တီထွင်ဆန်းသစ်မှုစိန်ခေါ်ပွဲ

တီထွင်ဆန်းသစ်မှုဆိုတာဘာလဲ

မြန်မာနိုင်ငံ ဒေသအသီးသီးရှိ ကျေးရွာလူထုများအတွက် သဘာဝပတ်ဝန်းကျင် ဆိုင်ရာ ရေရှည်တည်တံ့သောနည်းဖြင့် အသက်မွေးဝမ်းကြောင်းလုပ်ငန်းများ နှင့် ဝင်ငွေဖန်တီးမှု လုပ်ငန်းများ အကောင်အထည်ဖော်ဆောင်ရွက်ရာတွင် အထောက်အကူ ပြုပေးနိုင်သည့် စီးပွားရေးဆိုင်ရာ အကြံဉာဏ် အသစ်များ၊ စိတ်ကူးသစ်များအား ကျေးရွာအခြေပြု စီးပွားရေး လုပ်ငန်းစုများ၊ လူမှုစီးပွားရေး လုပ်ငန်းလုပ်ဆောင်သူများ နှင့် စီးပွားရေး စတင် လုပ်ဆောင်နေသည့် လုပ်ငန်းရှင်များ ထံမှ ပေါ်ထွက်လာစေရန် ရည်ရွယ်၍ ပြုလုပ်ခြင်း ဖြစ်ပါသည်။

အကောင်အထည်ဖော် ဆောင်ရွက်သောလုပ်ငန်းများသည် အောက်ဖော်ပြပါ စိန်ခေါ်မှုများ ကို ကိုင်တွယ်ဖြေရှင်းနိုင်ရမည်။

- သစ် မဟုတ်သော သစ်တောထွက်ကုန်များမှ တန်ဖိုးမြှင့်ထုတ်ကုန်ပစ္စည်းများကို စျေးကွက်ရရှိ‌ရေး ဆောင်ရွက်ခြင်းဖြင့် ရပ်ရွာလူထုများအတွက် ဝင်ငွေတိုး အသက်မွေးဝမ်းကျောင်း အခွင့်အလမ်းကောင်းလာစေခြင်း။

- စျေးကွက်ရရှိပြီး ရေရှည်တည်တံ့သော ဝင်ငွေ ရရှိရေး အတွက် ကျေးရွာလူထုများနှင့် ပုဂ္ဂလိက လုပ်ငန်းရှင်များအကြား ဆက်ဆံရေး ပိုမိုကောင်းမွန်လာစေခြင်း။

- အသေးစား တောင်သူလယ်သမားများအကြား ရေရှည်တည်တံ့မှု မရှိသော ထုတ်လုပ်မှု အလေ့အကျင့်များကို ကိုင်တွယ်ဖြေရှင်းပြီး အစိမ်းရောင်စီးပွားရေးကို အကောင်အထည်ဖော် ဆောင်ရွက်နိုင်စေမည့် ကုန်ကျစရိတ်သက်သာသော ဖြေရှင်းနည်းများကို ဖော်ဆောင်ပေးခြင်း။

ပြိုင်ပွဲယှဉ်ပြိုင်ရန် တင်ပြထားသော တီထွင်ဆန်းသစ်မှုဆိုင်ရာ အကြံဉာဏ်များ အားလုံးသည်

- ကျေးရွာအခြေပြု စီးပွားရေး လုပ်ငန်းစုများ၊ လူမှုစီးပွားရေး လုပ်ငန်းလုပ်ဆောင်သူများနှင့် စီးပွားရေး စတင် လုပ်ဆောင်နေသည့် လုပ်ငန်းရှင်များ သာလျှင် ပေးပို့နိုင်သည်။

- COVID-19 ပြန်လည်ထူထောင်ရေးကို ဦးတည်ပြီး ဌာနေတိုင်းရင်းသားများနှင့် ကျေးရွာ လူထုများ အတွက် ဝင်ငွေတိုးလာစေရန် ဦးတည်ရမည်။

- ဌာနေတိုင်းရင်းသားများနှင့်‌ ကျေးရွာလူထုများအတွက် လုပ်ပိုင်ခွင့် အခွင့်အာဏာများ/ ပူးပေါင်းပါဝင်ခွင့်များနှင့် လွှမ်းမိုးချုပ်ကိုင်ခွင့် ပိုမိုရရှိရန် တွန်းအားပေးနိုင်ရမည်။

