ဝါသီးနှံတွင် ဖြစ်ပေါ်လေ့ရှိသော အာဟာရချို့တဲ့မှုလက္ခဏာများ

 မင်္ဂလာပါ တောင်သူဦးကြီးများခင်မျာ။

 ဝါစိုက်ပျိုးထုတ်လုပ်ရာတွင် တောင်သူများအများစုသည် အာဟာရချို့တဲ့မှုလက္ခဏာ များနှင့် ရောဂါလက္ခဏာများ မှားယွင်းကြပါသည်။ ထို့ကြောင့် ဝါသီးနှံတွင် ဖြစ်ပေါ်တက် သော အာရချို့တဲ့မှုလက္ခဏာများကို တင်ပြအပ်ပါသည်။

၁။ နိုက်ထရိုဂျင် (N) ချို့တဲ့မှုလက္ခာများ

ဝါသီးနှံတွင် နိုက်ထရိုဂျင် ချို့တဲ့ခဲ့ပါက အပင်များပုနေပြီး အရွက်များ အဝါရောင် ပြောင်းသွားခြင်း၊ အရွက်ပြားပေါ်တွင် နီညိုရောင်သန်းနေခြင်း၊ ပင်စည်များနှင့် အရွက်ရိုး တံများ အနီရောင်ပြောင်းသွားခြင်း၊ ပန်းစောစောပွင့်ခြင်း၊ ပန်းပွင့်ကာလတိုတောင်းခြင်း စသည့်လက္ခဏာများတွေ့ပါသည်။

 ၂။ ဖော့စ်ဖောရပ်စ် (P) ချို့တဲ့မှုလက္ခဏာများ

 ဝါသီးနှံတွင် ဖော့စ်ဖောရပ်စ် ချို့တဲ့သောအခါ အပင်များကြီးထွားမှု သိသိသာသာ ရပ်တန့်သွားခြင်း၊ အသက်ကြီးသော အရွက်များ အဝါရောင်ပြောင်းသွားပြီး အရွက်၏အနားသတ်များ အစိမ်းညစ်ညစ်ရောင် ပြောင်းသွားခြင်းနှင့် ဆဲလ်သေကွက်များတွေ့ရပြီး အရွယ် မတိုင်ခင် အိုသွားခြင်း၊ အသက်ကြီးသေ ာအရွက်များ၏ အရွက်ကြောကြားထဲတွင် ခရမ်း ရောင်များပြောင်းသွားပြီး အသီးများပါ ခရမ်းရောင်ပြောင်းသွားခြင်း စသည့်လက္ခဏာများ တွေ့ရပါသည်။

 ၃။ ပိုတက်စီယမ် (K) ချို့တဲ့မှုလက္ခဏာများ

 ဝါသီးနှံတွင် ပိုတက်စီယမ်ချို့တဲ့မှု လက္ခဏာများမှာ အသက်ကြီးသော အရွက်များတွင် စိမ်းဝါရောင်အကွက်များ အရွက်အနားသတ်များတွင် ဖြစ်ပေါ်နေပြီး အရွက်၏အလယ်ထိ ပျံ့နှံ့သွားခြင်း၊ အရွက်များနှင့် အသီးများပေါ်တွင် ခရမ်းရောင်အစက်ပျောက်များ ဖြစ်ပေါ် နေခြင်း၊ အရွက်များပေါ်တွင် ဆဲလ်သေကွက်များ တွေ့ရခြင်း စသည်တို့ဖြစ်ပါသည်။

 ၄။ မက်ဂနီစီယမ် (Mg) ချို့တဲ့မှုလက္ခဏာများ

 ဝါသီးနှံတွင် မက်ဂနီစီယမ်ချို့တဲ့မှု လက္ခဏာများမှာ အရွက်ကြီးများတွင် အရွက်ကြောများစိမ်းနေပြီး အရွက်ကြောများကြားတွင် စိမ်းဝါရောင်များဖြစ်ပေါ်နေခြင်း၊ အရွက်များပေါ်တွင် အဖြူရောင် (သို့မဟုတ်) အညိုရောင် အစက်ပျောက်များ ဖြစ်ပေါ်နေခြင်း၊ ထိုအစက်ပျောက်များပေါင်းစပ်သွားပြီး အရွက်အနားသတ်တွင် ဆဲလ်သေကွက်ကြီးဖြစ်ပေါ် နေခြင်း၊ အရွက်ကြောများကြားတွင် နီညိုရောင်အစက်များတွေ့ရခြင်း၊ အရွက်ကြီးများ အောက်ကိုကွေးကျသွားခြင်း၊ အဖူးများခြောက်သွားခြင်း စသည့်တို့ဖြစ်ပါသည်။

 ၅။ ဆာလ်ဖာ (S) ချို့တဲ့မှုလက္ခဏာများ

 ဝါသီးနှံတွင် ဆာလ်ဖာချို့တဲ့ခဲ့ပါက အရွက်ငယ်များ အစိမ်းရောင်ဖျော့ (သို့မဟုတ်) အဝါရောင်ပြောင်းသွားသော်လည်း အရွက်ကြောများစိမ်းနေခြင်းများ ဖြစ်ပေါ်တက်ပါသည်။

 ၆။ ဘိုရွန် (B) ချို့တဲ့မှုလက္ခဏာများ

အရွက်ငယ်များတွင် စိမ်းဝါရောင်အကွက်များ ဖြစ်ပေါ်တက်ပြီး ထိုအကွက်များသည် အထဲသို့ ချိုင့်ဝင်သွားတက်ပါသည်။

 ၇။ အိုင်းရွန်း (Fe) ချို့တဲ့မှု လက္ခဏာများ

အိုင်းရွန်းချို့တဲ့မှုလက္ခဏာများမှာ အရွက်ငယ်များနှင့် သက်တမ်းအသင့်အတင့်ရှိ သော အရွက်များတွင် အရွက်ကြောများကြားထဲတွင် စိမ်းဝါရောင်ဖျော့ဖျော့ဖြစ်နေပြီး တဖြည်းဖြည်းအဝါရောင်ပြောင်းသွားခြင်း၊ အရွက်အနားသတ်များတွင် ဆဲလ်သေကွက်များ တွေ့ရပြီး ထိုဆဲလ်သေကွက်များသည် ရွက်ကြောများကြားထဲသို့ပျံ့နှံ့သွားပါသည်။

ချမ်းသာဦး

Reference

 - Yara Checked IT application

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more