နနွင်းရဲ့ဆေးဖက်ဝင်ပုံနဲ့အသုံးပြုပုံ

နနွင်းဟာကျန်းမာရေးအကျိုးကျေးဇူးများစွာရှိတဲ့ ဟင်းခတ်အမွှေးအကြိုင်တစ်ခုဖြစ်ပါတယ်။ ရိုးရာဆေးတစ်လတ်အနေနဲ့နနွင်းကို ဘယ်လိုအသုံးပြုသလဲဆိုတာကိုမျှဝေပေးချင်ပါတယ်။

နနွင်းကိုဘာအတွက်အသုံးပြုကြသလဲ။

နနွင်းကိုမည်သည့်အကြောင်းအရာများအတွက် အသုံးပြုကြပါသလဲ

နနွင်းဟာ နနွင်းပင်ကရရှိတဲ့ဟင်းခတ်အမွှေးအကြိုင်တစ်ခုဖြစ်ပြီး နနွင်းပင်ရဲ့အမြစ်ကိုဆေးအဖြစ် တွင်တွင်ကျယ်ကျယ်အသုံးပြုနေကြတာကိုတွေ့မြင်နိုင်ပါတယ်။ နနွင်းကိုအဆစ်ရောင်ခြင်း၊ ရင်ပူခြင်း၊ အဆစ်ကိုက်ခြင်း၊ အစာအိမ်အောင့်ခြင်း၊ အူလမ်းကြောင်းအနာဖြစ်သည့်ရောဂါ၊ ဝမ်းပျက်ခြင်း၊ လေထိုးလေပွခြင်း၊ အစာစားချင်စိတ်မရှိခြင်း၊ မျက်စိဝါ၊ အသားဝါခြင်း၊ အသည်းရောဂါ၊ အစာအိမ်အနာများ၊ lichenus planus ခေါ်အရေပြားရောဂါတစ်မျိုး၊ ပင်ပန်းနွမ်းနယ်ခြင်း၊ ဓာတ်ရောက်ခြည်ကုထုံးကြောင့်အရေပြားရောင်ရမ်းခြင်းစတဲ့ကျန်းမာရေးပြဿနာအမျိုးမျိုးအတွက်အသုံးပြုကြပါတယ်။

ဒ့ါအပြင်ခေါင်းကိုက်ခြင်း၊ လေပြွန်ရောင်ခြင်း၊ အအေးမိဝေဒနာ၊ အဆုတ်ပိုးဝင်ခြင်း၊ တစ်ကိုယ်လုံးနာကျင်ကိုက်ခဲခြင်း၊ အနာကြီးရောဂါ၊ ဖျားနာခြင်း၊ ဓမ္မတာလာစဉ်ဖြစ်တတ်သည့်ဝေဒနာများ၊ အရေပြားယားယံခြင်း၊ ကင်ဆာရောဂါများ၊ ဆီးအိတ်ရောင်ရမ်းခြင်းနဲ့ကျောက်ကပ်ရောဂါတွေအတွက်လည်း နနွင်းကိုအသုံးပြုနိုင်တယ်လို့သိရပါတယ်။

အစားအသောက်နဲ့ကုန်ထုတ်လုပ်ငန်းတွေမှာ နနွင်းကရတဲ့အဆီကို ရေမွှေးပြုလုပ်ရာမှာထည့်သွင်းအသုံးပြုပြီး နနွင်းပင်ရဲ့သစ်စေးကိုတော့ အစားအသောက်တွေမှာ အနံ့အရသာနဲ့ အရောင်ထွက်ကောင်းမွန်စေဖို့ အသုံးပြုကြတယ်လို့သိရပါတယ်။

