လာဘ်ရွှင်စေတယ်ဆိုပြီး လူကြိုက်များတဲ့ ငွေအိတ်ဖောင်းပင်

ငွေအိတ်ပင်၊ အိတ်ဖောင်းပင် လို့လည်း ခေါ်ကြတဲ့ ပိုက်ဆံအိတ်ပင်က အရွက်ဖောင်း ဖောင်းလေးတွေနဲ့ တကယ့်ကို ချစ်စရာကောင်းတဲ့ အပင်လှလှလေးတွေပါ။

တချို့နိုင်ငံတွေမှာတော့ ပုရွက်ဆိတ်တွေနဲ့ ဆက်နွှယ်မှုရှိတဲ့ သစ်ကပ်ပင်ဖြစ်တာကြောင့် ပုရွက်ဆိတ်ပင်လို့လည်းခေါ်ကြပါတယ်တဲ့။

ဒီအပင်လေးတွေဟာ မြန်မာနိုင်ငံမှာတော့ အိမ်တွင်းအလှပင်စိုက်ပျိုးသူတွေကြား ရေပန်းစားနေတဲ့ အပင်အမျိုးအစားတစ်ခုပါ။ ဒါပေမဲ့ အများစုကိုတော့ ထိုင်းနိုင်ငံဘက်က တင်သွင်းတာဖြစ်တယ်လို့ ဆိုပါတယ်။

“ အိတ်ဖောင်းအပင်တွေက ထိုင်းကနေပဲလာတယ်။ တရုတ်ကမလာဘူး။ပြီးတော့ ဒီမှာပြန်ပွားပြီးတော့ ရောင်းတယ်ဆိုတာမကြားဖူးဘူး။ ကိုယ်ပဲမသိတာလားတော့ မသိဘူး။ တော်တော်များများက ထိုင်းကပဲ မှာကြတယ်။ ပြန်ပွားလို့ကရတယ်။ ဒါပေမဲ့ အချိန်အရမ်းကုန်တယ်။ တစ်ပင်တစ်ပင်ဖြစ်ဖို့က ခြောက်လလောက် အချိန်ပေးရတယ်” လို့ ငွေသော်တာ သစ်ခွဥယျာဉ်ခြံပိုင်ရှင်ဖြစ်တဲ့ စိုက်ပျိုးရေးပညာရှင် ဦးအောင်နိုင်ကပြောပြပါတယ်။

ဒါပေမဲ့ ကိုယ်တိုင်မျိုးပွားပြီးစိုက်ချင်သူတွေအတွက်တော့ အရွက်တွေနဲ့ အဆစ်တွေကို တိုက်ရိုက်ထိုးစိုက်တာ၊ သားတက်တွေကိုပြန်စိုက်တာတွေနဲ့ မျိုးပွားတာတွေ လုပ်နိုင်ပါတယ်။

အိတ်ဖောင်းပင်ရဲ့ အရွက်တွေအကုန်လုံးက ဘောလုံးလိုဖောင်းနေတာမျိုးမဟုတ်ပဲ ပြားနေတဲ့ အရွက်တွေလည်း ရှိပါတယ်။ ဒီအိတ်တွေဟာဆိုရင် ကာဗွန်ဒိုင်အောက်ဆိုဒ်နဲ့ အောက်စီဂျင်ကို လဲလှယ်တဲ့ လုပ်ငန်းစဉ်ကိုလည်း လုပ်ဆောင်ပါတယ်။

ငွေဖောင်းပင်လေးတွေဟာဆိုရင် အလင်းရောင်ကောင်းစွာရတာကြိုက်ပေမယ့် နေရောင်ခြည် တိုက်ရိုက်ထိတွေ့တာကို မကြိုက်ပါဘူး။ ရေအများကြီးလောင်းတာမျိုးကို မကြိုက်တဲ့အတွက် ရေမလောင်းခင်မှာ မြေသားစို၊ မစို ကိုကြည့်ပြီးမှလောင်းသင့်ပါတယ်။ မြေအစိုဓာတ် လျင်မြန်စွာ ခြောက်သွေ့သွားနိုင်တဲ့ အတွက် လေအရမ်းတိုက်တဲ့ နေရာမှာအပင်ကို ထားထားတာမျိုးကို ရှောင်ကြဉ်ရပါမယ်။

မြေဩဇာကျွေးတာအနေနဲ့တော့ ၁၆ ပတ်လည်မြေဩဇာကို ၂ ပတ်တစ်ကြိမ်ကျွေးပေးတာမျိုးလုပ်တယ်လို့ ဦးအောင်နိုင်က ဆိုပါတယ်။ နောက်ထပ် ရွက်ဖျန်းမြေဩဇာတစ်ခုခုသုံးတာမျိုးတော့ သူ့အနေနဲ့ ထပ်လုပ်တာမျိုးမရှိဘူးလို့လည်း ဦးအောင်နိုင်က ပြောပါတယ်။ 

အိတ်ဖောင်းပင်ဆိုတဲ့ နာမည်အတိုင်း လာဘ်ခေါ်သလိုလည်း ဖြစ်တဲ့အတွက် အရောင်းအဝယ်လိုက်တဲ့ အပင်ပဲဖြစ်ပါတယ်။ ဈေးနှုန်းကလည်း ၂၀၂၂ ခုနှစ်လောက်မှာ ပုံမှန်အားဖြင့် ကျပ် ၄၀၀၀ ဝန်းကျင်ရှိပြီး ပြုစုရတာ ကရိကထမများတဲ့အတွက် တိုက်ခန်းမှာနေတဲ့ သူတွေနဲ့ ဆိုင်တွေ၊ ရုံးတွေမှာ အလှထားဖို့အတွက် ဝယ်ကြတာများတယ်လို့ သိရပါတယ်။ သူက တွဲလောင်းချိတ်ဆွဲ ထားလို့ရတဲ့ အပင်အမျိုးအစားလည်းဖြစ်လို့ အလှဆင်တဲ့နေရာမှာလည်း အဆင်ပြေပါတယ်။

“ နာမည်လေးအတိုင်း ငွေဝင်စေနိုင်တယ် ယူဆပြီး အိတ်ဖောင်းပင်ကိုပဲ ရူးသွပ်ပြီး ဝယ်တဲ့လူကလည်း သပ်သပ်ကိုရှိတယ်” လို့ ကေသရီသစ်ခွဥယျာဉ်ခြံက မကလျာအောင်က ပြောပြလာပါတယ်။

အိတ်ဖောင်းပင်လေးတွေကို စိတ်ဝင်စားလို့ ဝယ်ယူချင်တယ်ဆိုရင်တော့ မကလျာ (ကေသရီ သစ်ခွဥယျာဉ်၊ ဖုန်းနံပါတ် 09 765115213) ကို ဆက်သွယ်ဝယ်ယူနိုင်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more