ခရမ်းချဉ်သီးစိုက်ပျိုးရာမှာ မဖြစ်မနေရှောင်ရှားသင့်တဲ့ အလွဲအမှားများ

ခရမ်းချဉ်သီးဟာ စိုက်ပျိုးရလွယ်ကူပြီး အိမ်ထဲမှာတစ်နိုင်တစ်ပိုင်စိုက်ထားရင်တောင် တစ်နှစ်ပတ် လုံး လတ်လတ်ဆတ်ဆတ် စားသုံးနိုင်ပါတယ်။ ခရမ်းချဉ်သီး စိုက်ပျိုးထုတ်လုပ်ရာမှာ များသောအားဖြင့် သတိမထားမိဘဲ လွဲမှားနေသော အချက်လေးတွေရှိတတ်ပါတယ်။ ဒီအလွဲအမှား လေးတွေကိုသာ ရှောင်ရှားပြီး ပြုပြင်နိုင်ရင် လတ်လတ်ဆတ်ဆတ်နဲ့ တစ်နှစ်ပတ်လုံးစားလို့ရတဲ့ ခရမ်းချဉ်သီး လေးတွေရနိုင်တာပေါ့။

ကဲ ပြောင်းလဲချိန်တန်ပြီဆိုတော့ ပြုပြင်သင့်တာတွေပြုပြင်နိုင်အောင် ခရမ်းချဉ်သီးစိုက်ပျိုးရာမှာ လွဲမှားတတ်တဲ့ အလွဲလေးတွေနဲ့ ပြုပြင်သင့်တဲ့ အချက်လေးတွေကို ဖော်ပြပေးလိုက်ပါတယ်။

၁။ စပ်မျိုးတွေကို စမ်းစိုက်ကြည့်ပါ။

သင်ဟာ ခရမ်းချဉ်သီး စိုက်ပျိုးဖို့ အစပျိုးခါစဆိုရင် အစဉ်အဆက်စိုက်ခဲ့တဲ့ သမရိုးကျမျိုးထက် စပ်မျိုးတွေကို ရွေးစိုက်ကြည့်ပါ။ စပ်မျိုးတွေဟာရောဂါဒဏ်ခံရမှုနည်းပြီး သမရိုးကျမျိုးတွေထက် အထွက်နှုန်း ပိုသာပါတယ်။ သမရိုးကျမျိုးတွေဟာ ဘယ်လောက်ပဲအရသာကောင်းပါတယ်ဆိုဆို စပ်မျိုးတွေဟာလည်း အနံ့အရသာနဲ့ပြည့်စုံတာပါပဲ။

၂။ စိုက်ပျိုးဖို့နေရာနဲ့ ပတ်ဝန်းကျင်အခြေအနေ

မှားယွင်းတဲ့ စိုက်ပျိုးမြေနေရာနဲ့ ပတ်ဝန်းကျင်အခြေအနေကြောင့်လည်းခရမ်းချဉ်သီး အထွက်နှုန်း လျော့ကျတတ်ပါတယ်။ နေရောင်ခြည်လုံလောက်စွာမရရှိခြင်းနှင့် အရိပ်ကျရောက်မှုတို့ကြောင့် အသီးတင် နှုန်းကျတတ်ပါတယ်။ ခရမ်းချဉ်သီးဟာ ပူနွေးတဲ့အခြေအနေကို နှစ်သက်ပြီး အနည်းဆုံး(၆)နာရီ နေရောင်နဲ့ တိုက်ရိုက်ထိတွေ့ဖို့လိုတဲ့အပြင် လေကောင်းလေသန့်ရဖို့လည်းလိုအပ်ပါတယ်။

၃။ ပျိုးပင်ရွှေ့စိုက်ရာမှာ အဖူးနဲ့အပွင့်များပါနေခြင်း

ခရမ်းချဉ်သီးကို ပျိုးပင်နဲ့ရွှေ့စိုက်ရာတဲ့အခါမှာ အဖူးနဲ့ အပွင့်တွေပါနေရင် ဖယ်ပစ်လိုက်ပါ။ ဖယ်ပစ်လိုက်မှသာ စတင်ရွှေ့စိုက်ပြီးနောက် အမြစ်စင်စနစ်ကို ကောင်းစေမှာဖြစ်ပြီး စိုက်ပြီးနောက်ပိုင်းမှသာ အဖူးအပွင့်များထွက်လာပါက ဖယ်ပစ်ရန်မလိုတော့ပါ။

