ပဲမျိုးစုံ ဈေး ဆက်တိုက်တက်နေပေမယ့် စားတော်ပဲဈေးတော့အနည်းငယ် ပြန်ကျ

မတ်ပဲ

မတ်ပဲက ပြီးခဲ့တဲ့ အပတ်နဲ့ယှဉ်ရင် လက်ရှိအချိန်ထိ အတက်ဈေးနဲ့ ရှိနေတာ ဖြစ်ပေမယ့် FOB ပေါက်ဈေးကတော့ ဆက်တိုက်ကို ဈေးကျဆင်းနေပါတယ်။ ငွေကြေးလဲလှယ်ဈေးနှုန်းကြောင့်သာ အမြင့်ဈေးနဲ့ရှိနေတာ ဖြစ်တဲ့အတွက် လက်ရှိအခြေအနေကတော့ ပဲ ဈေးတက်တယ်လို့ ဆိုလို့ မရပါဘူး။ အရောင်းအဝယ်ကတော့ လက်ရှိငွေကြေးဈေး အခြေအနေပေါ်မူတည်ပြီး စောင့်ကြည့်နေပေမယ့် ဈေးကွက်ထဲဝင်တဲ့ ပဲအသစ်တွေကတော့ အရောင်းအဝယ်ရှိတယ်လို့ ကုန်သည်အချို့က ဆိုပါတယ်။

အိန္ဒိယနိုင်ငံတွင်းမှာတော့ မုတ်သုံမိုးအားကောင်းလာတာနဲ့အတူ မတ်ပဲ စိုက်ပျိုးမှုကလည်း တိုးနေပေမယ့် ပြီးခဲ့တဲ့နှစ်နဲ့ ယှဉ်ရင် လျော့ကျနေဆဲ အခြေအနေလို့ အိန္ဒိယသတင်းတွေရဲ့ ဖော်ပြချက်အရ သိရပါတယ်။ ဒါပေမယ့် လက်ရှိပြည်တွင်း ငွေကြေးဈေးကွက် မငြိမ်တာနဲ့ အိန္ဒိယနိုင်ငံတွင်း ပဲအသစ်တွေ အဝင်ရှိနေတာတွေကြောင့် အိန္ဒိယနိုင်ငံတွင်းမှာလည်း ပဲဈေးတွေက ဆက်တိုက်ကျဆင်းနေခဲ့ပါတယ်။

အိန္ဒိယနိုင်ငံ ချန်နိုင်းဈေးကွက်မှာ မြန်မာ မတ်ပဲ FAQ က တစ်တန်ကို ရူပီး ၈၁၅၀ ရှိပြီး ပြီးခဲ့တဲ့ အပတ်ယှဉ်ရင် တစ်တန်ကို ၃၅၀ ရူပီး ‌ဈေးကျဆင်းပါတယ်။ မတ်ပဲ FOB ဈေးနှုန်းကတော့ တစ်တန်ကို ၈၆၀ မှ ၈၇၀ ဒေါ်လာ ပေါက်ဈေးရှိပြီး ၃၅ ဒေါ်လာ ဈေးကျဆင်းပါတယ်။

ပြီးခဲ့တဲ့ အပတ်က သောကြာနေ့က ရန်ကုန်ဈေးကွက်မှာတော့ မတ်ပဲ (FAQ/RC)က တစ်တန်ကို ၃၆၉၂၀၀၀ ရှိ ခဲ့ပါတယ်။ တနင်္လာနေ့ မှာတစ်တန်ကို ၃၇၆၃၀၀၀၊ အင်္ဂါနေ့မှာ တစ်တန်ကို ၃၇၅၅၀၀၀ကျပ် ၊ ဗုဒ္ဓဟူးနေ့မှာ တစ်တန်ကို ၃၇၁၁၀၀၀၊ ကြာသပတေးနေမှာ တစ်တန်ကို ၃၇၃၀၀၀၀၊ သောကြာနေ့မှာ ၃၇၅၈၀၀၀ ပေါက်ဈေးရှိနေပြီး ပြီးခဲ့တဲ့အပတ်နဲ့ ယှဉ်ရင် တစ်တန်ကို ၆၆၀၀၀ ကျပ်ဈေးမြင့်တက်လာပါတယ်။ ဒီတစ်ပတ်အတွင်းမှာတော့ ငွေကြေးဈေး အခြေအနေပေါ်မူတည်ပြီး အတက်အကျတွေက တည်ငြိမ်မှု မရှိပါဘူး။

(SQ/RC) ကတော့ တစ်တန်ကို ၄၁၄၈၀၀၀ ပေါက်ဈေးရှိပြီး ပြီးခဲ့တဲ့အပတ်နဲ့ သောကြာနေ့နဲ့ ယှဉ်ရင် တစ်တန်ကို ၇၆၀၀၀ ကျပ်ဈေးမြင့်ပါတယ်။ မတ်ပဲ Raw ကတော့ တစ်ပိဿာကို ၆၂၅၀ မှ ၆၂၈၅ ပေါက်ဈေးရှိပြီး တစ်ပိဿာကို ၁၃၅ကျပ်ဈေးမြင့်တက်လာပါတယ်။

