ယခုလအတွင်း ပြည်တွင်းနှင့် အနီးဝန်းကျင် ငလျင်လှုပ်မှု ၁၃ ကြိမ်ထိရှိလာ

07/07/2022 12:52 PM တွင် အစိမ်းရောင်လမ်း အစိမ်းရောင်လမ်း မှ ရေးသား

ဒီနေ့ ဇူလိုင် ၇ ရက် မနက်ပိုင်းမှာတင် ပြည်တွင်းငလျင်နှစ်ခုထပ်လှုပ်ခဲ့ပြီး ယခုလအတွင်း ၇ ရက်မပြည့်ခင်မှာတင် ပြည်တွင်းနဲ့ အနီးဝန်းကျင် ငလျင်လှုပ်မှု ၁၃ ကြိမ်အထိရှိလာပြီဖြစ်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ ငလျင်သတင်းထုတ်ပြန်ချက်တွေအရ သိရပါတယ်။

မြန်မာနိုင်ငံပြည်တွင်းကိုဗဟိုပြုပြီး ၈ ကြိမ်၊ မြန်မာနိုင်ငံနဲ့အနီး ပြည်ပနေရာတွေမှာ လှုပ်ရှားမှု ၅ ကြိမ် အင်အားအနည်းငယ်ရှိငလျင်တွေ စုစုပေါင်း ၁၃ ကြိမ်ထိ လှုပ်ခဲ့တာဖြစ်ပါတယ်။

အခုနောက်ဆုံး ၃ ရက်အတွင်းမှာတင် ငလျင်လှုပ်မှု ၇ ကြိမ်ထိ ရှိထားပြီး ပြည်တွင်း ငလျင် ၅ ကြိမ်နဲ့ ပြည်ပငလျင် ၂ ကြိမ်ဖြစ်ပါတယ်။

ဇူလိုင်လ ၁ ရက်မှ ဇူလိုင် ၇ ရက် လက်ရှိအချိန်ထိ လှုပ်ခဲ့သောငလျင်များ..

ငလျင် ၁ - ဇူလိုင်လ (၁)ရက်နေ့၊ မြန်မာစံတော်ချိန် (၁၇)နာရီ၊ (၄၃)မိနစ်၊ (၄၇)စက္ကန့် အချိန်တွင် မြန်မာနိုင်ငံပြည်တွင်း (ကျိုင်းတုံမြို့၏ အရှေ့-အရှေ့တောင်ဘက် (၉)မိုင်ခန့်အကွာ) ဗဟိုပြု၍ အင်အား ရစ်(ခ်)တာစကေး (၃.၈)အဆင့်ရှိ အင်အားအနည်းငယ်ရှိသော မြေငလျင်

ငလျင် ၂ - ဇူလိုင်လ (၂) ရက်နေ့၊ မြန်မာစံတော်ချိန် (၂၁)နာရီ၊ (၃၁)မိနစ်၊ (၃၇)စက္ကန့် အချိန်တွင် မြန်မာနိုင်ငံပြည်တွင်း (မိုင်းလား မြို့၏ အနောက်မြောက်ဘက် (၁၀)မိုင်ခန့်အကွာ) ဗဟိုပြု၍ အင်အားရစ်(ခ်)တာစကေး (၄.၈) အဆင့်ရှိ အင်အားအနည်းငယ်ရှိသော မြေငလျင်

ငလျင် ၃ - ဇူလိုင်လ (၃) ရက်နေ့၊ မြန်မာစံတော်ချိန် (၀၈)နာရီ၊ (၅၆)မိနစ်၊ (၁၄)စက္ကန့် အချိန်တွင် မြန်မာနိုင်ငံပြည်တွင်း (အောင်လံမြို့၏ အနောက်မြောက်ဘက် မိုင်(၂၀) ခန့်အကွာ)၊ အင်အားရစ်(ခ်)တာစကေး (၄.၈) အဆင့်ရှိ အင်အားအနည်းငယ်ရှိသော မြေငလျင်