၄။ မြေသြဇာများအလွန်အကျွံသုံးစွဲခြင်း

မြေသြဇာများကို အပင်ကလိုအပ်သည်ထက်ပိုကျွေးမိပါက အထူးသဖြင့် နှိုက်ထရိုဂျင်ဓာတ်များပါက အပင်ကိုလောင်စေပါတယ်။ ဒါဟာခရမ်းချဉ်သီးစိုက်ပျိုးရာမှာ အထူးသတိထားရမဲ့ အချက်ပါ။ နှိုက်ထရိုဂျင် ဓာတ်များသွားရင် အပင်က အရွက်တွေပင်စည်တွေပိုများပြီးပိုကြီးလာပေမဲ့ အပွင့်ပွင့်နှုန်းတော့ ကျသွားပြီး အမြစ်တွေပုပ်ပြီး အမဲရောင်ပြောင်းသွားတတ်ပါတယ်။ စိုက်ပျိုးမြေမှာ နှိုက်ထရိုဂျင်ဓာတ်များနေရင် ၅း၁၀း၅ အချိုးရှိတဲ့ဓာတ်ပေါင်းမြေသြဇာဟာ အသင့်တော်ဆုံးဖြစ်ပြီး အကယ်၍နည်းခဲ့ပါက ၁၀ပတ်လည်ဓာတ်ပေါင်း မြေသြဇာကို သုံးပေးသင့်ပါတယ်။

၅။ ရောဂါပိုးမွှားများကို ထိရောက်စွာမကာကွယ်နိုင်ခြင်း

တခါတရံမှာ စိုက်ပျိုးသူတွေဟာ ခရမ်းချဉ်သီးမှာ အဖြစ်များတဲ့ နှောင်းပင်နာကျ၊ စောပင်နာကျ စတဲ့ရောဂါမျိုးတွေကို ကောင်းကောင်းထိန်းချုပ်နိုင်မှု အားနည်းကြပါတယ်။ ရောဂါပိုမွှားတွေကို ထိန်းချုပ် နိုင်ဖို့ ဆေးဖြန်းရမယ့်အခြေအနေမှာ အချိုးအစားမှန်မှန်နဲ့ဖျန်းဖို့ အရေးကြီးပါတယ်။ မုန့်ဖုတ်ဆိုဒါ၊ ဆပ်ပြာရည်၊ နဲ့ သံလွင်ဆီတို့ကို အချိုးကျရောစပ်ပြီးတော့လည်း ပိုးသတ်ဆေးရည်အဖြစ် ပြုလုပ်သုံးစွဲ နိုင်ပြီး ဆားခါးကို ရေနဲ့ဖျော်စပ်ပြီးတော့လည်း အပင်အားဆေးအဖြစ် တစ်လတစ်ကြိမ်ဖျန်းပေးနိုင်ပါတယ်။

၆။ ဖုံးအုပ်၍စိုက်ကြည့်ပါ

အပင်များကိုစိုက်ပျိုးရာမှာ မြေကိုဖုံးအုပ်ပြီးစိုက်ခြင်းက မြေကြီးအစိုဓာတ်ထိန်းပေးပြီး မြေသြဇာ လေလွင့်မှုနဲ့ ပေါင်းပြဿနာများကိုလျော့နည်းစေပါတယ်။ ဒါပေမဲ့ ခရမ်းချဉ်စိုက်ပျိုးရာမှာ ဖုံးအုပ်ပြီးစိုက်ပျိုး တာ မရှိသလောက်နည်းပါသေးတယ်။ ဖုံးအုပ်ဖို့ ပလတ်စတစ်တွေမရှိရင်တောင် အပင်စိုက်ပြီးတာနဲ့ သစ်ရွက်ကြွေ၊သစ်ရွက်ခြောက်များ၊ကောက်ရိုးများဖြင့်လည်း ဖုံးအုပ်ပေးနိုင်ပါတယ်။ ဖုံးအုပ်ပြီးစိုက်ပျိုးလိုက် တာကြောင့် အပင်တွေဟာမြေသြဇာကိုထိထိရောက်ရောက်သုံးစွဲနိုင်သလို ပေါင်းလည်းနိုင်ပြီး အပင် ကြီးထွား မှုအားလည်းကောင်းလာပြီး အထွက်နှုန်းလည်းသိသိသာသာတိုးလာနိုင်ပါတယ်။