လက်ရှိ ပြည်တွင်း ငွေလဲလှယ်နှုန်းဈေးက ပြင်ပပေါက်ဈေးက ငွေကျပ် ၇၀၀၀ အောက်ရောက်ရှိနေပြီး ပြီးခဲ့တဲ့ ရက်ပိုင်းအတွင်း ဗဟိုဘဏ်က ဒေါ်လာ ၉၉ သန်းကျော် ရောင်းချပေးခဲ့တာ ဖြစ်ပါတယ်။

ပဲတီစိမ်း

ပဲတီစိမ်းကလည်း ဈေးမြင့်တက်လာပါတယ်။ ဈေးကွက်အတွင်း အသစ်တွေ အဝင်ရှိနေပြီး အရောင်း အဝယ်ကတော့ ပုံမှန်ရှိတယ်လို့ သိရပါတယ်။ ငွေကြေးဈေး တည်ငြိမ်မှု မရှိတာကြောင့် ဈေးကတော့ အတက်အကျ ရှိပေမယ့် နယ်ဈေးကွက်တွေ မှာတော့ ပဲတီစိမ်း ဈေးက ငြိမ်တဲ့ အခြေအနေလို့ သိရပါတယ်။

ရန်ကုန်ဘုရင့်နောင်ဈေးကွက်မှာတော့ပဲတီစိမ်း(ခရမ်းရွှေဝါ)၊ (ပဲခူးရွှေဝါ)၊ ဝါးခယ်မ၊ ပခုက္ကူတို့က တစ်ပိဿာ ကို ၃၂၅၀ ကနေ ၅၅၈၅ ကြားပေါက်ဈေးရှိနေပြီး တစ်ပိဿာကို ၅၈၅ ကျပ် ဈေးမြင့် တက်လာပါတယ်။

မန္တလေးဈေးကွက်မှာတော့ ပဲတီစိမ်း(အညာ) အသစ်က သုံးတင်းဝင်တစ်အိတ်ကို ၂၃၀၀၀၀ မှ ၂၆၅၀၀၀ ပေါက်ဈေးရှိပြီး ပြီးခဲ့တဲ့အပတ်နဲ့ယှဉ်ရင် တစ်အိတ်ကို ၁၅၀၀၀ ကျပ်ဈေး မြင့်တက်လာပါတယ်။

စားတော်ပဲ

ပဲမျိုးစုံ ဆက်တိုက်ဈေးမြင့်တက်နေပေမယ့် စားတော်ပဲက ဈေးအနည်းငယ် ပြန်ကျဆင်းသွားပါတယ်။ ဈေးကွက်အတွင်း စံချိန်တင် ဈေးမြင့်တက်နေတာကြောင့် ဝယ်ယူမှုလျော့သွားပြီး အရောင်းအဝယ်လည်း အေးသွားတယ်လို့ သိရပါတယ်။ စားတော်ပဲအစား ကုလားပဲ အစားထိုး အသုံး ပြုတာတွေရှိတယ်လို့သိရပါတယ်။

ရန်ကုန်ဘုရင့်နောင်ဈေးကွက်မှာတော့ တစ်ပိဿာကို ၅၈၃၀ မှ ၇၃၃၅ ပေါက်ဈေးရှိပြီး တစ်ပိဿာကို ၂၅၀ ကျပ်ဈေးတက်ပါတယ်။

မန္တလေးဈေးကွက်မှာတော့ စားတော်ပဲတစ်အိတ်ကို ၃၆၀၀၀၀ မှ ၄၈၀၀၀၀ ကြား ရှိပြီးတစ်အိတ်ကို ၂၀၀၀၀ လောက်ဈေးကျဆင်းသွားပါတယ်။

အာလူး

ဆက်တိုက်ဈေးမြင့်တက်နေတဲ့ အာလူးဈေးလည်း အနည်းငယ်ပြန်ကျဆင်းသွားပါတယ်။ ဈေးကွက်ထဲ အဝင် ပုံမှန်ရှိပေမယ့် အဝယ်လျော့သွားတဲ့အတွက် ဈေးပြန်ကျဆင်းသွားတာလို့သိရပါတယ်။ ဈေးကွက်ထဲကို တရုတ်အာလူးတွေအပြင် ရှမ်းအာလူးတွေပါ အဝင်ရှိနေပါတယ်။

ရန်ကုန်ဘုရင့်နောင်ဈေးကွက်မှာတော့ တရုတ်အာလူးက တစ်ပိဿာကို ၄၇၀၀ မှ ၅၀၀၀ ကြားရှိပြီး တစ်ပိဿာကို ၅၀၀ ကျပ်ဈေးကျဆင်းပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...