ကျွဲ၊ နွား မျက်ရည်ယို၊ ချောင်းဆိုးရောဂါအတွက် ကုသနည်း

18/01/2022 11:30 AM တွင် ဦးဇော်(dof) ဦးဇော်(dof) မှ ရေးသား

ရာသီဥတုကြောင့် အပူအအေး ရုတ်တရက် ပြောင်းလဲချိန်တွင် ကျွဲ၊ နွားများ၏ အသက်ရှူပြွန်ချောင်း ရောင်တတ်ပါသည်။ ထိုအခါ ကျွဲ၊ နွားများသည် မျက်ရည်များယိုစီးကျသည်အထိ မချိမဆံ့ချောင်းဆိုးကြပါသည်။

ထိုရောဂါကို ပျောက်ကင်းစေသော ဆေးနည်းမှာ-

ရှိန်းခို- ၆ ပဲသား

ပိတ်ချင်းသီး- ၆ ပဲသား

ပရုတ်- ၄ ပဲသား

ဇဝက်သာ- ၁၂ ပဲသား

နွယ်ချို- ၁၂ ပဲသား

၄င်းဆေးအမည် ၅မျိုးကို အမှုန့်ထောင်း၍ ပျားရည်နှင့် ရောပါ။ တေဆေးကို ဆီးကင်းလုံးခန့် နေ့၊ ည တိုက်ပေးပါ။ ကျွဲ၊ နွားများ မချိမဆံ့ ချောင်းဆိုးပြီး မျက်ရည်ကျခြင်းကို အမြန်ဆုံး ပျောက်ကင်းစေပါသည်။

ကျွဲ၊ နွား မျက်စိနာရောဂါအတွက် မျက်စဥ်းဆေး

ကျွဲ၊ နွားများ အပူမိ၍ မျက်လုံးများ နီရဲနေခြင်း၊ မျက်ရည်များ ကျနေလျှင် လူသားများကဲ့သို့ မျက်စိနာနေခြင်း ဖြစ်ပါသည်။ ထိုကဲ့သို့ ဖြစ်ပွားပါက ကုသရန်ဆေးနည်းလေးကို ဖော်ပြပေးပါမည်။ 

ဆေးနည်းမှာ -

၁။ ချင်းလက်တစ်ဆစ်ခန့်ကို ကျောက်ပြင်တွင် ရေနှင့်သွေးပါ။

၂။ ၄င်းချင်းရည်ထဲကို ဆားအနည်းငယ်ထည့်၍ မျက်စိနာနေသော ကျွဲ၊ နွား ကို နေ့ ည မျက်စဥ်းခပ်ပေးပါ။

၃။ ထိုအခါမှာတော့ ကျွဲ၊ နွား သည် မျက်ရည်ပူများကျလာပြီး နှာချေလာပါမည်။

၄။ နှာပွင့်လန်း၍ ကျန်းမာလာမည်။ တမှိုင်မှိုင် ဖြစ်မနေတော့ဘဲ လန်းဆန်းလာပါမည်။

မှီငြမ်း- ဦးဝင်းဇော်(သုံးဆယ်)၏ “ကျွဲ၊နွား မျက်ရည်ယို၊ ချောင်းဆိုးခဲ့သော်” အကြောင်းမှ ကောက်နှုတ် ဖော်ပြပါသည်။ 

 


East West Seed Myanmar ကြော်ငြာ

မြန်မာ့နှစ်ဦးချိန်ခါသမယမှာ တောင်သူဦးကြီးမိတ်ဆွေများနှင့်အတူ မြန်မာပြည်သူပြည်သားအပေါင်း ကျန်းမာချမ်းသာကြပါစေကြောင်း East-West Seed (မြားနီ မျိုးစေ့ ကုမ္ပဏီက. ဆုတောင်းမေတ္တာပို့သ အပ်ပါသည်...တောင်သူဦးကြီးမိတ်ဆွေများ၏အကျိုးကို အစဥ်ရှေးရှုလျှက် မြန်မာ့ရေ မြေ ရာသီဥတု နှင့် ကိုက်ညီမှု အထွက်နှုန်းကောင်းမွန်မှု သီးနှံအရည်အသွေးကောင်းမွန်မှု ပိုးမွှားရောဂါ ဒဏ်ခံနိုင်ရည်ရှိမှု စသည့်အချက်များကို သုတေသနပြု စမ်းသပ်ပြီး အောက်ဖော်ပြပါ အရည်အသွေးမြင့်မျိုးများကို မိတ်ဆက်ပေးလိုက်ရပါတယ် ခင်ဗျာ.........
Read more East West Seed Myanmar Facebook page သို့သွားရန်

ဆွေးနွေးချက်များ

ဆွေးနွေးရန်