တစ်ပတ်စာ ဈေးကွက်သုံးသပ်ချက်

ပဲတီစိမ်းက စျေးတန်းအေးပြီး မတ်ပဲနဲ့ ပဲစဥ်းငုံကတော့ စျေးထပ်ကျပါတယ်။ ကြက်သွန်နီစျေးကျနေဆဲပါ ။

ပဲတီစိမ်း

ယခုအပတ်မှာတော့ ပဲတီစိမ်းခရမ်းရွှေဝါနဲ့ ပဲတီစိမ်း ပဲခူးရွှေဝါက စျေးတန်းငြိမ်ပြီး ပဲတီစိမ်း အညာကတော့ စျေးပြန်ကျပါတယ်။ ပဲတီစိမ်း ဝါးခယ်မကတော့ စျေးထပ်တက်လာပါတယ်။

ယခုတစ်ပတ် ရန်ကုန်ဘုရင့်နောင်ဈေးကွက်မှာ ပဲတီစိမ်းခရမ်းရွှေဝါနဲ့ ပဲတီစိမ်းနဲ့ ပဲခူးရွှေဝါက တစ်ပိဿာကို ၇၁၆၅ ကျပ်နဲ့ ငြိမ်နေတာပါ။

ပဲတီစိမ်း အညာကတော့ အရင်တပတ်က တစ်ပိဿာကို ၆၆၆၅ ကျပ်မှ ၆၈၅၀ ကျပ်ရှိပြီး ယခုတစ်ပတ်မှာ ၆၅၀၀ မှ ၆၅၂၀ ကျပ်စျေးတန်း သာရှိတာကြောင့် ၁၆၅ ကျပ်မှ ၃၃၀ ကျပ်စျေးကျလာတာဖြစ်ပါတယ်။ ပဲတီစိမ်း ဝါးခယ်မကတော့ ၆၁၆၅ မှ ၆၁၈၅ ကျပ် တစ်ပိဿာကို ၁၆၅ ကျပ်တက်လာပါတယ်။

ကြက်သွန်နီ

ကြက်သွန်နီကတော့ စျေးတန်းအကျဘက်မှာပဲ ဆက်ရှိနေပါသေးတယ်။ မိုးရွာသွန်းမှုများနေတဲ့အတွက် ကုန်သည်တွေက ကြက်သွန်အဝယ်အေးနေပေမယ့် တောင်သူတွေကလည်း ရောင်းချလိုသူများနေတာကြောင့်စျေးတန်းအေးနေတာဖြစ်တယ်လို့သိရပါတယ်။

ရန်ကုန်ဘုရင့်နောင်စျေးကွက်မှာ ပခုက္ကူကြက်သွန်က ၁၀၀၀ မှ ၁၃၀၀ ကျပ်သာရှိပြီး ၊ ဆိပ်ဖြူကြက်သွန်က ၇၀၀ မှ ၁၆၀၀ ကျပ် ၊ မြင်းခြံ ကြက်သွန်က တစ်ပိဿာကို ၇၀၀ မှ ၁၁၀၀ ကျပ်သာ စျေးတန်းရှိတယ်လို့သိရပါတယ်။

မတ်ပဲ

မတ်ပဲကတော့ ခုတစ်ပတ်မှာလည်း စျေးတန်းထပ်ကျလာပါတယ်။ စျေးတန်းဆက်ကျတာ သုံးပတ်ဆက်တိုက်ရှိပါပြီ။

နယ်စျေးကွက်မှာလည်း မတ်ပဲ ပိဿာ ၂၀ တစ်တင်းကို ၉၆၀၀၀ ဝန်းကျင်နဲ့ ၁၅၀၀ ကျပ်လောက် ကျလာပါတယ်။ မတ်ပဲစျေးကွက် က အိန္ဒိယရဲ့ ဝယ်လိုအားပေါ်လိုက်ပြီး စျေးအတက်အကျ ဖြစ်ပေါ်တာဖြစ်ပါတယ်။

မတ်ပဲကို အဓိကဝယ်ယူတဲ့ အိန္ဒိယနိုင်ငံမှာ မတ်ပဲစျေးကွက် အေးနေတာကြောင့် မြန်မာမှာပါ မတ်ပဲစျေးက အတက်ကို မရောက်နိုင်ဘဲ ကျရိပ်ဆက်တိုက်ပြလာတာဖြစ်ပါတယ်။

ရန်ကုန်ဘုရင့်နောင်ဈေးကွက်မှာ တနင်္လာကနေ သောကြာနေ့အတွင်း မတ်ပဲ FAQ တစ်တန်ကို ၂၉၉၅၀၀၀ မှ ၃၀၂၀၀၀၀ ကျပ်အတွင်းစျေးတန်းသာရှိခဲ့ပါတယ်။

အရင်အပတ်မှာတော့ တနင်္လာကနေ သောကြာနေ့အတွင်း မတ်ပဲ FAQ တစ်တန်ကို ၃၀၃၅၀၀၀ မှ ၃၀၅၇၀၀၀ ကျပ် ရှိခဲ့တာကြောင့် ခုတစ်ပတ်အတွင်းမှာ တစ်တန်ကိုမှ ၃၀၀၀၀၀ ကျပ်ကျော် လောက် စျေးထပ်ကျပါတယ်။

ပဲစင်းငုံ

ပဲစင်းငုံကလည်း အခုတစ်ပတ်မှာ စျေးတန်းထပ် ကျလာပါတယ်။ တစ်တန်ကိုအများဆုံး ၆၀၀၀၀ လောက်အထိ ထပ်ကျလာတာဖြစ်ပါတယ်။ ပြည်တွင်းစျေးကွက်မှာ ပဲစဥ်းငုံ ဝယ်လိုအားလျော့ကျနေတဲ့အတွက် စျေးလည်းကျဆင်းလာနေတာ ဖြစ်ပါတယ်။

ပဲစင်းငုံနီကလည်း အိန္ဒိယရဲ့ ဝယ်လိုအားအပေါ်လိုက်ပြီး စျေးအတက်အကျရှိတာဖြစ်လို့ အိန္ဒိယက ဝယ်လိုအားနည်းချိန်မှာ စျေးတန်းကအကျဘက်ကို ရောက်နေတာဖြစ်ပါတယ်။

ရန်ကုန်ဘုရင့်နောင်ကုန်စည်ဒိုင်မှာ တနင်္လာကနေ သောကြာနေ့အထိ ဖြစ်ပေါ်ခဲ့တဲ့စျေးကွက်မှာ ပဲစင်းငုံနီတစ်တန်ကို ကျပ်သိန်း ၂၈၂၆၀၀၀ မှ ၂၈၇၃၀၀၀ ကျပ်အတွင်းစျေးတန်းရှိပါတယ်။

အရင်အပတ်တုန်းက တနင်္လာကနေ သောကြာနေ့အထိဖြစ်ပေါ်ခဲ့တဲ့စျေးကွက်မှာ ပဲစင်းငုံနီတစ်တန်ကို ၂၉၀၀၀၀၀ မှ ၂၉၃၇၀၀၀ ကျပ် အတွင်း စျေးတန်းဖြစ်ပေါ်ခဲ့တာကြောင့် အခုတစ်ပတ်မှာ တစ်တန်ကို ကျပ် ၆၀၀၀၀ လောက် စျေး ထပ်ကျလာပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...