အစိမ်းရောင်လမ်းခိုင်းနွားဝယ်ယူရာတွင် မည်သည့်အချက်အလက်များကို ကြည့်၍ ဝယ်ယူရမည်ကို မေးကြသော တောင်သူများအတွက် အစိမ်းရောင်လမ်းကနေပြီးတော့ မဝယ်သင့်တဲ့နွားများကို ဖော်ပြပေးလိုက်ပါသည်။
မျိုးကောင်း၊ မျိုးသန့်ခိုင်းနွားများဝယ်ရာတွင် ရှောင်ကြဉ်သင့်သော အချက်အလက်များမှာ
(၁) နားရွက်သေး၍ ချွန်ခြင်း၊ နားရွက်အမွေးပါခြင်း။
(၂) သွားမစုံလင်လျှင် မဝယ်ရပေ။
(၃) သွားကျဲ၍ သွားရေယိုခြင်း။
(၄) သွားထူခြင်း၊ ပဲ့ခြင်း၊ ပဲ့ကျန်စုံတို့ဆိုသည်မှာ နွားအသက် ခန့်မှန်းခြင်းဖြစ်၍ မိမိတို့၏ခိုင်းဇယားနှင့် ကိုက်ညီ မကိုက်ညီသည်ကို မိမိအသုံးနှင်း စံထိုး ဝယ်ယူသင့်ပါသည်။
(၅) နံတိုခြင်း။
(၆) နံပျော့ပါခြင်း။
(၇) အောက်နှုတ်ခမ်းရှည်၍ အပေါ်နှုတ်ခမ်းရှည်ခြင်း။
(၈) နှုတ်ခမ်းရွဲ့ခြင်း၊ မညီမညာဖြစ်ခြင်း။
(၉) မျက်လုံးသေးမှိန်းခြင်း။
(၁၀) မျက်လုံးတစ်ဖက်နီ၍တဖက်ဖြူခြင်း၊ မျက်ကျားပါခြင်း။
(၁၁) မှန်ဗွေအထက် ဗွေနှစ်လုံး ဆင့်ပါခြင်း။
(၁၂) ချိုတယ်လူး၊ ချိုရှင်၊ ချိုတစ်ဖက်လဲ၊ တစ်ဖက်ထောင်၊ ကြက်တူရွေးချိုစသည်တို့တွေ့ရှိခြင်း။
(၁၃) ချိုးဆွေးမြည့်၍ အဖျားဖွာခြင်း၊ အဖျားကြွေခြင်း။
(၁၄) ချိုလန်ခြင်း။
(၁၅) ကျောကုန်းခွက်ခြင်း၊ ကော့ခြင်း၊ ပြားခြင်း။
(၁၆) လက်ပတ်ကြားတွင်တောက်တဲ့၊ အိမ်မြှောင် လျှပ်ပါခြင်း။
(၁၇) တလားခံ အဖြူအစင်းပါခြင်း။
(၁၈) တလားဖုံး အဖြူအစင်းပါခြင်း။
(၁၉) ပင်လယ်ရေသောက်မျက်နှာဖုံးပါခြင်း။
(၂၀) ပြာပုံတိုး၊ ပြာပုံကွေ့၊ ယင်၊ နွားနီကွမ်းသွေး၊ နွားဝါဖင်ဖြူ၊ နွားဝါဖွဲနုစသည့်အမွေးနှင့် ပတ်သက်၍ အရည်အသွေး ညံ့ဖျင်းမှုများပါရှိနေခြင်း။
(၂၁) ဗွေမမှန်ခြင်း၊ ဗွေမစုံခြင်း၊ ဗွေဆိုးပါခြင်း။
(၂၂) မြပုခက်၊ စာဟိန်း၊ စသည့်အချက်များပါရှိခြင်း။
(၂၃) နို့သီးမစုံခြင်း၊ နှစ်လုံးသာရှိခြင်း၊ နို့သီးဖျားရိုးရိုး အနေအထားအတိုင်းမဟုတ်ဘဲ အထက်သို့လည်းကောင်း၊ ဘေးသို့လည်းကောင်း၊ ကွေးလန်တက်နေခြင်း၊ ကြွက်နို့ကဲ့သို့ နို့သီး မကျစ်နေခြင်း။
(၂၄) ခြေခတ်လက်ခတ်တိုခြင်း၊ ကန်လက်ပါရှိခြင်း။
(၂၅) ခွာမြေတိုက်ခြင်း၊ ဘဲသွားခြင်။
(၂၆) တုတ်ပါရှိသည်ကို ရှေးယခင်က ရှောင်ကြသော်လည်း ယခုအခါခွဲစိတ်ကုသ၍ ပျောက်ကင်းပြီးဖြစ်၍ ရှောင်ရန် မလိုတော့ပါ။
(၂၇) ခွာထဲရှိ ဘီလားရှည်ခြင်း၊ ခွာပန္နက် ပါရှိခြင်း။
(၂၈) မေးစေ့တစ်လုံးတည်းသာ ပါရှိခြင်း။
(၂၉) နွားမစိတ်ပေါက်ခြင်း၊ နွားမရောင်လိုက်နေခြင်း။
(၃၀) အမွေးအရာင်ခြောက်သွေ့၍ ညစ်ထိုင်းနေခြင်း။
ကျောက်ကောင်းမှန်လျှင် အနာမကင်းဟု ဆိုရိုးစကားရှိသည်နှင့် အညီ အပြစ်လွတ်သော နွားကောင်းရရှိစေရန်မှာ လွယ်ကူသောအရာ မဟုတ်ပါ။
ဝက်ဝံတို့မည်သည် အနက်စစ်စစ်မဟုတ်ဟုဆိုရာ၌ ရင်ဘတ်တွင် လခြမ်းသဖွယ် အဖြူမွေးပါရှိရမည်။ နွားရွှေနီတို့တွင်လည်း၊ နွားရွှေနီစစ်ပါက ရင်ဒူးတွင် အဖြူစင်းပါရမည်ဟုဆိုထားရာ ယနေ့ နွားရွှေနီကိုရွေးချယ်ရာတွင် အကောင်တစ်ရာလျှင် တစ်ကောင် တွေ့ခဲလှပါသည်။
သို့သော် အထက်၌ ဖော်ပြခဲ့သည့်အချက်များသည် ခိုင်းနွားကောင်းရွေးချယ်ရာတွင် လူကိုထိခိုက်တတ်ခြင်း၊ ခိုင်းစေရာတွင် မတွင်ကျယ်နိုင်ခြင်းစသည့် အယူအဆကောင်းများဖြစ်ပါ၍ အထူးဂရုပြု ဝယ်ယူသင့်ပါသည်။
မြန်မာ့ကျွဲ၊ မြန်မာ့နွား (အောင်စိုးတိရစ္ဆာန်ဆေးကုဆရာဝန်) စာအုပ်မှ ကောက်နုတ်ဖော်ပြပါသည်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}