သမုဒ္ဒရာတွေကျန်းမာဖို့  လူသားတွေ စည်းကမ်းရှိစို့

11/01/2022 19:00 PM တွင် ဦးဇော်(dof) ဦးဇော်(dof) မှ ရေးသား

လူသားတွေအတွက် အစားအသောက်၊ အပန်းဖြေမှုနဲ့ ဆေးဝါးတွေကို ထုတ်လုပ်ပေးနေတဲ့ သမုဒ္ဒရာကြီးတွေက အခုတော့ ပလတ်စတစ်အမှုန်တွေနဲ့ ကျန်းမာရေးမကောင်းဘူးဖြစ်နေပါတယ်။ ဖျားနာနေတဲ့သမုဒ္ဒရာကြီးက လူသားတွေအတွက် ဆိုးကျိုးများစွာကိုလည်း ဖြစ်ပေါ်စေနိုင်ပါတယ်။

ဥပမာပြောရရင် ရောဂါပိုးမွှားတွေကို ဖန်းတီးပေးတယ်၊ ရေထုညစ်ညမ်းမှုကို ဖြစ်စေတယ်၊ ရေညှိအဆိပ်သင့်မှုကို ဖြစ်လာစေတယ်။ အဲ့ဒါတွေက လူသားတွေရဲ့ကျန်းမာရေးကို ထိခိုက်လာစေတာပေါ့။ သမုဒ္ဒရာဆိုတာ ကုန်းပေါ်က လူသားတွေ စွန့်ပစ်တဲ့အမှိုက်တွေကို နောက်ဆုံးလက်ခံတဲ့နေရာဖြစ်တော့ နှစ်စဉ်လူသားတွေ လွှင့်ပစ်လိုက်တဲ့ အမှိုက်တွေ စုပုံနေတော့တာပေါ့။

ကမ္ဘာဂြိုဟ်ပေါ်မှာရှိတဲ့ သက်ရှိ၈၀% လောက်က သမုဒ္ဒရာထဲမှာ နေထိုင်တာပါ။ အဲ့ဒီ သက်ရှိတွေ အဆိပ်သင့်လာပြီဆိုရင် ကုန်းနေသတ္တဝါတွေဆီကို တစ်နည်းမဟုတ်တစ်နည်းနဲ့ ရောက်လာတော့တာပါပဲ။ ရေမှာပေါက်ပွားတဲ့ ကူးစက်ရောဂါတွေနဲ့ ရေညှိအဆိပ်သင့်မှုက ပင်လယ်စာတွေကို သေချာပေါက် တိုက်ရိုက်ထိတွေ့မှု ဖြစ်နေပါတယ်။ အဲ့ဒီအထဲမှာ ဓာတုအဆိပ်ရည်တွေကိုပါ သမုဒ္ဒရာထဲစွန့်ပစ်တော့ ပိုပြီး ဆိုးဝါးတဲ့ရလဒ်တွေကို ဖြစ်စေတော့တာပေါ့။

ကမ္ဘာကြီး ပူနွေးလာမှုက ပင်လယ်ရေမျက်နှာပြင် မြင့်တက်လာမှုကိုဖြစ်စေပါတယ်။ ပင်လယ်ကမ်းခြေဒေသနေ လူ့အဖွဲ့အစည်းကိုတိုက်ရိုက် ထိခိုက်လာပါတယ်။ ကမ်းခြေဒေသဆိုတာက ကုန်းပေါ်ကစိုက်ပျိုးရေးလုပ်ငန်းမှာသုံးတဲ့ ပိုးသတ်ဆေးတွေ၊ အပင်ကျွေး ဓာတုအဟာရတွေ စုပုံနေတဲ့နေရာပါ။ အဲ့ဒီ ပိုးသတ်ဆေးတွေနဲ့ ဓာတုဆေးဝါးပျော်ရည်တွေက ပင်လယ်ရေမြင့်တက်လာချိန်မှာ ကမ်းခြေဒေသကို ဆားငံရေတွေနဲ့ ပြန်လည်ဝင်ရောက်လာပါတယ်။ မမျှော်လင့်ထားတဲ့ ကျန်းမာရေးဆိုးကျိုးတွေကို လူတွေခံရပြန်ပါတယ်။

 ရေတွေပြန်ကျသွားတော့လည်း ဓာတုဆေးဝါးတွေကြောင့်ဓာတ်တိုးပြီး အောက်စီဂျင်ကင်းမဲ့တဲ့ ရေတွေကြောင့် ရေနေသက်ရှိတွေကို ထိခိုက်မှုကြုံရပြန်ပါတယ်။ စက်ရုံတွေ စက်မှုလုပ်ငန်းတွေက စွန့်ပစ်လိုက်တဲ့ ဓာတုပျော်ရည်တွေကတော့ သမုဒ္ဒရာကြီး နေမကောင်းအောင်လုပ်တဲ့နေရာမှာ အဆိုးဆုံးပါပဲ။

ကမ္ဘာပေါ်မှာ ပစ္စိဖိတ် အနောက်မြောက်ပိုင်း၊ အိန္ဒိယသမုဒ္ဒရာအနောက်ပိုင်း၊ အတ္တလန်တိတ်သမုဒ္ဒရာ အရှေ့အလယ်ပိုင်း နေရာတွေပဲ ကျန်းမာရေးအကောင်းဆုံး ကျန်တော့ပါတယ်လို့ နောက်ဆုံး ပြုစုထားတဲ့ သုတေသနက ဆိုလိုက်ပါတယ်။

Source:  Seven sea media.

 

 


ဗွေဆော်ဦး ကြော်ငြာ
ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။
Read more မှာယူရန် နှိပ်ပါ

ဆွေးနွေးချက်များ

ဆွေးနွေးရန်