ငလျင် ၄ - ဇူလိုင်လ (၄)ရက်နေ့၊ မြန်မာစံတော်ချိန် (၁၅)နာရီ၊ (၀၆)မိနစ်၊ (၂၅) စက္ကန့်အချိန်တွင် မြန်မာနိုင်ငံပြည်ပ (Andaman Islands, India Region) ဗဟိုပြု၍ အင်အား ရစ်(ခ်)တာစကေး (၅.၀) အဆင့်ရှိ အင်အားအသင့်အတင့်ရှိသော မြေငလျင်

ငလျင် ၅ - ဇူလိုင်လ (၄)ရက်နေ့၊ မြန်မာစံတော်ချိန် (၁၆)နာရီ၊ (၂၅)မိနစ်၊ (၁၉) စက္ကန့်အချိန်တွင် မြန်မာနိုင်ငံပြည်ပ (Andaman Islands, India Region) ဗဟိုပြု၍ အင်အား ရစ်(ခ်)တာစကေး (၄.၈) အဆင့်ရှိ အင်အားအနည်းငယ်ရှိသော မြေငလျင်

ငလျင် ၆ - ဇူလိုင်လ (၄)ရက်နေ့၊ မြန်မာစံတော်ချိန် (၁၈)နာရီ၊ (၁၈)မိနစ်၊ (၀၈) စက္ကန့်အချိန်တွင် မြန်မာနိုင်ငံပြည်ပ (Andaman Islands, India Region)၊ ဗဟိုပြု၍ အင်အား ရစ်(ခ်)တာစကေး (၄.၈) အဆင့်ရှိ အင်အားအနည်းငယ်ရှိသော မြေငလျင်

ငလျင် ၇ - ဇူလိုင်လ (၅)ရက်နေ့၊ မြန်မာစံတော်ချိန် (၀၀)နာရီ၊ (၀၁)မိနစ်၊ (၃၁) စက္ကန့်အချိန်တွင် မြန်မာနိုင်ငံပြည်ပ (Andaman Islands, India Region)၊ ဗဟိုပြု၍ အင်အားရစ်(ခ်)တာစကေး (၄.၈) အဆင့်ရှိ အင်အားအနည်းငယ်ရှိသော မြေငလျင်

ငလျင် ၈ - ဇူလိုင်လ (၅)ရက်နေ့၊ မြန်မာစံတော်ချိန် (၀၇)နာရီ၊ (၃၉)မိနစ်၊ (၀၃) စက္ကန့်အချိန်တွင် မြန်မာနိုင်ငံပြည်တွင်း (ရန်ကုန်မြို့(လှိုင်မြို့နယ်))၏ အရှေ့မြောက်ဘက် (၁)မိုင် ခန့်အကွာ) ဗဟိုပြု၍ အင်အားရစ်(ခ်)တာစကေး (၃.၀) အဆင့်ရှိ အင်အားအနည်းငယ် ရှိသော မြေငလျင်

ငလျင် ၉ - ဇူလိုင်လ (၅) ရက်နေ့၊ မြန်မာစံတော်ချိန် (၂၂)နာရီ၊ (၅၉)မိနစ်၊ (၅၈)စက္ကန့် အချိန်တွင် မြန်မာနိုင်ငံ ပြည်တွင်း (သရက်မြို့၏ တောင်-အရှေ့တောင်ဘက် မိုင်(၁၁) ခန့်အကွာ) ဗဟိုပြု၍ အင်အားရစ်(ခ်)တာစကေး (၃.၅) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှား

ငလျင် ၁၀ - ဇူလိုင်လ (၆)ရက်နေ့၊ မြန်မာစံတော်ချိန် (၁၄)နာရီ၊ (၃၁)မိနစ်၊ (၁၃)စက္ကန့် အချိန်တွင် မြန်မာနိုင်ငံပြည်ပ (Andaman Islands, India Region)၊ ဗဟိုပြု၍ အင်အား ရစ်(ခ်)တာစကေး (၄.၇)အဆင့်ရှိ အင်အားအနည်းငယ်ရှိသော မြေငလျင်