- စျေးကွက် လက်လှမ်းမှီမှုနှင့် စျေးကွက် စီးဆင်းမှုကို မြှင့်တင်ပေးနိုင်ရမည်။

- သဘာဝပတ်ဝန်းကျင် ရေရှည်တည်တံ့မှုကိုလည်း ပံ့ပိုးပေးနိုင်ရမည်။ စဉ်ဆက်မပြတ် ဖွံ့ဖြိုးတိုးတက်ရေးပန်းတိုင်များဆီသို့ အရောက်လှမ်းနိုင်ရန် ကူညီနိုင်ရမည်။

- ရေရှည်ခိုင်မာသော စီးပွားရေးအကြံဉာဏ်ဖြစ်ရမည်။

- ဆန်းသစ်တီထွင်မှုဖြစ်ရမည်။

ဘာကြောင့်လျှောက်ထားသင့်သလဲ

- ရံပုံငွေရရှိမည့် အခွင့်အလမ်း - မိမိတို့၏ စိတ်ကူးအကြံဉာဏ်များကို အကောင်အထည်ဖော်ရန် ငွေကြေး ထောက်ပံ့မှုကို ရယူနိုင်မည်။

- နည်းပြများထံမှသင်တန်းရရှိမည် - ဒီဇိုင်းတွေးခေါ်မှုနှင့် စီးပွားရေးနှင့် စွန့်ဦးတီထွင်မှုကဲ့သို့သော ကျွမ်းကျင်သူများနှင့် ဆန်းသစ်တီထွင်မှုနှင့်ဆက်နွယ်သည့် နည်းပညာများနှင့်အတူ နည်းပြ သင်တန်းများမှ အကျိုးကျေးဇူးများရရှိမည်။

- အကူအညီရယူနိုင်သည် - WWF-မြန်မာ လုပ်ဖော်ကိုင်ဖက်များထံမှ လမ်းညွှန်မှု ရယူနိုင်မည်။

- ပြိုင်ပွဲတွင် အနိုင်ရရှိသူများအား ဆန်းသစ်တီထွင်မှုကို အထောက်အကူပြု ပံ့ပိုးပေးနိုင်သည့် စဉ်းစား တွေးခေါ်နည်းများ (Design Thinking) အတွက် စွမ်းဆောင်ရည် မြှင့်တင်ခြင်း သင်တန်းများကို ပံ့ပိုးပေးမည်ဖြစ် ပြီး ၎င်းတို့၏ စိတ်ကူးအကြံညာဏ်များကိုလည်း နမူနာပုံစံများ ထုတ်လုပ်ခြင်း၊ လက်တွေ့စမ်းသပ် လုပ်ဆောင်ခြင်းနှင့် ရလာဒ်ပေါ် မူတည်၍ အရှိန်အဟုန်မြှင့် ထုတ်လုပ်ခြင်း စသည့် လုပ်ဆောင်ခြင်းများအတွက်ပါ ပံ့ပိုးပေးမည်ဖြစ်ပါသည်။

- ပြိုင်ပွဲတွင် အနိုင်ရရှိသူများသည် သုံးလကြာ လုပ်ငန်း အကောင်အထည်ဖော် ဆောင်ရွက်မည့် အစီအစဉ်တွင် ပါဝင်နိုင်မည် ဖြစ်ပြီး ၎င်းတို့၏ စိတ်ကူးအကြံညာဏ်များကို နမူနာ ပုံစံ စမ်းသပ်လုပ်ဆောင်ရန်အတွက် ဒေါ်လာ ၃၀၀၀ အထိ ဆုကြေးငွေ ပံ့ပိုးမှု ရရှိမည်ဖြစ်သည် (ဆုကြေးငွေပမာဏသည် ရွေးချယ်လိုက်သော စိတ်ကူးအကြံဉာဏ်များအပေါ်တွင် မူတည်လိမ့်မည်)။

အနိုင်ရရှိသူများအားရွေးချယ်စီစစ်ရာတွင်အဆင့် ၂ ဆင့်ရှိသည်။

(၁) ဆန်းသစ်တီထွင်မှုကို အထောက်အကူပြု ပံ့ပိုးပေးနိုင်သည့် စဉ်းစား တွေးခေါ်နည်းများ (Design Thinking Methodology) နှင့် စီးပွားရေး လုပ်ငန်းပုံစံများ ရေးဆွဲခြင်း စသည့် မိမိတို့၏ စိတ်ကူးအကြံဉာဏ်များ ပိုမို ကောင်းမွန်စွာ ဖန်တီးလာနိုင်စေရန် အကူအညီပေးမည့် (၅) ရက်ကြာ သင်တန်းအစီအစဉ်တွင် ပါဝင်ရန်အတွက် စိတ်ပါဝင်စားသူအားလုံးသည် မိမိတို့၏ ကနဦး စိတ်ကူး အကြံဉာဏ်များအား စိတ်ဝင်စားမှု ဖော်ပြပေးသည့် ပုံစံတွင် ရေးသားဖော်ပြပြီး လျှောက်ထားနိုင်ပါသည်။

