ယခုတစ်ပတ်အတွင်း စျေးနှုန်းအပြောင်းအလဲဖြစ်ပေါ်ခဲ့သည့်သီးနှံများ

(၆.၈.၂၀၁၈ မှ ၁၀.၈.၂၀၁၈)ထိ

မတ်ပဲ (FAQ/RC)

မတ်ပဲကတော့ ပြီးခဲ့တဲ့အပတ်က ဈေးအနည်းငယ်တက်ခဲ့ပေမယ့် ဒီတစ်ပတ်တော့ ရန်ကုန်ဈေးကွက်မှာ ဈေးငြိမ်နေပြီး နယ်ကုန်စည်ဒိုင်တွေမှာတော့ ဈေးကကျဆင်းသွားခဲ့ပါတယ်။ အရောင်းအဝယ်က ရက်ခြားသာရှိနေပြီး ပဲခွဲစက်များကသာ ပုံမှန်ဝယ်ယူနေခြင်းကြောင့် ဈေးကအများကြီး ကျဆင်းသွားတာမျိုးမရှိကြောင်း ပဲကုန်သည်တွေကပြောပါတယ်။  ပြည်ပဝယ်ယူမှုကတော့ ပုံမှန်တင်ပို့မှုတွေရှိနေပေမယ့် မြန်မာ့ငွေဈေးတက်နေခြင်းကြောင့်သာ ဈေးကအများကြီးကျဆင်းသွားခဲ့တာမျိုးမရှိပါဘူး။ ရန်ကုန်ဈေးကွက်မှာ မတ်ပဲ (FAQ/RC) က ၂၀၁၇၊၂၀၁၈ နှစ်ခုလုံး က တစ်ပတ်အတွင်း တစ်တန်ကို ၄၃၀၀၀၀ ကျော်အတွင်း အတက်အကျရှိခဲ့ပါတယ်။ မုံရွာကုန်စည်ဒိုင်မှာတော့ တစ်တင်းကို ၁၄၂၅၀ ရှိပြီး ၂၅၀ ကျပ်၊ ပြည်ကုန်စည်ဒိုင်မှာ တစ်တင်းကို ၁၄၂၀၀ ကျပ်ရှိပြီး  ၄၀၀ ကျပ် ဈေးကျဆင်းသွားခဲ့ပြီးတော့ နေပြည်တော်မှာတော့ တစ်တင်းကို ၁၃၃၀၀ နဲ့ ဈေးငြိမ်နေပါတယ်။ လက်ရှိမှာတော့ မတ်ပဲက ဈေးနှုန်းမြင့်တက်နိုင်သေးတဲ့အခြေအနေမရှိသေးကြောင်း ကုန်သည်တွေက သုံးသပ်ထားပါတယ်။

ပဲစင်းငုံနီ

ပြီးခဲ့တဲ့အပတ်က ဈေးအနည်းငယ်တက်ခဲ့တဲ့ ပဲစင်းငုံနီက ဒီတစ်ပတ်မှာတော့ ဈေးကျဆင်းသွားခဲ့ပါတယ်။ ပြည်တွင်းဝယ်ယူမှု မရှိတဲ့အပြင် ပြည်ပဝယ်ယူမှုကလည်း နည်းတဲ့အတွက် နယ်ကုန်စည်ဒိုင်တွေမှာပါ ဈေးက ကျဆင်းသွားခဲ့ပါတယ်။ ရန်ကုန်ဈေးကွက်မှာလည်း ဈေးအနည်းငယ်အပြောင်းအလဲ ရှိပေမယ့် ပြီးခဲ့တဲ့အပတ်နဲ့ ယှဉ်ရင် ဈေးက ကျဆင်းသွားခဲ့ပါတယ်။

ရန်ကုန်ဈေးကွက်မှာ တစ်တန်ကို ၄၈၀၀၀၀ နဲ့ အတက်အကျရှိခဲ့ပေမယ့် နယ်ကုန်စည်ဒိုင်တွေ ဖြစ်တဲ့ မုံရွာကုန်စည်ဒိုင်မှာတော့ တစ်တင်းကို ၁၂၁၅၀ နဲ့ တစ်တင်းကို ၇၀၀ နီးပါးဈေးကျဆင်းသွားခဲ့ပါတယ်။ ပြည်ကုန်စည်ဒိုင်မှာတော့ တစ်တင်းကို ၁၃၀၀၀ နဲ့ ၅၀၀ ကျပ်၊ မြင်းခြံကုန်စည်ဒိုင်မှာလည်း ပဲစင်းငုံနီအသစ်က တစ်တင်းကို ၁၀၅၀၀ နဲ့ ၅၀၀ ကျပ်၊ ပခုက္ကူကုန်စည်ဒိုင်မှာတော့ တစ်တင်းကို ၁၄၉၅၀ နဲ့ တစ်တင်းကို ၂၅၀ ကျပ် အသီးသီးဈေးကျဆင်းသွားခဲ့ပါတယ်။

