ပဲမျိုးစုံသာမက ဆန်၊ စပါး ဈေးတွေပါကျဆင်းသွားတဲ့ ရက်သတ္တပတ်

ပြင်ပငွေလဲနှုန်းတွေ ကျဆင်းသွားမှုနဲ့အတူ ပဲမျိုးစုံဈေးတွေ ဆက်ကျနေသလို အရင်တစ်ပတ်တွေက အကျသိပ်မရှိဘဲ ငြိမ်နေခဲ့တဲ့ ဆန်၊ စပါးတွေလည်း ဒီတစ်ပတ်မှာတော့ ဈေးတွေ အကျဘက်ရောက်သွားပါတယ်။

ဆန်၊ စပါး

ဒီတစ်ပတ်မှာတော့ ရန်ကုန်ဈေးကွက်မှာ ဆန်ဈေးတွေ ကျဆင်းသွားသလို စပါးဈေးတွေလည်း အနည်းငယ်ဈေးကျဆင်းပါတယ်။ နယ်အချို့ကနေ မိုးစပါးအသစ်တွေ ဈေးကွက်ထဲ ဝင်လာနေတဲ့အပြင် ငွေကြေးလဲလှယ်နှုန်းဈေးကျဆင်းသွားတဲ့အတွက် ဈေးတွေ ကျဆင်းသွားတာဖြစ်ပါတယ်။ ဆန်အဝင် ကတော့ ဈေးကွက်ထဲ အဝင်ပုံမှန်ရှိပြီး အရောင်းအဝယ်ကတော့ အေးနေတယ်လို့သိရပါတယ်။

မတ်ပဲ

မတ်ပဲကတော့ ဆက်တိုက်ဈေးကျဆင်းနေပါတယ်။ ငွေကြေးဈေးကျဆင်းတဲ့အတွက် ပဲဈေးက ကျဆင်းနေတာ ဖြစ်ပေမယ့် တင်ပို့မှုကတော့ အိန္ဒိယအဝယ်ရှိနေတဲ့အတွက် ပုံမှန်ရှိနေပါတယ်။ ဈေးကျဆင်းနေတာ ဖြစ်လို့ ပြည်တွင်း အရောင်းအဝယ်ကတော့ အေးနေတယ်လို့သိရပါတယ်။

မတ်ပဲကတော့ ပြီးခဲ့တဲ့ တစ်လအတွင်း တစ်တန်ကို ၂ သိန်းနီးပါးထိ ဈေးကျဆင်းခဲ့တာ ဖြစ်ပါတယ်။

ပဲစင်းငုံနီ

ပဲစင်းငုံနီကတော့ ဈေးကျဆင်းပေမယ့် လက်ကျန်လျော့နည်းတဲ့အတွက် ဖြည်းဖြည်းသာဈေးကျဆင်းနေပါတယ်။ ငွေဈေးကြောင့် ကျဆင်းနေတာဖြစ်ပြီး အိန္ဒိယဝယ်လိုအားကြောင့် ဈေးက အများကြီးတော့ မကျဆင်းနိုင်ဘူးလို့ ကုန်သည်များက ခန့်မှန်းထားပါတယ်။

ပဲတီစိမ်း

ပဲတီစိမ်းကတော့ အကျဈေးနဲ့ ဈေးငြိမ်နေပြီး နေ့စဉ်အရောင်းအဝယ်ပေါ်မူတည်ပြီး ဈေးအတက်အကျ အနည်းငယ်သာ အပြောင်းအလဲ ရှိပါတယ်။ ငွေကြေးဈေးကျဆင်းတဲ့အတွက်ကြောင့် ဈေးက ကျဆင်းနေတာ ဖြစ်ပြီး တရုတ်ဝယ်ယူမှုကလည်း နည်းနေတယ်လို့ သိရပါတယ်။

ကြက်သွန်နီ

ကြက်သွန်နီကတော့ကားအဝင်ပေါ်မူတည်ပြီး ဈေးအတက်အကျ ရှိနေပါတယ်။ နေ့စဉ်ရန်ကုန် ဈေးကွက်ကို ပိဿာချိန် ၂ သိန်းနီးပါး ဝင်ရောက်နေတဲ့အတွက် ကြက်သွန်ကုန်သည်တွေကတော့ အဝင်ထိန်းဖို့  လိုမယ်လို့ ဆိုပါတယ်။ ပြည်ပတင်ပို့မှုကလည်း နည်းနေပြီး အသစ်တွေလည်း ဈေးကွက်ထဲ ဝင်နေပါတယ်။

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်