အောင်မြင်သော ငါးမွေးတောင်သူ (၁) ပြည်လုံးချမ်းသာ တစ်ရွာလုံး ကျန်းမာ အာဟာရ ကမ္ဘာ

ကျွန်တော့်အမည်မှာ ဦးသန်းလွင် ဖြစ်ပါသည်။ ရွာသစ်ကျေးရွာတွင် နေထိုင်ပါသည်။ ကျွန်တော်တို့ ရွာသစ်ကျေးရွာသည် မိတ္ထီလာမြို့နယ်၊ မလှိုင်မြို့ နယ်နှင့် နတ်မောက်မြို့နယ်ကို ဆက်သွယ်ထားသော ခရိုင်ချင်းဆက် လမ်းမ ပေါ်တွင် ရှိပါသည်။ ကျွန်တော်တို့ ကျေးရွာတွင် ယခုလက်ရှိ တို့ ငါးမွေးမြူရေး စီမံကိန်းမှ ငါးမွေးတောင်သူဦးရေ (၃၀) နှင့် ငါးသားပေါက်ပြုစုသူဦးရေ (၇) ဦး ပါ ဝင်သော ပြည်လုံးချမ်းသာ ငါးမွေးအဖွဲ့ကို ဖွဲ့စည်းထားပါသည်။ ရွာသစ် ကျေးရွာလေးသည် ယခင်ကဆိုလျှင် စိုက်ပျိုးရေးနှင့် မွေးမြူရေးကို အဓိကထားပြီး တစ်ချို့မှာ ထန်းတက်ခြင်းဖြင့် အသက်မွေးဝမ်းကြောင်း ပြုပါသည်။

၂၀၁၆ နှစ်ဆန်းပိုင်းတွင် ပက်မြန်မာဖို့ ငါးမွေးမြူရေးအဖွဲ့ ရောက်ရှိလာပြီး ငါးမွေးမြူရေး စီမံကိန်းအကြောင်း မိတ်ဆက်ပေးခဲ့သည်။ ကျေးရွာမှာလည်း ငါး မွေးမြူရေးကို စိတ်င်စားသူများရှိလာပြီး စီမံကိန်းနှင့် လက်တွဲ လာကြပါသည်။ ကျွန်တော်သည်လည်း စီမံကိန်းနှင့် လက်တွဲ၍ ငါးမွေးမြူရေးလုပ်ငန်းကို ဆောင် ရွက်ခဲ့ပါသည်။ စီမံကိန်း၏ ပံ့ပိုးကူညီမှုဖြင့် ကျွန်တော့်တွင် အသားတိုးမွေးမြူရန် မြေသားကန်တစ်ကန်နှင့် သားပေါက် ပြုစုကန်တစ်ကန် ရှိပါသည်။ လွန်ခဲ့သော သုံးလခန့်က ကျွန်တော်၏ အသားတိုးကန်တွင် တိုင်းရင်းငါးငယ်အချို့ သဘာဝ အတိုင်း ပေါက်ပွားနေသည်ကို တွေ့ရပါသည်။ စီမံကိန်းမှ ငါးမွေးမြူရန် ထောက်ပံ့ ကူညီမှုများ၊ ငါးမွေးမြူရေးနည်းပညာများအပြင် အာဟာရနှင့် ပတ်သက်သော အကြောင်းများကိုလည်း ချိတ်ဆက် ဆွေးနွေး ပေးသည်။ အလွယ်တကူရနိုင်သော တိုင်းရင်းငါးငယ်ကလေးများ အာဟာရကြွယ်ဝမှုဆိုင်ရာ ဗဟုသုတများကိုလည်း ဆွေးနွေးပွဲများတွင် အလျင်းသင့်သလို ဆွေးနွေးပြောကြားပေးခဲ့သည်။ ထို ငါးငယ်လေးများကို စားသုံးခြင်းဖြင့် မျက်စိကြည်ခြင်း၊ အရိုးအဆစ်သန်မာပြီး ညဏ်ရည်ဖွံ့ဖြိုးခြင်းများအပြင် ကိုယ်ဝန်ဆောင်မိခင်နှင့် ကလေးများအတွက် အထူးကောင်းမွန်ခြင်းများ ရှိသည်ကို အသေးစိတ် သိရှိရပါသည်။ ကျွန်တော်တို့ရွာတွင် ယခင်က ဆိုလျှင် ငါးကလေးများ စားသုံးမှုနည်းပြီး ပြင်ဆင် ချက်ပြုတ်သည့်အခါတွင်လည်း ငါးကိုခေါင်းများ ဖယ်ထုတ်၍ ရေအထပ်ထပ်ဆေးပြီးမှ ချက်ပြုတ်လေ့ ရှိပါသည်။ ထို့ပြင် တိုင်းရင်း ငါးငယ်လေးများ စားသုံးခြင်းဖြင့် ရရှိနိုင်သည့် အကျိုးကျေးဇူးကို ယခင်က သိရှိခဲ့ခြင်း မရှိပါ။ ယခုအခါတွင် ငါးငယ်လေးများကို (ကြော်စား၊ အိုးကပ်ချက်စား၊ ငါးဟင်းချို လုပ်စား) စသဖြင့် အာဟာရ ပြည့်ဝပုံအကျိုးကို သိရှိပြီး တစ်ရွာလုံး ပိုမိုစားသုံး လာကြ ရှိပါသည်။

ကျွန်တော်တို့ မိသားစုတွင်လည်း တစ်ပတ်သုံးကြိမ်ခန့် ထိုငါးကလေးများကို ဖမ်းဆီး ချက်ပြုတ် စားသောက်လေ့ ရှိပါသည်။ ထိုငါးကလေးများသည် အလွယ်တကူ ရရှိနိုင်ခြင်းကြောင့် မီးဖိုချောင်စရိတ် ကာမိလာပါသည်။ ကျွန်တော်တို့ အနေဖြင့် ပိုလျှံဖမ်းမိသော ငါးငယ်ကလေးများကို အခြားသို့ရောင်းချခြင်းဖြင့် လတ်တလောတွင် လေးသောင်းကျပ်ခန့် ရရှိနေပြီး တစ်ဖက်တစ်လမ်းက ဝင်ငွေ ရရှိနေပါသည်။ ယခုအချိန်တွင် ထိုတိုင်းရင်းငါးငယ်လေးများကို အခြားငါးကြီးများဖြစ်သော ငါးမြစ်ချင်း၊ ထိုင်းငါးခုံးမများ နှင့် ရောနှောပြီး မွေးမြူကြသည်။ အခြားငါးကြီးများတွင်လည်း ဆိုးကျိုးကြီးကြီးမားမား မရှိပါ။ ငါးကလေးများကိုလည်း လိုအပ်ချိန်တွင် အချိန်မရွေး ဖမ်းစားရန် အဆင်ပြေပါသည်။

ယခုဆိုလျှင် ကျွန်တော်တို့ရွာတွင် တစ်ပိုင်တစ်နိုင် ငါးမွေးမြူရေးကန်များ နှင့် ငါးသားပေါက် ပြုစုကန်များ အပြင် Livelihoods and Food Security Trust Fund တစ်ရွာလုံးပိုင် community pond ကိုပါ အကောင်အထည်ဖော်ဖြစ်စေရန် အကူအညီပေးသော "တို့ ငါးမွေးမြူရေး စီမံကိန်း” အား အထူးပင် ကျေးဇူးတင်ရှိပါကြောင်း ထပ်မံ၍ ပြောကြားအပ်ပါသည်။ ပါသည်။

Source – My Culture

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...