ပဲတီစိမ်း  

ပဲတီစိမ်းကတော့ ဒီတစ်ပတ်မှာ ဈေးငြိမ်နေပါတယ်။ တရုတ်ဝယ်လက်ကပုံမှန်ရှိနေတဲ့အတွက် ဈေးကလက်ရှိဈေးနဲ့ပဲ ဈေးငြိမ်နေတာလည်း ဖြစ်ပါတယ်။ အချို့နယ်ကုန်စည်ဒိုင်မှာတော့ လက်ရှိမိုးကြောင့် ပျက်စီးမှုရှိခဲ့တဲ့ ပဲတွေကြောင့် ဈေးကောင်းမရပဲ ဈေးကျဆင်းနေခဲ့ပါတယ်။ ရန်ကုန်ဈေးကွက်မှာတော့ ပဲတီစိမ်းခရမ်းရွှေဝါက တစ်ပိဿာကို ၂၂၅၀ နဲ့ဈေးအမြင့်ဆုံးရရှိနေပြီး ပဲခူးရွှေဝါ၊ ရိုးရိုးတို့ကတော့ တစ်ပိဿာကို အနိမ့်ဆုံးဈေး ၁၃၃၀ ကနေ ၂၀၀၀ အထိ ဈေးရရှိနေပါတယ်။ မုံရွာ ကုန်စည်ဒိုင်မှာ ပဲတီစိမ်း (အကြီး၊အသေး)က တစ်ပိဿာကို ၁၃၅၀ ကနေ ၁၄၅၀ အထိ ပေါက်ဈေးရှိပြီး တစ်ပိဿာကို ၅၀ ကျပ်၊ မြင်းခြံကုန်စည်ဒိုင်မှာ တစ်ပိဿာကို ၁၂၂၀ နဲ့ တစ်ပိဿာကို ၁၀၀ ကျပ် အသီးသီးဈေးတက်လာခဲ့ပါတယ်။ ပြည်ကုန်စည်ဒိုင်မှာတော့ ပဲတီစိမ်း (အသေး)က တစ်ပိဿာကို ၁၂၅၀ နဲ့တစ်ပိဿာကို ၆၀၀ ကျပ်၊ ပခုက္ကူကုန်စည်ဒိုင်မှာတော့ ၁၅၅၀ နဲ့ တစ်ပိဿာကို ၅၀ ကျပ်ဈေးကျဆင်းသွားခဲ့ပါတယ်။ ပဲတီစိမ်းကတော့ ပုံမှန်ဝယ်လက်ရှိတဲ့အတွက်လတ်တလောမှာ ဈေးနှုန်းအပြောင်းအလဲ သိပ်မရှိနိုင်သေးပဲ အရည်အသွေးညံ့ရင်တော့ ဈေးအနိမ့်ဆုံးရနိုင်တယ်လို့ ကုန်သည်တွေက ပြောပါတယ်။

ကုလားပဲ

ကုလားပဲကတော့ ပြီးခဲ့တဲ့ အပတ်ကလို ဈေးကဆက်တိုက် တက်တာမဟုတ်ပဲ တစ်ပတ်အတွင်း ဈေးအတက်အကျ ရှိခဲ့ပါတယ်။ ရန်ကုန်ဝယ်လက်များလည်းပုံမှန်ဝယ်ယူလာပေမယ့် ရက်ခြားဝယ်ယူမှုတွေ ရှိခဲ့တဲ့အတွက် နယ်ကုန်စည်ဒိုင်အချို့မှာ ဈေးကျဆင်းသွားခဲ့ပါတယ်။ ထို့ပြင် ကုလားပဲ v2 အမျိုးအစားထက် ကုလားပဲလုံးကြီးဖြစ်တဲ့ v7 နဲ့ 929 တို့က ဈေးပိုမိုရရှိခဲ့ပြီး ဈေးကွက်အတွင်းအရောင်းအဝယ်ပိုဖြစ်နေတာကိုလည်း တွေ့ရပါတယ်။ မုံရွာကုန်စည်ဒိုင်မှာ ကုလားပဲလုံးဝါ(ကြီး၊သေး) တို့က တစ်တင်းကို ၂၁၆၀၀ ကနေ ၂၃၆၀၀ ရှိပြီး တစ်တင်းကို ၅၀၀ နီးပါး၊ ဈေးကျဆင်းသွားခဲ့ပြီး ကုလားပဲလုံးဖြူ(ကြီး၊သေး)တို့ကတော့ တစ်တင်းကို ၂၃၆၀၀ ကနေ ၂၄၅၀၀ ရှိပြီး တစ်တင်းကို ၂၀၀ ကျပ်လောက်ဈေးတက်လာပါတယ်။ မြင်းခြံကုန်စည်ဒိုင်မှာ တော့ ကုလားပဲလုံး ဝါ(ကြီး)က တစ်တင်းကို ၂၄၇၀၀ ပေါက်ဈေးရှိပြီး တစ်တင်းကို ၁၁၅၀ ကျော်ဈေးတက်လာခဲ့ပြီး ကုလားပဲလုံးဖြ (ကြီး)ကလည်း တစ်တင်းကို ၂၃၄၆၅ ကျပ်ပေါက်ဈေးရှိပြီး တစ်တင်းကို ၁၁၅၀ ကျပ်လောက်ဈေးတက်လာပါတယ်။ ပခုက္ကူကုန်စည်ဒိုင်မှာတော့ ကုလားပဲလုံးဝါ(ကြီး)က တစ်တင်းကို ၂၄၆၆၀ ရှိပြီး တစ်တင်းကို ၂၀၀ ကျော်ဈေးတက်လာပြီး ကုလားပဲလုံးဖြူ(ကြီး)ကတော့ တစ်အိတ်ကို ၂၃၇၀၀ ရှိကာ တစ်အိတ်ကို ၄၅၀ ကျပ် ဈေးကျဆင်းသွားပါတယ်။

ဝတ်ရည်မွန် (AMIA)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်