံပေးရပါမည်။
အောက်ခံအခင်းကို စပါးခွံ၊ ကောက်ရိုး ၊သဲ စသည်တို့ ခင်းပေးပြီး စွတ်စိုမှုရှိလျှင် လဲပေးရပါမည်။

ဘဲခြံအရွယ်အစားမှာ-

ဘဲငယ် ၁ ကောင်အတွက် - ၀.၅ စတုရန်းပေနှုန်း
ဘဲလတ် ၁ ကောင်အတွက်- ၂.၅ စတုရန်းပေနှုန်း
ဘဲကြီး ၁ ကောင်အတွက် - ၃ စတုရန်းပေနှုန်း ရှိသင့်ပါသည်။

ဥစားဘဲငယ်များကို ပြုစုစောင့်ရှောက်ခြင်း

ဥစားဘဲငယ်များကို အနွေးပေးရာတွင် ရာသီဥတုပေါ်မူတည် ပြီး ၂ ပတ်မှ ၃ ပတ်အထိ ကြာမြင့်နိုင်ပါသည်။
ပထမပတ်တွင် အပူချိန် ၂၉ ဒီဂရီစင်တီဂရိတ်မှ ၃၂ ဒီဂရီစင်တီဂရိတ်အတွင်းရှိအောင် ဆောင်ရွက်ပေးရပါမည်။
၁ ပတ်လျှင် ၃ ဒီဂရီစင်တီဂရိတ်အထိ အပူချိန်လျှော့ချနိုင်ပြီး မီးလွတ်ချိန်ရောက်သည်အထိ လျှော့ချပေးရပါမည်။
ရာသီဥတုပေါ်မူတည်၍ ၂ ပတ်သားအထက်တွင် ရေချပေးနိုင်ပါသည်။
ခြံအကျယ်အဝန်းကို ဥစားဘဲငယ်တစ်ကောင်အတွက် ၁ စတုရန်းပေ လိုအပ်ပါသည်။

ဥစားဘဲလတ်များကို ပြုစုစောင့်ရှောက်ခြင်း

ဥစားဘဲလတ်များ (၄ ပတ် မှ ၁၆ ပတ်အထိ) ပြုစုစောင့်ရှောက်ရာ၌ ခြံလှောင်မွေးမြူမည်ဆိုပါက ၁ ကောင်လျှင် ၃ စတုရန်းပေ လိုအပ်ပြီး ခြံလှောင်လွှတ်ကျောင်းစနစ်ဆိုပါက ၂.၅ စတုရန်းပေ လိုအပ်ပါသည်။
လွှတ်ကွင်းစနစ် မွေးမြူမည်ဆိုပါက ၁ ဧကလျှင် ဘဲလတ် ၁၀၀၀ ကောင် မွေးမြူနိုင်ပါသည်။
ဘဲအသက် ၄ ပတ်မှ ၁၆ ပတ်သားအထိ ဥစားဘဲလတ်စာ ကျွေးရပါမည်။
ဘဲလတ်ကာလတွင် ညဘက်အလင်းရောင်ပေးရန် မလိုဘဲ နေ့ဘက်တွင် အလင်းရောင် ကောင်းစွာပေးရပါမည်။

ဥစားဘဲကြီးများကို ပြုစုစောင့်ရှောက်ခြင်း

ဥစားဘဲကြီးများ(၁၆ ပတ်အထက်)ကို ပြုစုစောင့်ရှောက်ရာ၌ ခြံလှောင်စနစ်တွင် ဥစားဘဲကြီး ၁ ကောင်လျှင် ၄ စတုရန်းပေမှ ၅ စတုရန်းပေ လိုအပ်ပြီး ခြံနှင့် လွှတ်ကျောင်းတွဲဖက်မွေးမြူသည့်စနစ်အတွက် ၃ စတုရန်းပေနှုန်း ထားရှိပေးရပါမည်။
ဘဲများ ဥစတင်စမ်းသည့်အချိန်မှ စတင်၍ ဥစားဘဲကြီးစာကို ပြောင်းလဲကျွေးရပါမည်။
များသောအားဖြင့် ဥစားဘဲများသည် အသက် ၁၆ ပတ်မှ ၁၇ ပတ်တွင် ဥစတင်စမ်းလေ့ ရှိကြပါသည်။
ဥစတင်စမ်းသည့်အချိန်မှ စတင်၍ ၁ ပတ်လျှင် ၁ နာရီနှုန်း ညဘက်အလင်းရောင် တိုးပေးရပါမည်။
အမြင့်ဆုံးအလင်းပေးချိန် ၁၆ နာရီမှ ၁၇ နာရီ ရရှိရန် လိုအပ်ပါသည်။
အလင်းပေးစနစ်သည် ဘဲဥထုတ်လုပ်မှုအတွက် များစွာ အရေးပါသောကြောင့် အထူးဂရုစိုက်ရန် လိုအပ်ပါသည်။
ဘဲမွေးမြူရေးအတွက် အစာပုံစံများ ပြုလုပ်ရာတွင် ဆန်ကွဲ၊ ဖွဲနုနှင့် ဖွဲကြမ်း၊ ပုစွန်ဖွဲ ၊ခရုမှုန့်၊ ပြောင်းစသည်တို့ကို အသက်အရွယ်အလိုက် ပိုင်းခြားကျွေးရပါမည်။

(အပိုင်း-၂ ကို ဆက်လက်ဖော်ပြပေးပါမည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...