နနွင်းကခန္ဓာကိုယ်အတွက်ဘယ်လိုအလုပ်လုပ်သလဲ။

နနွင်းမှာ ရောင်ရမ်းခြင်းကိုလျော့ပါးသက်သာစေတဲ့ curcumin နဲ့အခြားဓာတုပစ္စည်းတွေပါဝင်ပါတယ်။ ဒါကြောင့်နနွင်းဟာရောင်ရမ်းခြင်းကိုဖြစ်ပေါ်စေတဲ့ ရောဂါအမျိုးမျိုးကိုကုသရာမှာ အသုံးဝင်တယ်လို့သိရပါတယ်။ ၎င်းရဲ့အလုပ်လုပ်ပုံနဲ့ပတ်သတ်ပြီး လုံလောက်တဲ့လေ့လာစမ်းသပ်ချက်များ မပြုလုပ်ရသေးပါ။

နနွင်းကဘယ်လောက်စိတ်ချရသလဲ။

နနွင်းဟာအသုံးပြုဖို့စိတ်ချရရဲ့လား။

နနွင်းကိုသောက်ဆေး(သို့) အရေပြားလိမ်းဆေးအဖြစ် ၈လအထိစိတ်ချစွာအသုံးပြုနိုင်တယ်လို့ယူဆထားပါတယ်။

၎င်းကိုဝမ်းနှုတ်ဆေး(သို့) ပလုတ်ကျင်းဆေးရည်အဖြစ် ရေတိုအသုံးပြုမယ်ဆိုရင်လည်း အန္တရာယ်ဖြစ်နိုင်ခြေနည်းပါးပါတယ်။

နနွင်းအသုံးမပြုခင်ဘာတွေသိထားသင့်လဲ

နနွင်းအသုံးမပြုခင်မှာ ဘယ်အချက်အလက်တွေကိုသိထားသင့်သလဲ။

- ကိုယ်ဝန်ဆောင်နေချိန်(သို့) ကလေးနို့တိုက်နေချိန်- အကယ်၍သင်ဟာကိုယ်ဝန်ဆောင်မိခင်(သို့) ကလေးနို့တိုက်နေတဲ့ မိခင်တစ်ဦးဖြစ်နေမယ်ဆိုရင် နနွင်းမစားသုံးမီ ဆရာဝန်နဲ့တိုင်ပင်သင့်ပါတယ်။

- အခြားဆေးဝါးများသောက်သုံးနေချိန်- တိုင်းရင်းဆေး၊ အားဖြည့်ဆေးများအပါအဝင် သင်လက်ရှိသောက်သုံးနေတဲ့ ဆေးအားလုံးကို သင့်ဆရာဝန်သိအောင်ပြောပြရမှာဖြစ်ပါတယ်။

- နနွင်း(သို့) အခြားဆေးဝါးများတွင်ပါဝင်သည့် ပစ္စည်းအမျိုးမျိုးနှင့် ဓာတ်မတည့်ခြင်း။

- ရောဂါဝေဒနာတစ်ခုခုခံစားနေရခြင်း။

- အစားအသောက်၊ ဆိုးဆေး၊ ကြာရှည်ခံဆေး(သို့) တိရစ္ဆာန်များနှင့်မတည့်ခြင်း စသည်တို့ကိုသိထားသင့်ပါသည်။

သာမန်ဆေးဝါးများအသုံးပြုခြင်းထက်စာလျှင် အပင်မှရရှိသည့်ဆေးဝါးများအသုံးပြုခြင်းက ကန့်သတ်ချက်ပိုနည်းမယ့် စိတ်ချရမှုအတိုင်းအတာကို အဆုံးအဖြတ်ပေးဖို့ လေ့လာစမ်းသပ်မှုများ ဆက်လက်ပြုလုပ်ဖို့လိုအပ်နေပါသေးတယ်။ ဒါကြောင့်ဆေးပင်အသုံးပြုခြင်းမှရရှိလာမယ့် ကောင်းကျိုး၊ ဆိုးကျိုးများကို ချိန်ဆနိုင်ရန်အတွက် ဆေးပညာရှင်(သို့) သင့်၏ဆရာဝန်နဲ့တိုင်ပင်ဖို့လိုအပ်မှာဖြစ်ပါတယ်။

ထက်ယမင်းဦး

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)