(၂) အထက်ဖော်ပြပါ သင်တန်း အစီအစဉ် မှတဆင့် ပြိုင်ပွဲဝင်များ၏ စိတ်ကူးအကြံဉာဏ်များကို အနိုင်ရရှိသူကို ရွေးချယ်မည့် အကဲဖြတ်အဖွဲ့ထံ တင်သွင်းမည် ဖြစ်သည်။

အထက်ဖော်ပြပါ သင်တန်း အစီအစဉ်တွင် ပါဝင်သူအားလုံးကို ပြိုင်ပွဲတွင် အနိုင်ရရှိသူအဖြစ် ရွေးချယ်ခံရမည် မဟုတ်သော်လည်း ထိုသင်တန်းအစီအစဉ်တွင် ပါဝင်ခြင်းဖြင့် မိမိတို့၏ စီးပွားလုပ်ငန်းကို အထောက်အကူပြု ပေးနိုင်သည့် စွမ်းဆောင်ရည် တိုးတက်မှုများကို ရရှိမည်ဖြစ်ပါသည်။

ဘယ်သူတွေလျှောက်ထားနိုင်သလဲ

- လျှောက်ထားသူများသည် ကျေးရွာအခြေပြု စီးပွားရေးလုပ်ငန်းများ၊ လူမှုစီးပွားရေးလုပ်ငန်းများသို့မဟုတ် စီးပွားရေး အစပြု တည်ထောင်သော စွန့်ဦးတီထွင်လုပ်ငန်းရှင်များ ဖြစ်ရမည်။

- ကျေးရွာအခြေပြု စီးပွားရေးလုပ်ငန်း - ကျေးရွာလူထု အဖွဲ့ဝင်များ ပိုင်ဆိုင်၍ စီမံခန့်ခွဲသောလုပ်ငန်းဖြစ်သည်။ ပုဂ္ဂလိကလုပ်ငန်းများနှင့် ကွဲပြားသည့် အချက်မှာ ပုဂ္ဂိုလ်တစ်ဦး တယောက်၏ အကျိုးအမြတ်အတွက် မဟုတ်ဘဲ ကျေးရွာလူထု အသိုင်းအဝိုင်း အကျိုးရရှိစေရန် ရည်ရွယ်၍ လုပ်ဆောင်သည့် စီးပွားရေး လုပ်ငန်းပင် ဖြစ်သည်။

- လူမှုစီးပွားရေးလုပ်ငန်း- အမြတ်အစွန်းရရန် ရည်ရွယ်ပြီး လူသား နှင့်/သို့မဟုတ် ပတ်ဝန်းကျင်ဆိုင်ရာ ပြဿနာ များကို တချိန်တည်းတွင် ဖြေရှင်းပေးသည့် လုပ်ငန်းတစ်ခုဖြစ်သည်။

- စီးပွားရေးလုပ်ငန်း စတင် လုပ်ဆောင်နေသည့် လုပ်ငန်းရှင် - ဝယ်လိုအားရှိနေသည်ဟု ယုံကြည်သည့် ကုန်ပစ္စည်း သို့မဟုတ် ဝန်ဆောင်မှုလုပ်ငန်းကို လုပ်ကိုင်ဆောင်ရွက်လိုသည့် လုပ်ငန်းရှင် တစ်ဦး သို့မဟုတ် တစ်ဦးထက်ပိုသော လုပ်ငန်းရှင်များ။

WWF _ မြန်မာ၏ ပြိုင်ပွဲဖိတ်ခေါ်ထားခြင်းကို ပြန်လည်ဖော်ပြပေးခြင်းဖြစ်ပါသည်။

ယခုမေလအတွင်း လျှောက်ထားနိုင်မည်ဖြစ်ပြီး ပြိုင်ပွဲအချိန်ဇယားအပြည့်အစုံနှင့် လျှောက်ထားရမည့်ပုံစံကို အောက်ပါလင့်တွင် သွားရောက်ရယူနိုင်ပါသည်။

https://www.wwf.org.mm/wwf_innovation_challenge_2022/

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...