၇။ ပြုစုမှုအားနည်းခြင်း

သင်စိုက်တဲ့မျိုးဟာ အဆုံးရှိပန်းခိုင်ရှိတဲ့ မျိုးဖြစ်ရင် အညှာချွေခြင်း၊ပုံသွင်းခြင်း စတာတွေကို ပြုလုပ်ပေးသင့်ပါတယ်။ အဆုံးမရှိပန်းခိုင်ပါတဲ့ မျိုးတွေမှာလည်း ရိုးညှာတွေကိုကောင်းကောင်းဂရုစိုက်ပေး သင့်ပါတယ်။ ခရမ်းချဉ်ပင်ဟာ အပင်ပြုစုမှုကောင်းဖို့လိုပြီး လိုအပ်သည့်အချိန်မှာလိုအပ်သလို ပြုစုပေးရ ပါမယ်။ အကယ်၍ပြုစုမှုအားနည်းခဲ့ပါက မှိုရောဂါတွေဝင်ပြီး အသီးပုပ်နိုင်ပါတယ်။ အပင်လည်းအားနည်းပြီး အထွက်နှုန်းကိုလည်း ထိခိုက်နိုင်ပါတယ်။

၈။ ပင်ကြားတန်းကြားမမှန်ခြင်း

ခရမ်းချဉ်စိုက်ပျိုးရာမှာပင်ကြားတန်းကြား စိပ်ပါက လေဝင်လေထွက် မကောင်းနိုင်ဘဲ အာဟာရ ဓာတ်များနဲ့ရေကို လုံလောက်စွာရရှိမည်မဟုတ်ပါ။ အကယ်၍ခရမ်းချဉ်ကို စီးပွားဖြစ်အမြောက်အမြားစိုက်ပျိုး ပါက ပင်ကြားတန်းကြားကို (၂ပေ×၃ပေ)ထားရှိသင့်ပြီး အပင်ပုမျိုးဖြစ်ပါက (၁ပေ×၁ပေခွဲ)ထားစိုက်သင့် ပါတယ်။

အပင်လေးတွေမှာ သင်တို့ထင်ထားတာထက်ပိုပြီး ထုတ်လုပ်နိုင်စွမ်း ရှိကြပါတယ်။ သင်က သူတို့အကြောင်းကို သေချာသိပြီး သူတို့ ကြိုက်တဲ့ပတ်ဝန်းကျင်၊ရာသီဥတု၊ အာဟာရဓာတ်တွေ၊ သူတို့လိုချင်တဲ့ဂရုစိုက်မှုတွေကို လုံလုံလောက်လောက်ပေးနိုင်ရင် သင့်ကို သူတို့အစွမ်းရှိသလောက်ထုတ် ပေးလာပါလိမ့်မယ်။ ခရမ်းချဉ်မှာလည်း သူတို့လိုအပ်တဲ့ အာဟာရ၊ ပတ်ဝန်းကျင်၊ ရာသီဥတုအခြေအနေ၊ ပြုစုဂရုစိုက်မှုတွေကို ကောင်းကောင်းမွန်မွန်ပေးနိုင်ရင် သူတို့ကလည်း သင်တို့လိုချင်တဲ့ အရည်အသွေးနဲ့ အထွက်နှုန်းကို လိုလိုလားလားပေးလာပါလိမ့်မယ်။ ကဲပြောင်းလဲသင့်တာလေးတွေပြောင်းလဲပြီး ပိုမို ကောင်းမွန်တဲ့အထွက်နှုန်းနဲ့ အရည်အသွေးကို ရယူလိုက်ကြရအောင်!!!!!!!

နန္ဒာအိလှိုင်

http://youtu.be/5JDgggtssVs

ဆောင်းပါးများ/ သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...