အပူပိုင်းဇုန်ဒေသများမှ ထွက်ရှိသည့်သီးနှံများကို အဆင့်မြှင့်တင်ထုတ်လုပ်သွားမည်

အိန္ဒိယနိုင်ငံ အပြည်ပြည်ဆိုင်ရာမိုးနည်းရပ်ဝန်းဒေသ သီးနှံသုတေသနဌာနနဲ့ ပူးပေါင်းကာ မြန်မာနိုင်ငံအတွင်းရှိ မိုးနည်းရပ်ဝန်းဒေသမှထွက်ရှိတဲ့ သီးနှံများကို အဆင့်မြှင့်တင် ထုတ်လုပ်သွားမှာ ဖြစ်ကြောင်း စိုက်ပျိူးရေးသုတေသနဦးစီးဌာနမှ သိရပါတယ်။ 

အပူပိုင်းဇုန်ဒေသများမှ ထွက်ရှိတဲ့ သီးနှံများကို အဆင့်မြှင့်တင်နိုင်ရေးနဲ့ တောင်သူများ ဝင်ငွေပိုမို ရရှိစေနိုင်ရန်အ တွက် ရည်ရွယ်ကာ လုပ်ဆောင်သွားမှာဖြစ်တယ်လို့ စိုက်ပျိုးရေးသုတေသနဦးစီး ဌာနမှ ဒုတိယညွှန်ကြားရေးမှူးချုပ် ဦးသန့်လွင်ဦး က ပြောပါတယ်။

“အပူပိုင်းရပ်ဝန်းဒေသ သီးနှံတွေဖြစ်တဲ့ မြေပဲ၊ ပဲစဉ်းငုံ၊ ကုလားပဲ၊ ပဲမျိုးစုံ၊ နှံစားပြောင်းတို့ကို အဆင့်မြင့်ထုတ်ကုန်တွေ ထုတ်နိုင်ဖို့ ပူးပေါင်းသွားမှာ။ ဒီသီးနှံတွေကို အဆင့်မြှင့်တင် ထုတ်လုပ်ခြင်း အားဖြင့် တောင်သူတွေ ဝင်ငွေပိုရနိုင်မယ်။ နှံစားပြောင်းတို့ ဆပ်တို့က အပူပိုင်းဒေသမှာပဲဖြစ် ထွန်းတော့ ဒီသီးနှံတွေရဲ့တန်ဖိုးဟာ မြှင့်တက်လာမယ်ဆိုတဲ့ ရည်ရွယ်ချက်နဲ့ ပူးပေါင်းလုပ်တာပါ”

စိုက်ပျိုးရေးသုတေသနဦးစီးဌာနနှင့် အိန္ဒိယနိုင်ငံ အပြည်ပြည်ဆိုင်ရာ မိုးနည်းရပ်ဝန်းဒေသ သီးနှံသုတေသနဌာနတို့ ပူးပေါင်းကာ သုတေသနလုပ်ငန်းများ ပူးပေါင်းဆောင်ရွက်သွားမှာဖြစ်ပြီး ဘက်စုံ တိုးတက်ကောင်းမွန်တဲ့ အစားအစာထုတ်လုပ်မှု အစီအစဉ်များ ပူးပေါင်းဆောင်ရွက်သွားမှာ ဖြစ်ကြောင်း အဆိုပါဌာနမှ သိရပါတယ်။

အိန္ဒိယနိုင်ငံ အပြည်ပြည်ဆိုင်ရာ မိုးနည်းရပ်ဝန်းဒေသ သီးနှံသုတေသနဌာန အထောက်အပံ့ဖြင့် ကုလားပဲမျိုး (၁၀) မျိုး ၊ နှံစားပြောင်းမျိုး (၉)မျိုး ၊ ပဲစဉ်းငုံ (၆) မျိူးနဲ့ မြေပဲ (၅) မျိုးကို တောင်သူများအတွက် ထုတ်လုပ်နိုင်ခဲ့တာဖြစ်ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။

တိုးတိုးခိုင်(ABM)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်