စိုက်ပျိုးရေးဖြင့် စီးပွားတက်စေဖို့ (၂)

(အောင်မြင်နေသော သာမန်တောင်သူကြီးတစ်ယောက်ကို အခြေခံ၍ ရေးသားထားခြင်းဖြစ်သည်)

ကျွန်တော်ရဲ့ သုတေသနစာတမ်းအတွက် တောင်သူတစ်ယောက်ကို လွန်ခဲ့သော တစ်နှစ်ခန့်က အင်တာဗျူးခဲ့သည်။ ကျွန်တော်မေးမြန်းခဲ့သော တောင်သူသည် အတန်းပညာအရ ဘွဲ့ရတစ်ယောက် မဟုတ်ပေ။ အသက် (၁၆) နှစ်အရွယ်မှစ၍ တောင်သူအလုပ်ကို စတင်ခဲ့သည်။ အိမ်ထောင်ကျခါစ၌ ပိုင်ဆိုင်မှုဟူ၍ မယ်မယ်ရရ မရှိသေးပေ။ နေ့စားလုပ်လိုက်၊ ကန်ထဲ၊ မြောင်းထဲ ကန်စွန်းရွက်ခူးရောင်းလိုက်ဖြင့် ဘဝကိုစတင်ခဲ့သူဖြစ်သည်။ ယခုအခါ တွင်မူ တောင်သူသည် လယ်မြေ (၆၇) ဧကနှင့် ယာမြေ (၁၂၅) ဧကကို ပိုင်ဆိုင်ထားပြီး နွား ခြောက်ကောင်၊ ထွန်းစက်ကြီးနှစ်ခု၊ ရိတ်သိမ်းခြွေလှေ့စက် (၂)စီး၊ Light Truck ကားတစ်စီး၊ Prado ကားတစ်စီး ရှိနေပါသည်။ ထိုပိုင်ဆိုင်မှုအားလုံးကို စိုက်ပျိုးရေးလုပ် ငန်းမှသာ ရရှိခဲ့ခြင်းဖြစ်သည်ကို ကြားသိခဲ့ရသည်။

မေးခွန်းမေးရင်း ပြန်ဖြေရင်းဖြင့် သိခဲ့ရသည်မှာ တောင်သူသည် ကောင်းစွာစီမံခန့် ခွဲနိုင်ပြီး ဆုံးဖြတ်ချက်ကို ရဲရဲဝံ့ဝံ့ချကာ လုပ်ဆောင်သူတစ်ယောက်ဖြစ်သည်။ သူပိုင်ဆိုင်သော မြေဧက (၁၉၂) ဧကပေါ်တွင် သီးနှံ (၁၀) မျိုးကျော်ကို တစ်နှစ်ပတ်လုံးစိုက်ပျိုးသည်။ မြေ ဧကရှိသမျှအပေါ်တွင် သီးနှံ(၁၀)မျိုးခန့်ကို မနားတမ်း စိုက်ပျိုးသည်။ သို့သော် ရမ်းသမ်းပြီး မဟုတ်ပေ။ စျေးကွက်ကိုကြည့်သည်။ ရာသီဥတုကို လေ့လာသည်။ မိမိ၏ ရေခံမြေခံကို နှော ကြေစွာ နားလည်ထားသည်။ ထိုအချက်သုံးချက်ကို ဆုပ်ကိုင်ကာ (၁၉၂)ဧကကို စီမံရာတွင် ပုံသေမဟုတ်တော့ပေ။

တောင်သူပညာပေးလုပ်ငန်းများ အားနည်းသော သူ၏ကျေးရွာတွင် တောင်သူအများစုသည် အများစိုက်ပျိုးသောသီးနှံကိုသာ နောက်ကလိုက်၍ စိုက်ပျိုးကြသည်။ တောင်သူမှာမူ စွန့်စားဖောက်ထွက်လိုသောစိတ်ရှိကာ အများနည်းတူ စိုက်ပျိုးလေ့မရှိဘဲ အခြေအနေ အရပ် ရပ်ကို တွေးပြီးမှသာ စိုက်ပျိုးသည်။ သီနှံများကို အပြောင်းအလဲပြုလုပ်၍ စိုက်ပျိုးရမှာကို မကြောက်ပေ။ သီနှံတစ်မျိုးကို တစ်နှစ်လျှင်တစ်ကြိမ်သာ စိုက်ပျိုးသည့်အပြင် မျိုးရင်းမတူ သော တခြားသီးနှံနှင့် သီးလှည့်စိုက်ပျိုးသည်။ ဥပမာ - ပြောင်းစိုက်ပြီးနောက် ပဲသီးနှံ တစ် မျိုးမျိုးကိုစိုက်သည်။ ကောင်ကျိုးအနေဖြင့် တချို့သော ရောဂါ၊ ပိုးမွှားကျနိုင်နှုန်းကို အင်မ တန်နည်းသွားစေခဲ့သည်။ ကုန်ကျစရိတ်တက်စေသော သွင်းအားစု(မှိုသတ်ဆေး၊ ပိုးသတ် ဆေး) များကို တတ်နိုင်သမျှ အနည်းဆုံးဖြစ်အောင်သုံးသည်။

“ခဏခဏအရှုံးပေါ်နေတဲ့ ကြက်သွန်နီကိုပဲ နှစ်တိုင်းစိုက်မယ့် အစား စျေးကွက်အခြေအနေကို ကြည့်ပြီးတော့ လိုအပ်ရင် တခြားသီးနှံကို ပြောင်းစိုက်ကြည့်ပါလား”လို့ ကြက်သွန်နီတစ်မျိုးတည်ကိုသာ စိုက်ပျိုးသော သူငယ်ချင်းတစ်ယောက်ကို အကြံပေးဖူးသည်။ သူပြန်ပြောတာကတော့ “ငါတို့က ကြက်သွန်နီပဲစိုက်တတ်တာ။ ပြီးတော့ တခြားသီး နှံစိုက်တာက ကြက်သွန်နီ စိုက်တာလောက် မမြတ်ရင် ဘယ်လိုလုပ်မှာလဲ။ ပိုပြီးရှုံးသွားမှာ ဆိုးတယ်” ဆိုတာပင်ဖြစ်သည်။ ဒီမှာကွာသွားသည်။ စွန့်စားဖို့ကို ကြောက်နေမိကြသည်။ ယုံကြည်မှု မရှိကြပေ။ (ဤပြဿနာများကို ကျော်လွှားနိုင်ရန် ကျွန်တော်ရဲ့ စိုက်ပျိုးရေးဖြင့် စီးပွားတက်စေဖို့ (၁) ဆောင်ပါးတွင် အသေးစိတ်ဖော်ပြထားသည်)

ယခုတောင်သူ၏ လက်သုံးစကားတစ်ခွန်းမှာ “မရရအောင်လုပ်မည်”ဟု ဖြစ်သည်။ လက်တွေ့လုပ်သည်။ မလုပ်ခင် လေ့လာသည်။ သုံးသပ်သည်။ အောင်မြင်ခြင်းကို လွယ်လွယ် နှင့်တော့ မရပေ။ သူလည်း မှားဖူးသည်။ ဆုံးရှုံးဖူးသည်။ သို့သော် တွေဝေနေလို့မရပေ။ ယုံကြည်မှုများကို တည် ဆောက်ရန် လိုအပ်ပါသည်။

ရှိန်း(လျှံ)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...