ငလျင် ၁၁ - ဇူလိုင်လ (၆)ရက်နေ့၊ မြန်မာစံတော်ချိန် (၁၆)နာရီ၊ (၀၁)မိနစ်၊ (၄၀)စက္ကန့် အချိန်တွင် မြန်မာနိုင်ငံပြည်တွင်း (နမ့်စန်မြို့၏ မြောက်ဘက် (၅)မိုင်ခန့်အကွာ)၊ ဗဟိုပြု၍ အင်အား ရစ်(ခ်)တာ စကေး (၃.၇)အဆင့်ရှိ အင်အားအနည်းငယ်ရှိသော မြေငလျင်

ငလျင် ၁၂ - ဇူလိုင်လ (၇)ရက်နေ့၊ မြန်မာစံတော်ချိန် (၆)နာရီ၊ (၅၃)မိနစ်၊ (၄၈)စက္ကန့် အချိန်တွင် မြန်မာနိုင်ငံပြည်တွင်း (လင်းခေးမြို့၏ အနောက်ဘက် (၁၂)မိုင်ခန့်အကွာ)၊ ဗဟိုပြု၍ အင်အား ရစ်(ခ်)တာ စကေး (၃.၇)အဆင့်ရှိ အင်အားအနည်းငယ်ရှိသော မြေငလျင်

ငလျင် ၁၃ - ဇူလိုင်လ (၇)ရက်နေ့၊ မြန်မာစံတော်ချိန် (၁၁)နာရီ၊ (၂၈)မိနစ်၊ (၂၉) စက္ကန့်အချိန်တွင် ‌မြန်မာနိုင်ငံပြည်တွင်း (နမ့်စန်မြို့၏ အ‌ရှေ့-အရှေ့မြောက်ဘက် (၆)မိုင် ခန့်အကွာ) ဗဟိုပြု၍ အင်အားရစ်(ခ်)တာစကေး (၄.၂) အဆင့်ရှိ အင်အားအနည်းငယ်ရှိသော မြေငလျင်

Photo Crd- မိုး/ဇလ

ငလျင်အပါအဝင် သဘာဝဘေးအန္တရာယ်တွေနဲ့ပတ်သက်လို့ စိုးရိမ်စိတ်မလွန်ကဲကြဖို့အကြောင်းကိုတော့ အောက်ကလင့်မှာ ဝင်ရောက်ဖတ်နိုင်ပါတယ်။
https://bit.ly/3alUjKU
🙅‍♂️ စိုးရိမ်စိတ်/ကြောက်စိတ်လွန်ကဲလို့လည်း မရပါ။
🙅ကြောက်စရာမလိုဘူးဆိုပြီး အတင့်ရဲလို့လည်း မရပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


East West Seed Myanmar ကြော်ငြာ

စိုက်ပျိုးထုတ်လုပ်သူ တောင်သူဦးကြီးများခင်ဗျာ...မိမိတို့စိုက်ပျိုးထုတ်လုပ်လိုက်တဲ့ သီးနှံက အရည်အသွေးပြည့်ဝပြီး စျေးကွက်မှာမျက်နှာလှဖို့ ဆိုရင် အဓိက အရေးကြီးတဲ့ မျိုး မှန်ကန်ဖို့လိုအပ်ပါတယ်...ဦးကြီးတို့ စိုက်ပျိုးမယ်ဆို ကျနော်တို့က မျိုး မှန်ကန်မှုကို တာဝန်ယူပါတယ်...East-West Seed (မြားနီ မျိုးစေ့)ဆိုတာ အရည်အသွေးပြည့်ဝတဲ့ မျိုးစေ့များကို သုတေသနပြု စမ်းသပ်ပြီးမှ ထုတ်လုပ်ရောင်းချနေသော ကုမ္ပဏီတစ်ခုဖြစ်ပါတယ်...ဒီတစ်ခါတော့ မြားနီ မျိုးစေ့ အနေနဲ့ အောက်ပါ အရည်အသွေးမြင့်မျိုးစေ့များနဲ့ မိတ်ဆက်ပေးလိုက်ပါတယ် ခင်ဗျာ....
Read more Facebook page သို့သွားရန်

ဆွေးနွေးချက်များ

ဆွေးနွေးရန်